Ҳипермаркети Ашан дар Душанбе

"Ашан", рӯзи дувум: навбатпоии тӯлонӣ пушти дари ҳипермаркет идома дорад (Навор)

344
(Таҷдидшуда 14:51 24.06.2018)
Таҷлили дусолагии фаъолияти "Ашан" дар Душанбе идома дорад: ҳамоно мардуми зиёде паси дарҳои ҳипермаркет интизори навбати худ барои ворид шудан ба мағоза ҳастанд

ДУШАНБЕ, 24 июн — Sputnik. Рӯзи дувум аст, ки сокинони Душанбе барои харидории маҳсулоти арзон ба ягона  ҳипермаркет дар Душанбе —  "Ашан" мераванд. Аммо навбатпоии тӯлонӣ бархе аз сокинонро ноумед мекунад, бархе аз онҳо аз нархҳои гӯё арзон норизоянд. Аммо бештари корбарони шабакаҳои иҷтимоиро издиҳоми бузурги мардум дар пушти дарва дохили мағоза шигифтзада кардааст.

Маъмурияти "Ашан" дар Душанбе чанде пеш эълом кардааст, ки ба мунсоибати таҷлили дусолагӣ дар мағоза тахфиф эълом карда мешавад. Байни сокинони пойтахт овоза шудааст, ки тамоми маҳсулот ду сомонӣ нархгузорӣ шудааст.

Рӯзи гузашта дар бораи издиҳоми мардум дар "Ашан" гузоришҳои вижае мунташир шуд. Аммо тахфиф дар "Ашан" имрӯз ҳам идома доштааст.

Амир ном корбари фейсбук хабар дод, ки талотӯп ва ҳангоми назди мағоза имрӯз низ идома дорад.

"Ашан, рӯзи дуввум", — навишта аксеро ҳам мунташир кардааст вай, ки мардуми зиёде назди бинои мағоза ҷамъ омадаанд.

Бештари сокинони Душанбе дар шарҳҳои худ изҳори ошуфтагӣ кардаанд, ки ҷамъшавии чунин мардуми зиёд дар як рӯз боварнокарданист.

"Харидорони рӯзи гузашта бар гашта бошанд?", — менависад яке аз корбарон бо изҳори нигаронӣ.

"Ман фикр кардам, ки пас дидани манзараи рӯзи гузашта дар "Ашан" касе намеравад", — навиштааст нафари дигар.

Аммо дар ҳамин ҳол нафароне пайдо шуданд, ки навиштаанд, "орзуи ворид шудан ба мағозаи серодам ҳоло ҳам дар дили онҳо намурдааст".

"Ба назарам, ман дар охир ба ҳипермаркет даромада наметавонам. Дина ҳам нашуд, имрӯз мехостам. Ҳоло аксро мебинаму ҳисси кунҷкобиам зиёд мешавед, ки дохили мағоза чӣ бошад", — менависад вай.

Дар ҳамин ҳол  онҳое ки ба ҳипермаркет даромаданду маҳсулоте харидаанд, тахфифиҳои мағозаро дурӯғ меноманд.

Хабарнигори тоҷик Завқибек Саидаминӣ Фейсбук овозаи ду сомонӣ шудани нархи маҳсулот дар "Ашан"-ро бардурӯғ номида, навиштааст, ки танҳо килои картошка дар ҳақиқат 50 дирам буду халос.

 

 

344
Барчаспҳо:
издиҳом, тахфиф, мардум, нарх, "Ашан", Душанбе, Тоҷикистон
Сомони и доллары, архивное фото

Касри савдои хориҷии Тоҷикистон 1 миллиарду 774 миллион долларро ташкил кардааст

19
Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019 0,8% зиёд аст

ДУШАНБЕ, 18 янв — Sputnik. Касри тавозуни савдои хориҷии Тоҷикистон барои соли 2020 1 миллиарду 744 миллион долларро ташкил додааст, хабар медиҳад Агентии омори назди президенти ҷумҳурӣ.

Гардиши савдои хориҷии ҷумҳурӣ соли гузашта тақрибан 4,6 миллиард долларро ташкил дод, ки ин нисбат ба соли 2019-ум 34,1 миллион ё 0,8% зиёдтар аст.

Содироти молҳо дар соли 2020 бо афзоиши 19,8% 1406,9 миллиард доллар, воридот - 3150,9 миллиард долларро ташкил дода, 5,9% коҳиш ёфтааст.

Маводи асосии содирот металлҳои қиматбаҳо, семент, нахи пахта ва меваҳои хушк мебошанд. Воридотро маҳсулоти нафтӣ ва ғалладона, маҳсулоти хӯрокворӣ бартарӣ медиҳанд.

Соли қиматӣ: нархи чиҳо чӣ қадар болову пойин рафтааст? – омори расмӣ

Русия шарики асосии тиҷоратии Тоҷикистон дар соли 2020 гардид, гардиши савдо 21,4% аз ҳаҷми умумиро ташкил дод. Қазоқистон дар савдо дар ҷои дуввум аст - 20%. Зиёда аз 15% - Швейтсария, Чин - 10,4%.

Соли гузашта, дар соли 2019, ҳаҷми гардиши савдои хориҷии Тоҷикистон аз 4,5 миллиард доллар буд.

