Хайрулло Мирсаидов, акс аз бойгонӣ

Мурофиаи додгоҳии Хайрулло Мирсаидов шурӯъ шуд

75
Додситонии вилояти Суғд Хайрулло Мирсаидовро тибқи се моддаи Кодекси ҷиноии Тоҷикистон, аз ҷумла азхуд ва масраф кардани маблағи даста, тақаллуби ҳуҷҷат ва барқасдона паҳн кардани маълумоти бардурӯғ муттаҳам мекунад

ДУШАНБЕ, 7 июн — Sputnik. Дар шаҳри Хуҷанд мурофиаи додгоҳии Хайрулло Мирсаидов, хабарнигор  ва раҳбари пешини дастаи "КВН"-и Тоҷикистон шурӯъ шуд.

Додситонии вилояти Суғд Хайрулло Мирсаидовро тибқи се моддаи Кодекси ҷиноии Тоҷикистон, аз ҷумла  азхуд ва масраф кардани маблағи даста, тақаллуби ҳуҷҷат ва барқасдона паҳн кардани маълумоти бардурӯғ муттаҳам мекунад.

Дар рафти тафтишот, ки 6 моҳ идома ёфт, аз парвандаи Мирсаидов  иттиҳомоти  барангехтани хусумати миллӣ ва маҳаллӣ  бардошта шуд.

"Мурофиаи додгоҳии Хайрулло Мирсаидов ба таври озод сурат мегирад, ки дар он наздикони вай ва рӯзноманигорон  низ иштирок доранд" — иттилоъ додаанд, ҳамкорони Хайрулло Мирсаидов.

Хайрулло Мирсаидов 5-уми декабри соли 2017 пас аз ирсоли мактуби саркушода ба раисҷумҳури Тоҷикистон Эмомалӣ Раҳмон дар бораи фасод дар сохторҳои ҳукуматӣ дастгир шуд.

Дар рафтит тафтишот,  чанд ташкилотҳои байналмиллалӣ, аз ҷумла Кумитаи байналмилалии ҳимояи ҳуқуқӣ журналистон (Committee to ProtectJournalists) ва хабарнигорони бидуни марз Human Rights Watch(HRW) ва Кумитаи Хелсинкии Норвегия аз давлати Тоҷикистон хостори озодии ӯ шуданд.  

75
Барчаспҳо:
тафтишот, иттиҳомот, мурофиа, додгоҳ, Хайрулло Мирсаидов, Тоҷикистон
Люди в масках в городе

Омори ҷадиди фавт, сироят ва шифоёбӣ аз коронавирус дар Тоҷикистон давоми як рӯз

450
Вазорати тандурустии Тоҷикистон омори ҷадиди фавт сироят ва шифоёбӣ аз маризии сироятии коронавирусро мунташир намуд

ДУШАНБЕ, 11 июл – Sputnik. Шабонарӯзи гузашта дар Ҷумҳурии Тоҷикистон 49 ҳолати нави сироятёбӣ ба COVID-19 ошкор гардидааст, хабар медиҳад Вазорати тандурустӣ.

Ба ҳамин минвол, шумораи умумии гирифторон ба маризии коронавирус аз 30 - юми апрел то 11 - уми июл ба 6 505 нафар баробар аст.

Баъди марги боз як нафар: сироятёбӣ аз коронавирус дар Тоҷикистон коҳиш ёфт - омори расмӣ

Манбаъ меафзояд, то имрӯз дар мамлакат 5176 нафар ё худ 79,5 дарсади гирифторони COVID-19 шифо ёфтаанд. Ҳамчунин шабонарӯзи гузашта ягон ҳолати фавт аз коронавирус дар ҷумҳурӣ ба қайд гирифта нашудааст ва теъдоди умумии қурбониён 55 нафар арзёбӣ мешавад.

"Шабонарӯзи охир 196 нафар гумонбарон зери назорати табибон қарор дошта, 61 нафар пас аз муолиҷа ба хонаҳояшон рухсат дода шуданд", — таъкид мешавад дар хабар.

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

450
Барчаспҳо:
омор, Тоҷикистон, вазорати тандурустӣ
Мавзуҳо:
Пайомадҳои COVID-19 дар Тоҷикистон ва ҷаҳон

Таъсири COVID -19 ба туйҳои арӯсию домодӣ дар Хуҷанд

305
(Таҷдидшуда 16:38 11.07.2020)
Зарфи як моҳ, яъне аз замоне, ки Ситоди ҷумҳурӣ оид ба пешгирӣ ва мубориза бо бемории COVID-19 ба баргузории маъракаҳои туйи домодию арӯсӣ иҷоза дод, дар шаҳри Хуҷанд 47 ҳолати бастани ақди ниқоҳ сабт шудааст

ДУШАНБЕ, 11 июл – Sputnik. Масъулони Идораи сабти асноди ҳолати шаҳрвандӣ (ЗАГС) дар шаҳри Хуҷанд мегуянд, бемории COVID - 19 ҳатто ба баргузории маросимҳои ақди никоҳ таъсири худро расондааст.

Фирӯза Раҳимӣ, мудири хонаи ақди никоҳ дар Хуҷанд гуфтааст, ки танҳо дар як моҳи охир аз замоне, ки Ситоди мубориза бо COVID – 19 барои баргузории туйҳои арӯсию домодӣ иҷоза дод, дар шаҳри Хуҷанд дар умум 47 мавриди бастани ақди ниқоҳ доир шудааст. Бино ба гуфтаи Раҳимӣ, ин теъдод назар ба моҳҳои гузашта ба маротиб кам будааст.

Ду тӯй дар як хонавода: арӯс ва 12 меҳмон мубталои коронавирус шуданд

Ситоди пешгирӣ ва мубориза бо бемории COVID – 19 баъд аз як моҳу бист рӯзи мутавақиф гузоштани маъракаҳои мардумӣ, рӯзи 20-уми июн бо муқарраротҳои нав аз қабили риояи бастани ниқоб барои ҳамаи иштирокчиён ва танҳо баргузор намудани як маърака дар як рӯз ва он ҳам бо иштироки то 100 нафар, дар маҳалла ва тарабхона ба баргузории туйҳои арӯсию домодӣ иҷоза дод.

Абдуғаффор Ҷабборов, сардори Маркази назорати давлатии санитарию эпидемологии Суғд чанде пеш дар суҳбат ба Sputnik Тоҷикистон гуфт, ки риояи ин муқарраротҳо дар вақти баргузории маъракаҳо, аз сӯи кормандони ин ниҳод дар шаҳру ноҳияҳо назорат мешавад.

"Ба ҳамаи роҳбарони туйхонаҳо пешниҳод дода шудааст, ки баргузории маъракаҳоро дар доираи муқарраротҳои Ситоди ҷумҳуриявӣ оид ба мубориза бо COVID-19 доир намоянд. Даромад бо ниқобҳои муҳофизатӣ барои ҳар як иштирокчии туй, ҳатто арӯсу домодро назорат кунанд, фосилаи ҷои нишаст барои иштирокчиёнро нигоҳ доранд. Инчунин дар даромадгоҳҳо бояд дастгоҳҳои ҳароратсанҷ (тепловизор) фаъол карда шуда, маводи антисептикӣ, дастмолҳои яккарата ва маводи дастшӯӣ (собун) таъмин карда шавад", - гуфт Ҷабборов.

Ҳоло волидоне, ки барои баргузории туйи фарзандонашон зарурат доранд, тибқи муқарраротҳои Ситоди пешгирии COVID – 19 дар доираи маҳдуд баргузор мекунанд. Аммо бархеи дигар интизор доранд, ки “вируси корона” ба пуррагӣ маҳв гардад ва онҳо туйи аъзои хонаводаи худро дар доираи васеъ ва бидуни ниқоббандӣ доир кунанд.

Дар Тоҷикистон ҳамасола то 60 ҳазор бастани ақди никоҳ ба қайд гирифта мешавад, ки аз ин шумор бештар аз 23 ҳазор маврид ба вилояти Суғд рост меояд.

305
Барчаспҳо:
тӯй, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон

Ҳушдори Лавров: террористҳо метавонанд аз коронавирус сӯистифода кунанд - навор

0
(Таҷдидшуда 18:30 11.07.2020)
Вазири умури хориҷаи Русия Сергей Лавров дар ҷараёни "Примаковских чтения" назари худро дар мавриди вазъи байналмилалӣ изҳор дошт

Сергей Лавров вазири умури хориҷии Русия ба масоили таъсири пандемия ба сиёсати ҷаҳон мудохила кард.

"Ин сироят ҳамаи мушкилот ва таҳдидҳое, ки қаблан ҳам мавҷуд буданд, шадидатар кард. Тахминҳо вуҷуд доранд, ки террористон фикр мекунанд, ки чӣ гуна ин вирусро истифода баранд ва ё ба эҷоди вируси нав даст ёбанд", - изҳор доштааст Лавров.

Ба гуфтаи ӯ, на танҳо террористон мехоҳанд аз ин маризӣ суистифода кунанд, балки роҳбарони аксар кишварҳо мехоҳанд бӯҳроне, ки пандемия дар пай дошт ба манфиати худ истифода кунанд.

Омори ҷадиди як рӯз: фавти 5 000 ва сироятшавии 237 ҳазор нафар ба коронавирус дар ҷаҳон

Ба изҳори вазири умури хориҷии Русия, раванди барқароршавӣ пас аз пандемия вақти зиёдро талаб мекунад.

0
Барчаспҳо:
навор, маризӣ, сӯистифода, террорист, ҳушдор, Сергей Лавров