Нахуствазири Русия Дмитрий Медведев, акс аз бойгонӣ

Дмитрий Медведев ба Тоҷикистон расид

140
(Таҷдидшуда 10:26 31.05.2018)
Дар Душанбе Дмитрий Медведев бо роҳбарияти Тоҷикистон ва бархе аз нахуствазирони кишварҳои ҳамсуд мулоқот хоҳад кард

ДУШАНБЕ, 31 мая — Sputnik. Нахуствазири Русия Дмитрий Медведев бо сафари расмӣ ба Тоҷикистон рафт.

Дар назар аст, зимни сафар нахуствазир бо раисҷумҳури Тоҷикистон Эмомалӣ Раҳмон ва сарвазири кишвар Қоҳир Расулзода мулоқот кунад.

"Зимни дидор ҷонибҳо масъалаҳои рушди ҳамкорӣ дар соҳаҳои соҳибкорӣ ва иқтисодӣ, сармоягузорӣ, энержӣ, нақлиёт, кишоварзӣ, муҳоҷират ва гуманитариро баррасӣ хоҳанд кард" —  менависад дафтари матбуотии Ҳукумати Русия.

Қарор аст, пас аз анҷоми мулоқотҳо санадҳои дуҷониба ба имзо расад.  

Ҳамчунин, Медеведев 1 июн дар Душанбе дар ҷаласаи сарони Ҳукуматҳои узви кишварҳои ҳамсуд иштирок хоҳад кард.

140
Барчаспҳо:
дидор, сафар, Дмитрий Медведев, Тоҷикистон
Книга, архивное фото

Дар кӯчаҳои Душанбе китобхонаҳо пайдо мешаванд

8
(Таҷдидшуда 15:14 24.01.2021)
Ин иқдом бори аввал дар Тоҷикистон соли 2017 дар боғи марказии шаҳри Хоруғ аз ҷониби Ташкилоти ҷамъиятии "Умедвор" дар ҳамкорӣ бо ширкати "Помирэнерҷӣ" гузаронида шуд

ДУШАНБЕ, 24 январ - Sputnik. Дар маркази шаҳри Душанбе аз ҷониби лоиҳаи Kitobz.tj ҷевонҳои китобдор пайдо мешаванд.

Дар қасабаи  82, Зарафшон, Садбарг, назди Театри опера ва балет, фурудгоҳ, микрорайони 46, Иттифоқҳои касаба ва маҳаллаи Гипрозем 10 нуқтаи "китобхонаи кӯчагӣ" насб карда мешавад.

Интиқоли китоби Тоҷикон ба ноҳияи Ванҷ
сомонаи Вазорати маориф ва илми Тоҷикистон

Баҳром Саъдиев роҳбари лоиҳаи Kitobz.tj дар суҳбат бо АМИТ "Ховар" гуфт, ки дар тӯли 4 соли мавҷудияти лоиҳаи мазкур миқдори зиёди китобҳо дастрас шуданд. 

"Насби "китобхонаи кӯчагӣ" барои лоиҳа пешравии назаррас ва саҳмгузорӣ  барои насли ояндаи мамлакат мебошад. Инчунин ташаббуси Президенти Ҷумҳурии Тоҷикистон- тақдими китоби "Тоҷикон"-и Бобоҷон Ғафуров ба ҳар оилаи тоҷик,  идомаи озмунҳои "Фурӯғи субҳи доноӣ китоб аст" моро водор намуд, ки  дар амалӣ намудани ин иқдомҳо нақши худро гузорем".

Гуфта мешавад, ҳадафи амалӣ намудани лоиҳаи мазкур ҷалби таваҷҷуҳи насли наврас ва ҳам ҷавонону калонсолон ба мутолиаи китоб мебошад.

Барои дастрас будани китобхонаҳо ба кӯчаҳои канори Душанбе, дар бархе маҳаллаҳои зист китобхонаҳои хурди сайёр дар шакли ҷевонҳои шишагин ташкил мегарданд.

Ҳар кас метавонад аз он китоби писандидаи худро, албатта, ройгон бигирад ва китобро хонда, баргардонад, то хонандаи дигар онро гирад.

Бояд гуфт, ки ин иқдом бори аввал дар Тоҷикистон соли 2017 дар боғи марказии шаҳри Хоруғ аз ҷониби Ташкилоти ҷамъиятии "Умедвор" дар ҳамкорӣ бо ширкати "Помирэнерҷӣ" дар кӯчаҳои шаҳр гузаронида шуда буд ва он таваҷҷуҳи роҳгузаронро ба худ ҷалб менамуд.

8
Барчаспҳо:
ҷевонҳои китобмонӣ, Душанбе, китобхона
Гаффоров Абдухалим

Ниёз ба артиши тавоно: Ғаффоров хост, дар хизмат адабиёт таълим дода шавад

67
(Таҷдидшуда 12:45 24.01.2021)
Абдуҳалим Ғаффоров, вакили парлумон ва раиси Ҳизби сотсиалистии Тоҷикистон пешниҳод кард, ки дар артиш ба ҷадвали дарсҳо фанни адабиёт ворид карда шавад

ДУШАНБЕ, 24 янв— Sputnik. Ғаффоров дар ҷаласаи ахири парлумон гуфт, пешниҳод менамоям, ки дар қисмҳои ҳарбӣ дарси адабиёт, баробар бо дарсҳои техникӣ, ба ҷадвали дарсӣ ворид карда шавад.

Тибқи гузориши нашрияи “Садои мардум”, Ғаффоров ҳадафи пешниҳодро дар он гуфт, ки ҷавонон донишро дар бораи адабиёти давраи классикию муосир ҳар чӣ бештар сайқал диҳанд ва бо эҳсоси баланди ифтихор аз кишвари маҳбуб, дӯст доштани Ватан ҳамеша омодаи хид­мат дар ҳифзи Ватан бошанд. Ӯ байти ҳаким Фирдавсиро зикр кардааст, ки "Пароканда лашкар наояд ба кор, дусад марди ҷангӣ беҳ аз сад ҳазор".

Раиси Ҳизби сотсиалистӣ хотиррасон намуд, ки Тоҷикистон  бо  Афғонистон беш аз 1400 километр ва бо Қирғизистон беш аз 900 километр хати марз дошта, ин ҳолати воқеӣ тақозо менамояд, ки артиши миллии тавоно дошта бошем.

“Маҳз мавҷудияти ҳисси баланди ватандӯстӣ имкон медиҳад, ки ҷавонон, ки дар сафи Қувваҳои Мусаллаҳ хизмати Ватанро ба ҷой меоранд, дар дифои кишвар ҳамеша омода бошанд”, - таъкид намуд Ғаффоров.

67
Барчаспҳо:
адабиёт, хизмати ҳарбӣ, Тоҷикистон