Кӯчаи Рӯдакӣ, акс аз бойгонӣ

Эълони шаҳрдорӣ: ҳаракати нақлиёти мусофирбари Душанбе танзим мешавад

276
(Таҷдидшуда 16:43 30.06.2018)
Ҳаракати воситаҳои нақлиёти микроавтобусии №11, тариқи хиёбону кӯчаҳои А.Ҷомӣ, Соҳилӣ, академик Раҷабовҳо ва самти бозгашт кӯчаҳои С. Шерозӣ, Соҳилӣ, А.Ҷомӣ ба роҳ монда мешавад

ДУШАНБЕ, 30 июн — Sputnik. Ҳаракат ва хизматрасонӣ дар хатсайрҳои нақлиётии мусофирбари шаҳри Душанбе танзим мешавад, эълом кардааст шаҳрдорӣ.

"Мақомоти иҷроияи ҳокимияти давлатии шаҳри Душанбе ба таваҷҷуҳи сокинон ва меҳмонони  шаҳри Душанбе мерасонад, ки бо мақсади кам кардани ҳолатҳои тамбашавии воситаҳои нақлиёт ва беҳтар намудани сатҳу сифати хизматрасонии нақлиётӣ ҳаракати нақлиёти мусофирбар танзим карда мешавад", — менависад банбаъ.

Ҳамин тавр, шурӯъ аз 2 июли соли 2018 миқдори автобусҳои нави замонавии тамғаи "AKIA" дар хатсайри рақами №43 зиёд карда шуда, ҳаракати воситаҳои нақлиёти микроавтобусии №11, тариқи хиёбону кӯчаҳои А.Ҷомӣ, Соҳилӣ, академик Раҷабовҳо ва самти бозгашт кӯчаҳои С. Шерозӣ, Соҳилӣ, А.Ҷомӣ ба роҳ монда мешавад.    

Шаҳрдории Душанбе пештар низ эълом кард, ки дар хиёбони Рӯдакӣ то мӯҳлати номуайян ҳаракати нақлиёт қатъ мешавад. Гуфта мешавад, дар роҳи хиёбони Рӯдакӣ корҳои таъмиру азнавсозӣ гузаронида мешавад.

"Шаҳрдории Душанбе ба таваҷҷуҳи сокинон ва меҳмонони  пойтахт мерасонад, ки бинобар гузаронидани корҳои таъмиру азнавсозии роҳи хиёбони Рӯдакӣ, ҳаракати ҳама гуна намуди воситаҳои нақлиёт дар хиёбони Рудакӣ аз буриши кӯчаи Карамов то буриши кӯчаи Саид Носир (назди Донишгоҳи давлатии омӯзгории Тоҷикистон ба номи С.Айнӣ) аз соати 21:00 санаи 27 июни соли 2018   қатъ карда мешавад", — гуфта мешуд дар иттилои манбаъ.

Ҳаракати воситаҳои нақлиёти мусофирбари хатсайрҳои автобусии №-№1, 3А ва №18 тариқи кӯчаҳои ҳамшафат (хиёбони Рудакӣ бо баромад бо кӯчаҳои Л.Шералӣ,М.Турсунзода,Карамов ва У.Хайём бо хиёбони Рӯдакӣ боқимонда бетағйир) ба роҳ монда шуда, фаъолияти троллейбуси хатсайри №1 муваққатан қатъ мегардад.

276
Барчаспҳо:
роҳ, нақлиёт, Ҳаракат, Душанбе, Тоҷикистон
Самолет компании Сомон Эйр, архивное фото

Парвози махсус: Тоҷикистон ҳудуди 200 шаҳрвандашро аз Қазоқистон баргардонид

1
Тариқи парвози махсуси навбатӣ шаҳрвандони Тоҷикистонро аз хориҷ баргардониданд: ин дафъа тоҷикистониён аз Қазоқистон ба Душанбе интиқол ёфтанд

ДУШАНБЕ, 5 авг — Sputnik. Тоҷикистониёнро аз Қазоқоситон баргардониданд, хабар медиҳад Сафорати Тоҷикистон дар Қазоқистон.

Парвози махсус тариқи ширкати "Сомон Эйр" рӯзи 4 август анҷом дода шуд.

Ҳамагӣ аз Қазоқистон 190 шаҳрванди Тоҷикистон баргардонида шуданд.

Дар роибита бо пандемияи коронавирус дар тамоми ҷаҳон мусофиронро аз ташхиси коронавирус гузарониданд.

Парвози махсус: шаҳрвандони Тоҷикистон аз Амрико ва Аврупо баргаштанд

 

Дар ҳолати муайян гардидани коронавирус шаҳрвандони баргардонидашуда ба карантини 14-рӯза фаро гирифта мешаванд.

