Пизиши ришаваситон, акс аз бойгонӣ

Пул бидеҳу сарбозӣ нарав: боздошти пизишк ба иттиҳоми ришваситонӣ дар Ҳисор

147
(Таҷдидшуда 13:16 21.06.2018)
Кормандони Ожонси мубориза бо фасоди Тоҷикистон ҷарроҳи Маркази саломатии шаҳри Ҳисорро ба иттиҳоми ришваситонӣ боздошт кардаанд

ДУШАНБЕ, 21 июн — Sputnik. Пизишке дар шаҳри Ҳисор ба иттиҳоми ситонидани 6,5 ҳазор сомонӣ пора дастгир шуд, хабар медиҳад Ожонси мубориза бо фасоди Тоҷикистон.

Бино ба иттилои манбаъ, ҷарроҳи Маркази саломатии шаҳри Ҳисор барои сохтани билети ҳарбии ноқобил ба хизмати ҳарбӣ маблағи калон талаб кардааст.

"Эгам Нарзиқулов ҷарроҳи Маркази саломатии шаҳри Ҳисор, бо роҳи фиреб ва сӯистифодаи боварӣ  ваъда додааст, ки ба номи Муҳиддинов Б.  билети ҳарбии ноқобил ба хизмати ҳарбӣ омода мекнуд. Ба ин баҳона ӯ пешакӣ  аз шаҳрванд 1300 сомонӣ гирифтааст", — гуфта мешавад дар иттилои манбаъ.

Пишишк баъдтар аз Муҳиддинов талаб мекунад, ки боз 5300 сомонӣ диҳад.

 Эгам Назриқулов ҳангоми ситонидани 5200 сомонӣ аз ҷониби кормандони  Ожонси мубориза бо фасод дастгир шуд.

Бо далели мазкур парвандаи ҷиноӣ боз шуда тафтишот идома дорад.

Пештар хабар дода шуд, ки ҷазо барои ришваситонӣ дар Тоҷикистон сангинтар шуд.

Дар Тоҷикистон бар асоси тасмими порлумон ришвагирон акнун равонаи зиндон хоҳанд шуд.

Акнун ришвагирон, ки қабл ҷарима мешуданд, барои ин навъи ҷурм ҳабс хоҳанд шуд.

Тоҳир Нурзода, муъовини раиси ожонсии мубориза бо фасодди кишвар дар суханронии худ дар порлумони гуфт, ки бар асоси ислоҳи ин қонун онҳое, ки ба ҷурми ришвагирӣ маҳкум шудаанд, наметавонанд, ки бар ивази ҷаримаи пулӣ ба озодӣ роҳ ёбанд.

147
Барчаспҳо:
Ожонсӣ, ришва, Ҳисор, саломатӣ, пора, пизишк, фасод, Ҳисор, Душанбе, Тоҷикистон
Президент Республики Таджикистан Эмомали Рахмон

Президент ба маъюбони ноҳияи Ванҷ аробача фиристод

76
Ҳамчунин ба ин қишри осебпазир аз номи раисҷумҳур асобағал, асобағали такягоҳӣ, дастгоҳи шунавоӣ ва таҷҳизоти роҳравӣ барои кӯдакони маюб, ҳамчунин маблағҳои пулӣ тақдим гардид

ДУШАНБЕ, 9 авг — Sputnik. Кӯмакҳои раисҷумҳури Тоҷикистон Эмомалӣ Раҳмон ба қишри осебпазири ҷомеаи ноҳияи Ванҷ дастрас гардид, аз ҷумла президент ба маъюбони ноҳия аробача фиристодааст. Дар ин бора нашрияи "Садои мардум" гузориш медиҳад.

Гуфта мешавад, намояндагони Дастгоҳи иҷроияи Президенти Ҷумҳурии Тоҷикистон, Ҳукумати кишвар ва вазорату идораҳои масъули мамлакат дар ноҳияи Ванҷ ба 59 нафар маюб кумакҳои президентро  расониданд.

"Онҳо аз 14 аробачаи маюбӣ, 10 асобағал, 11 асобағали такягоҳӣ, 12 дастгоҳи шунавоӣ ва 6 таҷҳизоти роҳравӣ барои кӯдакони маюб иборат буданд. Ҳамчунин, ба маъюбони гурӯҳи якум ба маблағи 1500 сомонӣ ва гурӯҳи дуюм 1000 сомонӣ тақдим гардид", - тавзеҳ медиҳад нашрия.

Манбаъ афзудааст, дар маҷмӯъ, ба 122 нафар табақаи эҳтиёҷманди ноҳия кумак расонида шуд.