19
Работа АЗС в Москве

Нархи газ ва бензину дизел дар Тоҷикистон якбора то 10 % гарон шуд

303
(Таҷдидшуда 11:02 18.01.2021)
Тайи ду рӯзи охир қиммати ҳама намуд маводи сӯзишвории воситаи нақлиёт якбора то 10 % боло рафта, ба 4, 3 ва 4, 6 сомонӣ баробар шудааст

 ДУШАНБЕ, 18 янв – Sputnik. Нархи гази моеъ ва бензину дизел (солярка) якбора ба 4, 3 ва 6, 6 сомонӣ дакка хурдааст. Дар баъзе аз навоҳии Тоҷикистон фурӯши газ 0, 30 сомонӣ ва бензину дизел то ба 0, 40 сомонӣ баланд шудааст.

Ронандаҳо мегуянд болоравии нарх ба ҷайби онҳо зарба мезанад. Ҳасан Каримов, як ронандаи таксӣ дар Хуҷанд мегуяд, болоравии нарх ба фаъолияти мусофирбарии ӯ барин сокинон таъсири амиқ мегузорад.

“Ҳоло газ то дар баъзе ҷойҳо 40 дирам гарон шудааст. Агар як ҳафта пеш 10 литр гази моеъро 40 сомонӣ мехридем, ҳоло он 43-44 сомонӣ шудааст. Мо нархро бардорем мардум ба мошин намешинад, набардорем фоида намемонад”, гуфт ронандаи таксӣ.

Зимнан сокинон мегуянд, арзиши маводи сӯзишворӣ қариб дар ҳамаи навоҳии кишвар яксон боло рафтааст. Чунин болоравии нарх дар муқоиса ба гузашта камсобиқа гуфта мешавад.

Баъзе аз масъулони ширкатҳои таъминоти сӯзишвории нақлиёт (АЗС) болоравии арзиши маводи сӯхтро ба коҳишёбии ҳаҷми воридоти он шарҳ медиҳанд.

Мирзо, як корманди нуқтаи фурӯши сӯзишворӣ дар ноҳияи Бобоҷон Ғафуров дар суҳбат ба Sputnik Тоҷикистон гуфт, як ҳафта ба ин тараф воридот камтар шудааст.

“Ҳамаи маводи сӯхт дар кишвар аз хориҷа ворид мешавад, яъне ин моли ватанӣ нест. Вақте, ки воридот кам шуд, ҳаҷми моли ба бозор арзашаванда ҳам кам мешавад ва ин ба баландшавии нарх бе таъсир намемонад”, иброз намуд ӯ.

Вазири энергетика гуфт, киҳо бештар аз ҳама барқу газро медузданд

Чи гуна воридоти маводи сӯхт кам шудааст, ин ҳамсӯҳбати мо изҳори бехабарӣ кард ва гуфт, ки “инро роҳбарон медонанд, шояд аз ҳисоби болоравии нархи нефт аст”.

Бино ба додаҳои ширкатҳои молиявӣ, ҳоло қиммати 1 бучка (барелль) нафт дар бозори ҷаҳонӣ то ба 55 доллари амрикоӣ баробар шудааст ва гуфта мешавад ин рақам назар ба ҳамин давраи соли гузашта то 35 % баланд гуфта мешавад.

Дар Тоҷикистон маводи сӯхт аз хориҷа асосан аз кишвари Русия ва Қазоқистон ворид карда мешавад. Бино ба иттилоъи мақомоти гумрук, соли гузашта беш аз 430 ҳазор тон гази моеъ, 180 ҳазор тон бензин ва бештар аз 250 ҳазор тон маводи дизелӣ ба Тоҷикистон ворид шудааст.

Ширкатҳои "Фароз", "Газпром", "Газойл", "Ориё", "Роҳи Сомон нафт", "Се ганҷ" ва "Суғднефт" аз ҷумлаи воридкунандаҳои маводи сӯзишворӣ дар Тоҷикистон ба ҳисоб мераванд.

303

Ройгон ва худхоҳишӣ: дар Русия эмгузаронии оммавӣ шурӯъ шуд

0
Дар Русия сар аз имрӯз эмгузаронии оммавӣ шурӯъ шуд. Чунин супоришро ҳафтаи гузашта Владимир Путин ба мақомотҳои марбута дода буд

ДУШАНБЕ, 18 янв — Sputnik. Шурӯъ аз рӯзи душанбеи 18 январ дар Русия бо супориши Владимир Путин маъракаи эмгузаронии оммавӣ шурӯъ шуд, хабар медиҳад РИА Новости.

Ба иттилои манбаъ, шаҳрвандони Русия метавонанд бевосита аз миёни ду ваксинае, ки дар Русия раман сабти ном шудаанд якеро интихоб карда, эм гиранд.

Бори нахуст: мубталошавии 20 000 нафар дар Русия ба коронавирус давоми як рӯз

Гуфта мешавад,  маъракаи эмгузаронӣ комилан ройгон аст.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

Рӯзҳои истироҳатӣ ҳам: идомаи эмкунии сартосарӣ аз коронавирус дар Русия - навор

Зимнан, рӯзи 13 январ кишвардори Русия Владимир Путин супориш дод, ки дар минтақаҳо шумораи нуқтаҳои эмгузаронӣ афзун карда шавад.

Бояд таъкид намуд, ки дар Русия расман ваксинаи "Спутник V" аз маркази  Гамалея ва “ЭпиВакКорона"- и ”Вектор” расман сабти ном шуданд.

0
Барчаспҳо:
эмгузаронӣ, Русия