Дар мағоза, акс аз бойгонӣ

Дар Суғд маркази савдои бузурги "Самарқанд" ифтитоҳ шуд

124
(Таҷдидшуда 17:12 07.06.2018)
Маркази савдои мазкур дар заминаи барқароршавии равобити дӯстонаи Тоҷикистону Узбекистон “Самарқанд” номида шудааст

ДУШАНБЕ, 7 июн — Sputnik.   Дар шимоли Тоҷикистон, дар шаҳри Бӯстон  калонтарин маркази савдо бо номи "Самарқанд" ба фаъолият оғоз кард. Дар ин бора дафтари матбуотии Ҳукумати вилояти Суғд хабар медиҳад.

"Маркази савдои мазкур дар заминаи барқарории равобити дӯстонаи Тоҷикистон бо Узбакистон ва рамзи таҳкими дӯстиву рафоқат бо кишвари ҳамсоя "Самарқанд" номгузорӣ карда шуд",- гуфта мешавад дар иттилои манбаъ.

"Самарқанд" бо ташаббуси соҳибкорони маҳаллӣ Ёдгор Мамадов ва Абдулаҳай Шарипов таҷдид гардида, дар он 15 сокини маҳаллӣ бо ҷои кори доимӣ ва маоши хуб таъмин гардиданд.

Маркази савдо дар кӯчаи А.С.Пушкин воқеъ буда,ба муштариён маҳсулоти нисбатан арзон пешниҳод мекунад.

124
Барчаспҳо:
ифтитоҳ, маркази савдо, Суғд, Тоҷикистон
Книга, архивное фото

Дар кӯчаҳои Душанбе китобхонаҳо пайдо мешаванд

5
(Таҷдидшуда 15:14 24.01.2021)
Ин иқдом бори аввал дар Тоҷикистон соли 2017 дар боғи марказии шаҳри Хоруғ аз ҷониби Ташкилоти ҷамъиятии "Умедвор" дар ҳамкорӣ бо ширкати "Помирэнерҷӣ" гузаронида шуд

ДУШАНБЕ, 24 январ - Sputnik. Дар маркази шаҳри Душанбе аз ҷониби лоиҳаи Kitobz.tj ҷевонҳои китобдор пайдо мешаванд.

Дар қасабаи  82, Зарафшон, Садбарг, назди Театри опера ва балет, фурудгоҳ, микрорайони 46, Иттифоқҳои касаба ва маҳаллаи Гипрозем 10 нуқтаи "китобхонаи кӯчагӣ" насб карда мешавад.

Интиқоли китоби Тоҷикон ба ноҳияи Ванҷ
сомонаи Вазорати маориф ва илми Тоҷикистон

Баҳром Саъдиев роҳбари лоиҳаи Kitobz.tj дар суҳбат бо АМИТ "Ховар" гуфт, ки дар тӯли 4 соли мавҷудияти лоиҳаи мазкур миқдори зиёди китобҳо дастрас шуданд. 

"Насби "китобхонаи кӯчагӣ" барои лоиҳа пешравии назаррас ва саҳмгузорӣ  барои насли ояндаи мамлакат мебошад. Инчунин ташаббуси Президенти Ҷумҳурии Тоҷикистон- тақдими китоби "Тоҷикон"-и Бобоҷон Ғафуров ба ҳар оилаи тоҷик,  идомаи озмунҳои "Фурӯғи субҳи доноӣ китоб аст" моро водор намуд, ки  дар амалӣ намудани ин иқдомҳо нақши худро гузорем".

Гуфта мешавад, ҳадафи амалӣ намудани лоиҳаи мазкур ҷалби таваҷҷуҳи насли наврас ва ҳам ҷавонону калонсолон ба мутолиаи китоб мебошад.

Барои дастрас будани китобхонаҳо ба кӯчаҳои канори Душанбе, дар бархе маҳаллаҳои зист китобхонаҳои хурди сайёр дар шакли ҷевонҳои шишагин ташкил мегарданд.

Ҳар кас метавонад аз он китоби писандидаи худро, албатта, ройгон бигирад ва китобро хонда, баргардонад, то хонандаи дигар онро гирад.

Бояд гуфт, ки ин иқдом бори аввал дар Тоҷикистон соли 2017 дар боғи марказии шаҳри Хоруғ аз ҷониби Ташкилоти ҷамъиятии "Умедвор" дар ҳамкорӣ бо ширкати "Помирэнерҷӣ" дар кӯчаҳои шаҳр гузаронида шуда буд ва он таваҷҷуҳи роҳгузаронро ба худ ҷалб менамуд.

5
Барчаспҳо:
ҷевонҳои китобмонӣ, Душанбе, китобхона
Гаффоров Абдухалим

Ниёз ба артиши тавоно: Ғаффоров хост, дар хизмат адабиёт таълим дода шавад

66
(Таҷдидшуда 12:45 24.01.2021)
Абдуҳалим Ғаффоров, вакили парлумон ва раиси Ҳизби сотсиалистии Тоҷикистон пешниҳод кард, ки дар артиш ба ҷадвали дарсҳо фанни адабиёт ворид карда шавад

ДУШАНБЕ, 24 янв— Sputnik. Ғаффоров дар ҷаласаи ахири парлумон гуфт, пешниҳод менамоям, ки дар қисмҳои ҳарбӣ дарси адабиёт, баробар бо дарсҳои техникӣ, ба ҷадвали дарсӣ ворид карда шавад.

Тибқи гузориши нашрияи “Садои мардум”, Ғаффоров ҳадафи пешниҳодро дар он гуфт, ки ҷавонон донишро дар бораи адабиёти давраи классикию муосир ҳар чӣ бештар сайқал диҳанд ва бо эҳсоси баланди ифтихор аз кишвари маҳбуб, дӯст доштани Ватан ҳамеша омодаи хид­мат дар ҳифзи Ватан бошанд. Ӯ байти ҳаким Фирдавсиро зикр кардааст, ки "Пароканда лашкар наояд ба кор, дусад марди ҷангӣ беҳ аз сад ҳазор".

Раиси Ҳизби сотсиалистӣ хотиррасон намуд, ки Тоҷикистон  бо  Афғонистон беш аз 1400 километр ва бо Қирғизистон беш аз 900 километр хати марз дошта, ин ҳолати воқеӣ тақозо менамояд, ки артиши миллии тавоно дошта бошем.

“Маҳз мавҷудияти ҳисси баланди ватандӯстӣ имкон медиҳад, ки ҷавонон, ки дар сафи Қувваҳои Мусаллаҳ хизмати Ватанро ба ҷой меоранд, дар дифои кишвар ҳамеша омода бошанд”, - таъкид намуд Ғаффоров.

66
Барчаспҳо:
адабиёт, хизмати ҳарбӣ, Тоҷикистон