 

76
Председатель Согдийской области Раджаббой Ахмадзода

Дар Суғд Иттифоқи корхонаҳои саноати сабуки вилоят таъсис ёфт

28
(Таҷдидшуда 14:10 09.08.2020)
Раиси вилоят мақсади асосии таъсиси Иттифоқи корхонаҳои саноати сабукро сарҷамъ шудан ва сари вақт муаммову мушкилиҳои ба миён омадаро баррасӣ ва ҳаллу фасл намудан унвон кард

ДУШАНБЕ, 9 авг — Sputnik. Дар Суғд Иттифоқи корхонаҳои саноати сабуки вилоят таъсис ёфт, гузориш медиҳад дафтари матбуоти раиси вилоят.

Бино бар иттилои манбаъ, раиси вилоят дар ин робита бо иштироки масъулин, аз ҷумла роҳбарони корхонаҳои саноати сабуки вилоят ҷаласа ташкил кард.

Раиси вилоят Раҷаббой Аҳмадзода зимни суханронии хеш ҳадафи аслии таъсиси Иттифоқи корхонаҳои саноати сабуки вилоятро мусоидат ба рушди саноати сабук арзёбӣ кард.

"Сарҷамъ шудан ва дастгирии ҳамдигарии соҳибкорон заминаи мустаҳкаме ҷиҳати амалӣ намудани стратегияи чоруми миллӣ - саноатикунонии босурати кишвар мебошад", - таъкид намуд Аҳмадзода.

Раиси вилоят мақсади асосии таъсиси Иттифоқи корхонаҳои саноати сабукро сарҷамъ шудан ва сари вақт муаммову мушкилиҳои ба миён омадаро баррасӣ ва ҳаллу фасл намудан унвон карда, зикр дошт, ки танҳо бо иттиҳод ва дастгирии ҳамдигарӣ метавон ба муваффақиятҳои бештар ноил шуд.

Имрўз вилояти Суғд иқтидори коркарди сиюҳашт ҳазору панҷсад тонна пахтаро дорад. Ва ин имконият ва иқтидорро истифода кардан ба талошҳои пайвастаи соҳибкорон ва ҳамкории байниҳамдигарии онҳо вобаста аст.

Ду корхонаи Суғд аҳолиро бо ниқобҳои тиббӣ таъмин хоҳад кард

Ҷалби сармоягузорон, истифодаи имкониятҳои дохили кишвар, ҳамкорӣ бо корхонаҳои хурду бузурги кишвар имкон фароҳам меорад, ки ҷойҳои нави корӣ муҳайё ва вазъи иҷтимоии ҷомеа беҳтар шавад.

Зимни суҳбати ошкорову судманд, роҳбарони корхонаҳои саноати сабуки вилоят низ арз доштанд, ки таъсиси чунин як иттифоқ имкон медиҳад, фаъолияти корхонаҳо беҳтар ба роҳ монда шуда, хамкории миёни ширкатҳо густариш ёбад. 

Дар ҷаласа бо пешниҳоди аъзои Иттифоқи корхонаҳои саноати сабук Даврон Ахмедов раиси Иттифоқи корхонаҳои саноати сабуки вилоят интихоб гардид.

28

Афзоиши маризони COVID - 19 дар Ӯзбекистон: аз 30 ҳазор гузашт

0
(Таҷдидшуда 15:45 09.08.2020)
Вазорати тандурустии Ӯзбекистон омори дақиқи гирифторӣ, шифо ва фавт аз коронавируси COVID - 19 - ро нашр кард

ДУШАНБЕ, 9 авг — Sputnik. Дар Ӯзбекистон беш аз 30 ҳазор кас гирифтори маризии COVID - 19 шудаанд, хабар медиҳад хадамоти матбуотии Вазорати беҳдошти Ӯзбекистон.

Бино ба гузориши ин ниҳод дар давоми 24 соати гузашта дар кишвар 738 ҳолати нави гирифторӣ ба COVID - 19 сабт шудааст.

"То 9 август дар ҳудуди Ӯзбекистон 30 197 кас мубталои коронавируси COVID - 19 шудаанд", - омадааст дар хабарнома.

Вазорати беҳдошти Ӯзбекистон афзуда, ки давоми шабонарӯзи гузашта дар кишвар 5 кас қурбони ин вабои аср шудааст. Шумораи умумии фавтидагон аз коронавирус ба 190 нафар расид.

Афзоиши рекордии гирифторони COVID - 19 дар Ӯзбекистон: аз 25 ҳазор гузашт

Дар баробари ин дар Ӯзбекистон беш аз 21,3 ҳазор кас аз маризии коронавирус шифо ёфтанд.

 

Ёдрас мешавем, ки нахустин ҳолати гирифторӣ ба коронавируси COVID - 19 дар бадани як мусофир, ки аз Фаронса омада буд, дарёфт гардид.

Пас аз гирифторӣ ба коронавирус кадом витаминҳоро бояд истеъмол кард?: посухи табиб

Дар Ӯзбекистон то 15 август карантин ҷорӣ гардидааст.

0
Барчаспҳо:
маризон, беморон, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон