Масҷид, акс аз бойгонӣ

Дар Суғд аз имомхатибон даъват карданд, ки бо милиса ҳамкорӣ кунанд

85
Ҳамкории ходимони дин бо кормандони мақомоти корҳои дохилӣ имконияти ҷилавгирӣ аз ҷинояткориву табаҳкориро дар ҷомеа дучанд зиёд мекунад

ДУШАНБЕ, 13 июн — Sputnik. Дар Суғд аз имомхатибони шаҳру навоҳӣ даъват карданд, ки бо мақомот ҳамкорӣ намоянд. Дар ин бора дафтари матбуотии Вазорати умури дохилаи Тоҷикистон хабар медиҳад.

Бино бар иттилои манбаъ, Раёсати ВУД дар вилояти Суғд бо имомхатибони масҷидҳои марказӣ ва ҷомеи 18 шаҳру навоҳии вилоят мулоқот кардааст. Сардори раёсат генерал Қудратулло Назарзода таъкид доштааст, ки дар пешгирии ҷинояткорӣ ва табаҳкорӣ дар ҷомеа нақши ходимони дин назаррас аст.

"Имомхатибон шахсони барӯманди ҷомеа мебошанд. Истифода бурдани дин чун сарчашмаи асосии маънавӣ ва ахлоқӣ, дар таъмини волоияти қонун, ҳуқуқу озодиҳои инсон ва шаҳрванд, таъмини суботу оромӣ дар ҷомеа, пешгирии шомилшавии ҷавонон ба ҳизбу ҳаракат ва равияҳои динӣ — экстремистӣ, пешгирии зуроварӣ дар оила таҷрибаи санҷидашудаест, ки натиҷаи он манфиатбахш аст", — изҳор доштааст вай.

"Ҳамкории ходимони дин бо кормандони мақомоти корҳои дохилӣ чунин имконияти созандаю некбинонаро дучанд менамояд", — афзудааст Назарзода.

Моҳҳои июли соли гузашта ба муллоҳои тоҷик тавсия дода шуда буд, ки интернет ва компютерро омӯзанд.

Гуфта мешуд, ин донишомӯзӣ дар пешгирии ҷавонон аз шомилшавӣ ба ҳизбу ҳаракатҳои қайриқонунӣ муфид хоҳад буд.

 

85
Барчаспҳо:
ҳамкорӣ, имомхатибон, милиса, Суғд, Тоҷикистон
Площадь Сомони в Душанбе

Борону барфи тар меборад: пешгӯии дақиқи ҳавошиносон барои имрӯз

10
Аз имрӯз сар карда, тақрибан дар саросари Тоҷикистон борони кӯтоҳмуддат бо барфи тар сар мешавад, ки дар кишвар чанд рӯз идома хоҳад кард.

ДУШАНБЕ, 19 янв — Sputnik. Ҳавошиносон дар Тоҷикистон боришоти барфи тару боронро пешбинӣ карданд, хабар медиҳад Агентии обуҳавошиносии ҷумҳурӣ.

Дар Душанбе ҳавои нимаабрӣ ба қайд гирифта шуда, баъзан борон меборад, ҳарорат рӯзона то + 12-14 ℃ гарм ва шабона 1-3 ℃ сард хоҳад буд.

Дар баъзе ноҳияҳои тобеи марказ бориш на танҳо дар шакли борон, балки барф, шамол низ ба назар мерасад. Дар водиҳо шабона ҳарорат ба сифр ва дар кӯҳҳо ба -3 дараҷа мефарояд ва рӯзона, сарфи назар аз номусоидии ҳаво, ҳаво то 10-15 гарм мешавад.

Дар Вилояти Мухтори Кӯҳистони Бадахшон бошад, ҳаво  тағйирёбанда шуда, дар баъзе ноҳияҳои ғарбии вилоят бориши сусти барф ба амал меояд. Дар шарқи вилоят эҳтимоли бориши нисбатан сусти марҳилавӣ (0-5,5мм) пешгӯи мешавад.

Ҳаво дар ғарби вилоят шабона 7-12 ва дар баъзе ноҳияҳо то 13-18  дараҷа хунук ва рӯзона ҳаво аз 4 дараҷа  хунук то 1 дараҷа гарм мешавад. Дар шарқи вилоят ҳаво  шабона  19-24 ва рӯзона 12-17 дараҷа  хунук мешавад.

Ба Тоҷикистон гармӣ меояд - пешгӯии дақиқи ҳавошиносон барои ҳафтаи нав

Дар шимоли Тоҷикистон, дар вилояти Суғд, чунин ҳолат ба назар мерасад, барфу борон меборад ва дар баъзе ҷойҳо туман мефарояд. Ҳарорат шабона то -2 дараҷа ва рӯзона то + 11 дараҷа мебарояд.

Дар вилояти Хатлон дар баъзе ноҳияҳо каме борон меборад, рӯзона то + 16 дараҷа гармӣ пешбинӣ шудааст.

10
Барчаспҳо:
борон, барф, сардӣ, гармӣ, Агентии обуҳавошиносии Тоҷикистон, Тоҷикистон
Таджикские сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

57
(Таҷдидшуда 09:44 19.01.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 19 январ эълон кард

ДУШАНБЕ, 19 янв— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1516 сомонӣ нишон дода шудааст.

Доллари амрикоӣ пас аз якбора боло рафтан дар соли гузашта, дар ҳоли суқут қарор дорад. Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6346 то 13.9000 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз аз 00.1516 то 0.1550 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1525
0,1555 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1525 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Таъиноти кадрӣ аз Бонки миллӣ то Прокуратураи генералӣ: президент кадрҳоро ҷобаҷо кард

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

57
Барчаспҳо:
арзиши асъор, Бонки Миллӣ, Тоҷикистон