1
Сотрудники КЧС Таджикистана проводят профилактические мероприятия против коронавируса

То шурӯъи дарс 12 рӯз монд: масъулин аз таъсири COVID-19 ба соҳаи маориф гуфтанд

45
(Таҷдидшуда 17:36 05.08.2020)
Рӯзи 17 уми август, таҳсил дар макотибҳои кишвар шурӯъ мешавад. Масъулони соҳаи маориф мегуянд, машғулиятҳои мактабии соли хониши қаблӣ, ки ба сабаби доман паҳн кардани пандемияи COVID-19 иҷро ношуда монда буд то 1 уми сентябр пурра ба иҷро расонида хоҳад шуд

 ДУШАНБЕ, 5 авг – Sputnik. Осим Каримзода, сардори Раёсати маорифи вилояти Суғд дар нишасти матбуотӣ дар бораи таъсири бемории каронавирус ба раванди таҳсил дар муассисаҳои таълимӣ таъкид варзид.

Бино ба гуфти ин масъули соҳаи маориф бо сабаби доман густурдани пандемияи COVID - 19, 16 % и дарсу машғулиятҳои мактабӣ иҷро ношуда боқи мондаанд.

“Таҳсил аз санаи 17 уми август тасодуфӣ интихоб карда нашудааст. Чи хеле, ки ба ҳамагон маълум аст, моҳи март дарсҳои мактабӣ ҷамъбаст шуданд, аммо бинобар сабаби паҳни бемории каронавирус мо барои ҷамбаст кардани чоряки сеюми соли хониш вақтамон нарасид.

Баҳои вазири маориф ба сифати таҳсил дар донишгоҳҳои кишвар: аз минтақа камие надорем

Чунки тибқи қарори Ситод оид ба пешгирӣ ва мубориза бо COVID-19, дар мактабҳо таътили муваққатӣ эълон карда шуд. Бинобар ҳамин соатҳои дарсие, ки бояд тибқи Барномаи таълим гузаронида мешуд, ҳамагӣ 84 % иҷро расонида шуд”, гуфт Каримзода.

Сардори Раёсати маорифи Суғд афзуд, имсол дарс дар мактабҳо тибқи тавсияҳои Ситоди муқобила бо COVID-19 аз санаи 17 уми август сурат мегирад ва то санаи 1 сентябр машғулиятҳои ба таъхиргузошташудаи соли хониши қаблӣ ба иҷро расонида мешавад.

Осим Каримзода иброз намуд, ки дар пайи хуруҷи бемории каронавирус дар кишвар, имтиҳонсупории толибилмон дар макотиб баргузор нагардид.

“Дар охирҳои моҳи март эълон шуда буд, ки дар ҳоли ба эътидол омадани вазъ имтиҳонҳои давлатӣ супорида мешаванд. Аммо вазъият мураккаб шуд ва ба ин делел имтиҳонсупории хонандагон доир ношуда монду дар асоси чоряки сеюм, чоряки чорум ва ҳаминтариқ баҳои имтиҳони солонаро гузоштем”, гуфт Каримзода.

Дар рӯзи 26 уми апрел, вазорати маориф ва илми Ҷумҳурии Тоҷикистон бо дастури Ситоди ҷумҳуриявии пешгирӣ аз пандемияи маризии вируси корона ё COVID – 19 эълон кард, ки аз 27 апрел то 10 майи соли 2020 муваққатан дар муассисаҳои таълимӣ - кӯдакистону боғча, мактабҳо, литсейҳои касбӣ – техникӣ, коллеҷҳо - таътил эълон карда шавад.

Аммо дар пайи доман паҳн кардани бемории вируси корона Вазорати маориф ва илми Тоҷикистон аз тамдиди таътил дар муассисаҳои таҳсилоти томактабӣ ва миёнаи умумӣ хабар дода, рӯзи 5 уми май эълон кард, ки хонандагон ва омӯзгорони муассисаҳои таҳсилоти умумӣ дар кишвар то 16 август ба таътили тобистона мераванд ва соли таҳсили 2020 – 2021 аз 17 август оғоз мешавад.

“Ин фоҷиа аст”: нигаронии Дабири кулли Созмони Милали Муттаҳид аз таътили мактабҳо

Тибқи иттилои расмӣ, дар Тоҷикистон 662 боғча бо 102 ҳазору 175 кӯдак ва 9 ҳазору 766 омӯзгор, 3884 мактаби миёна бо 2 миллиону 033 ҳазору 900 хонанда ва 124 ҳазору 593 омӯзгор, 63 муассисаи таҳсилоти ибтидоии касбӣ бо 21 ҳазору 890 хонанда ва 2 ҳазору 305 омӯзгор ва 75 муассисаи таҳсилоти миёнаи касбӣ бо 87 ҳазору 696 донишҷӯ ва 6 ҳазору 381 омӯзгор фаъолият мекунанд, ки ҷамъ 4686 муассиса, 2 миллиону 245 ҳазору 661 муҳассил ва 143 ҳазору 045 омӯзгорро ташкил медиҳад.

45