доллар, акс аз бойгонӣ

Минбаъд ришваситонҳоро дар Тоҷикистон танҳо зиндон интизор аст

141
Дар Тоҷикистон аз ҳоло ба баъд нафароне, ки ба ҷурми ришвагирӣ маҳкум мешаванд, наметавонанд бо роҳи пардохти ҷарима озод шаванд

ДУШАНБЕ, 14 июн — Sputnik. Ҷазо барои ришваситонӣ дар Тоҷикистон сангинтар шуд.

Дар Тоҷикистон бар асоси тасмими порлумон ришвагирон акнун равонаи зиндон хоҳанд шуд.

Бино ба иттилоъи Маҷлиси намояндагони Маҷлиси Олии  Тоҷикистон,  ин маҷлис рӯзи гузашта аз ислоҳи бархе аз моддаҳои ойинномаи кайфарии кишвар, ки ҳукумат онро пешниҳод кард, пуштибонӣ кард.

Акнун ришвагирон, ки қабл ҷарима мешуданд, барои ин навъи ҷурм ҳабс хоҳанд шуд.

Тоҳир Нурзода, муъовини раиси ожонсии мубориза бо фасодди кишвар дар суханронии худ дар порлумони гуфт, ки бар асоси ислоҳи ин қонун онҳое, ки ба ҷурми ришвагирӣ маҳкум шудаанд, наметавонанд, ки бар ъивази ҷаримаи пулӣ ба озодӣ роҳ ёбанд.

Ёдрас мешавем, моҳҳои январи соли равон як масъули баландпояи тоҷик барои ришваситонӣ ба 11 соли зиндон маҳкум шуда буд.

Аскар Нурализода, муовини сардори Сарраёсати таҳияи барномаҳои давлатии сармоягузориҳои Вазорати рушди иқтисод ва савдо, узви Маҷлиси вакилони халқи шаҳри Душанбе, маҳкум ба 11 соли зиндон шуд.

Ин масъул дар поёни моҳи сентябри соли 2017 ба ҷурми гирифтани камобеш 500 ҳазор дулор ришва дастгир шуда буд. Ҳизби халқӣ — демократӣ бедиранг ӯро аз сафаш ихроҷ ва узвияташ дар Маҷлиси ноҳияи Исмоили Сомониро ҳам боз доронд.

Додгоҳи ноҳияи Сино ӯро муҷрим шинохта ва маҳкум ба 11 сол ҳабс дар зиндон кардааст.

141
Барчаспҳо:
ислоҳ, қонун, ҳукм, зиндон, ришва, Тоҷикистон
Самолеты на взлетно-посадочной полосе, архивное фото

Эрон 70 шаҳрвандашро аз Тоҷикистон баргардонд

12
(Таҷдидшуда 14:58 15.08.2020)
Сафири Эрон дар Тоҷикистон ахиран аз бозгашти 70 шаҳрванди эронӣ аз ин кишвар хабар дод

ДУШАНБЕ, 15 авг — Sputnik. Муҳаммадтақии Собирӣ дар саҳифаи Твиттераш навиштааст, ки бо тамҳидот ва пайгириҳои ба амал омада, севумин гурӯҳ (70 тан) аз шаҳрвандони эронӣ, ки дархости бозгашт аз Тоҷикистон ба кишварамонро доштанд, рӯзи  13 август бо парвози фавқулъодаи ширкати ҳавопаймоии Вориш аз шаҳри Душанбе ба Эрон бозгаштанд, иттилоъ додааст Садои Хуросон.

Ба гуфтаи вай, рӯзи панҷшанбе ҳамчунин 60 шаҳрванди Тоҷикистон, ки дар Эрон ҳузур доштанд бо парвози ихтисосии ширкати ҳавоии “Вориш” аз Машҳад ба Душанбе парвоз карданд.

Бо баста шудани ағлаби марзҳои ҳавоӣ бар асари ҳамагирии вируси корона, бисёре аз давлатҳо бо парвозҳои ихтисосӣ шаҳрвандони худро ба кишварҳояшон мунтақил мекунанд.

Ин аввалин маротиба нест, ки Эрон шаҳрвандони худро аз Тоҷикистон эъзом мекунад.

Ёдрас мешавем, ки 24 феврали соли равон кишварҳо дар паи ҳамагирии коронавирус то ба эътидол омадани вазъият, алоқаи ҳавоиро мутаваққиф гузоштанд.

То ин дам аз Эрон ба Тоҷикистон ширкати ҳавопаймоии эронии Varesh Airlines парвоз мекард. Ҳавопаймо як бор дар як ҳафта тариқи хатсайри Машҳад-Душанбе-Машҳад ва Теҳрон-Душанбе-Бишкек-Душанбе-Теҳрон парвоз анҷом медод.

Дар навбати худ аз пойтахти Тоҷикистон ба Эрон ширкатҳои ҳавопаймоии "Тоҷик Эйр" ва "Сомон Эйр" парвоз мекарданд.

12
Барчаспҳо:
Ватан, бозгашт, сафир, шаҳрванд, Тоҷикистон, Эрон
Посол Ирана в Таджикистане Мухаммажтаки Собири

Таслияти сафири Эрон дар Тоҷикистон аз даргузашти Гулназар Келдӣ

32
(Таҷдидшуда 14:47 15.08.2020)
Сафири Эрон дар Тоҷикистон дар паёме даргузашти Гулназар Келдӣ, нависанда, шоири шаҳир ва сарояндаи суруди миллии Тоҷикистонро таслият гуфт

ДУШАНБЕ, 15 авг — Sputnik. Ба нақл аз хабаргузории “Парстудей”, Муҳаммадтақии Собирӣ дар ин паём изҳор дошт, ки бо даргузашти Гулназар Келдӣ, ҷомеаи илмӣ ва фарҳангии Тоҷикистон яке аз шахсиятҳои худро аз даст дод.

“Ин муҳаққиқи номошнои тоҷик, даврони умри пур хайру баракаташро дар ҷиҳати эътилои забон ва адаби муштаракамон сипарӣ намуд ва осор ва ёдгорҳои арзишманди ӯ дар ҳавзаи адабиёти порсӣ на танҳо дар Тоҷикистон, балки дар Эрон низ бисёр шинохташуда ва мавриди таваҷҷуҳ мебошад”, афзудааст сафири Эрон дар Тоҷикистон.

Собирӣ афзуд, инҷониб зимни арзи таслият ба бозмондагон, миллат ва кишвари дӯст ва ҳамфарҳанг ва ҳамзабони Тоҷикистон, аз Худованди бузург барои он марҳум оромиши абадӣ ва ҷаннати маконӣ ва барои бозмондагонаш сабру шикебоӣ орзу мекунам.

Гулназар Келдӣ, шоири мардумии Тоҷикистон дар сентябри 1945 дар минтақаи Айнии вилояти Суғд ба дунё омад ва 24 сол дошт, ки нахустин маҷмӯаи ашъораш бо нома «Расми сарбозӣ» интишор ёфт ва мавриди истиқболи шоирони замон воқеъ шуд.

Дастархон, Нардабон, Ағба, Паҳно, Лангар, Пайи дарё ва Ҷашми нигин аз ҷумла маҷмӯаи шеърҳои мунташиршудаи Гулназар Келдӣ ҳастанд.

Гулназар Келдӣ аз ҷумлаи саршиностарин шоирони Тоҷикистон буд, ки ашъораш ба хатти форсӣ дар Эрон ва Афғонистон ба чоп расид ва шеърҳои чандин шоири машҳури русро низ ба форсии тоҷикӣ тарҷума кард.

Гулчине аз ашъори устод Гулназар Келдӣ бо номи «Забони ошиқӣ» ба кӯшиши марҳум Қайсари Аминпур, шоири барҷастаи муосири эронӣ, дар интишороти Сурӯши Эрон ба чоп расидааст.

32
Барчаспҳо:
сафир, паём, Гулназар Келдӣ, ҳамдардӣ, таслият, Эрон, Тоҷикистон