Наврасон дар клуби компютерӣ, акс аз бойгонӣ

Дар Тоҷикистон вуруди шабонаи афроди то 18-сола ба марказҳои бозиҳои интенетӣ мамнӯъ шуд

80
(Таҷдидшуда 14:33 03.06.2018)
Вуруди афроди зери 18 сол аз соати 18 шаб ба баъд, ба марокизи бозиҳои интернетӣ дар Тоҷикистон мамнӯъ эълом шуд.

ДУШАНБЕ, 3 июн — Sputnik. Ба гузориши хабаргузории "Парс тудэй", ин мамнӯъият бар асоси ислоҳияи қонуни масъулияти волидайн дар тарбияти фарзандон эъмол мешавад, ки дар нимаи моҳи майи гузашта дар Маҷлиси намояндагони Тоҷикистон тасвиб ва акнун иҷроӣ шудааст.

Бар асоси ин ислоҳияи қонунӣ, неруҳои интизомӣ муваззаф шудаанд, бо вуруд ба марокизи бозиҳои интернетӣ, раванди иҷрои онро назорат кунанд.

Дар сурати ҳузури афроди зери 18 сол ба ин марокиз, онон боздошт ва бо ташкили парванда ба додгоҳ муаррифӣ хоҳанд шуд ва ҷаримаи молӣ низ дар интизори волидайни онҳо хоҳад буд.

Абдурраҳмон Аламшозода муовини вазири умури дохилаи Тоҷикистон бо ҳимоят аз ин иқдом гуфтааст, тайи панҷ соли ахир барои нақзи қонуни масъулияти волидайн дар тарбияти фарзандон, бо ҳукми додгоҳҳо беш аз 60 ҳазор нафар маҳкум ба пардохти ҷаримаи молӣ шудаанд.

Аз ин рӯ волидайн набояд иҷоза диҳанд, ки фарзандони ноболиғ ва зери 18 соли онон пас аз соати 18 дар марокизи бозиҳои интернетӣ ҳузур дошта бошанд.

 Вай яке аз авомили афзоиши хушунат ва даргириҳои гурӯҳӣ дар миёни насли ҷавон дар Тоҷикистонро намоиши филмҳои хориҷии бо муҳтавои хушунат ва одамкушӣ дар марказҳои интернетии ин кишвар унвон карда, ки сабаби ҷорӣ намудани маҳдудият барои ҳузури афроди зери 18 сол дар ин марокиз шудааст.

80
Барчаспҳо:
маркази компютерӣ, бозӣ, наврасон, Тоҷикистон
День 24 января

Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих

8
(Таҷдидшуда 19:43 23.01.2021)
Рӯзи бистучоруми январ ҳамчун Рӯзи байналмилалии эскимо мебошад. Зимнан дар ин рӯз дар Ҳиндустон аз Рӯзи миллии духтарон ва дар Британияи Кабир Рӯзи ёдбуди қурбониёни генотсид дар Ҷанги дуюми ҷаҳонӣ таҷлил мегардад

Рӯзи 24 январ дар ҷаҳон чӣ рух дод

Соли 1939 дар Чили заминҷунбии шадид ба амал омад, ки дар натича зиёда аз 50 ҳазор нафар ба ҳалокат расиданд.

 

Последствия землетрясения и цунами в Чили 16 сентября 2015 года
Pablo Ovalle Isasmendi/AGENCIA UNO via AP
Последствия землетрясения и цунами в Чили 16 сентября 2015 года

Соли 1946 Комиссияи СММ оид ба энергияи атомӣ таъсис дода шуд.

Рӯзи 24 январ дар Тоҷикистон чӣ рух дод

Соли 2013 дар шаҳри Душанбе таҳти раёсати раисҷумҳури Тоҷикистон Эмомалӣ Раҳмон ҷаласаи Шӯрои амнияти Ҷумҳурии Тоҷикистон доир ба натиҷаҳои фаъолият дар соли 2012 ва вазифаҳо барои соли 2013 баргузор гардид.

День 3 января
© Sputnik/ Стас Этвеш/ Мария Вишнякова

Соли 2014 дар шаҳри Душанбе масоили вақт ва дурнамои ҳамкории мутақобиланд судманду гуногунҷанбаи Тоҷикистону Русия муҳокима карда шуданд.Соли 2014 пас аз анҷоми ҷаласаи 12-уми байниҳукуматии Тоҷикистону Русия оид ба ҳамкории тиҷоратӣ-иқтисодӣ шартномаи муштарак оид ба ҳамкории дуҷониба ба имзо расид.

Соли 2008 Стратегияи мубориза бо коррупсия дар Ҷумҳурии Тоҷикистон барои солҳои 2008-2012 қабул гардид.

Соли 2010 намояндагии дипломатии Шоҳигарии Арабистони Саудӣ фаъолияти худро дар Ҷумҳурии Тоҷикистон оғоз намуд.

Соли 2014 дар шаҳри Санкт-Петербурги Федератсияи Русия бозии кушодашавии Ҷоми "Иттиҳод-2014" миёни дастаҳои Тоҷикистон ва Эстония бо натиҷаи мусовӣ  2:2 ба анҷом расид.

Ҷашнҳои рӯзи 3 январ дар Тоҷикистон ва ҷаҳон

Соли 2017 дар Сафорати Япония дар Душанбе маросими баимзорасии 10 лоиҳаи нави Барномаи Ҳукумати Япония оид ба кумаки бебозгашт ва бехатарии гуманитарӣ барои ҳамаи қишрҳои аҳолӣ ба имзо расид.

Ҷашнҳои рӯзи 24 январ

  • Рӯзи байналмилалии эскимо.
  • Дар Британияи Кабир – Рӯзи ёдбуди қурбониёни генотсид  (қатли ом бо баҳонаҳои нажодӣ, миллӣ ва динӣ)  дар Ҷанги дуюми ҷаҳон.
  • Дар Ҳиндустон – Рӯзи миллии духтарон.
8
Барчаспҳо:
ҷашн, ҷаҳон, Тоҷикистон
Самолет, на фоне заката

Тавофуқи Тоҷикистону Русия ба интиқоли нахустин гурӯҳи муҳоҷирон - вақти сафар маълум шуд

1169
Вазорати меҳнати Тоҷикистон ба интиқоли 434 муҳоҷири меҳнатӣ ба кор ба соҳаи сохтмон дар шаҳри Иркутск бо Русия ба тавофуқ расид

ДУШАНБЕ, 23 янв — Sputnik. Вазорати меҳнат ва шуғли аҳолии Тоҷикистон ба вилояти Иркутск 434 муҳоҷири меҳнатиро дар мувофиқа бо ширкатҳои сохтмонии Русия ирсол мекунад. Дар ин бора вазорат гузориш додааст.

"Вазорати меҳнат тибқи дастури муовини сарвазири ҳукумати Русия Татяна Голикова дар доираи ҷалби муташаккилонаи муҳоҷирони меҳнатӣ созишнома ба имзо расонид ", - омадааст дар иттилоия.

Инчунин қайд карда мешавад, ки қарор аз ҷониби ситод оид ба пешгирӣ аз воридот ва паҳншавии коронавирус дар Федератсияи Русия тасдиқ карда шудааст.

Тибқи созишнома, 434 муҳоҷири меҳнатӣ аз Тоҷикистон соҳиби ҷойҳои кории кафолатнок шуданд ва дар Иркутск дар ҶДММ "Промстроймаш", ҶДММ "Сибстальстрой" ва ҶДММ "СМПК-7" бо кор таъмин карда мешаванд.

Гурӯҳи якуми коргарон дар аввали ҳафтаи оянда ба Иркутск парвоз хоҳанд кард, ҳоло масъалаҳои ташкилӣ ҳамоҳанг карда мешаванд, илова ба Вазорати меҳнат.

Тибқи иттилои ин шӯъба, тамоми хароҷоти парвозҳо, карантини дуҳафтаина, ҳуҷҷатгузорӣ, хобгоҳ ва хӯрок аз ҳисоби ширкатҳои дар боло зикршуда пардохта мешавад.

1169