Дастбанд, акс аз бойгонӣ

Дар Хуҷанд Шаҳло Саттороваро ба гирифтани 1200 доллар пора муттаҳам мекунанд

1692
(Таҷдидшуда 14:10 01.07.2018)
Шаҳло Сатторова - ҳомии ҳуқуқ дар шаҳри Хуҷанд ба ришваситонӣ муттаҳам мешавад

ДУШАНБЕ, 1 июл — Sputnik. Як корманди Колегияи адвокатҳои "Дифоъ"-и шаҳри Хуҷанд ба ришваситонӣ муттаҳам мешавад, хабар медиҳад Ожонси мубориза бо фасоди ҶТ.

Бино бар иттилои манбаъ, Сатторова Шаҳло Ибрагимовна аз соли 2017 то ин ҷониб ба ҳайси адвокат дар Колегияи адвокатҳои "Дифоъ"-и шаҳри Хуҷанд фаъолият мебурд.

"Муттаҳам бо роҳи фиреб бо истифода аз мақоми хизматӣ ба боварии шаҳрванд "А" даромада бо ваъдаи мусоидат кардан барои бе тағийр мондани таъиноти додгоҳии додгоҳи шаҳри Истаравшан 1200 доллар талаб намудааст", — гуфта мешавад дар иттилои манбаъ.

Манбаъ афзудааст, дар натиҷаи гузаронидани чорабиниҳои оперативӣ — тафтишотӣ Сатторова Шаҳло Ибрагимовна ҳангоми гирифтани маблағи мазкур аз шаҳрванд "А" дастгир карда шуда, маблағи 1200 доллари ИМА аз ӯ ҳамчун далели шайъи ёфта гирифта шуд.

Нисбати Сатторова Шаҳло Ибрагимовна, бо моддаи 247 қисми 3 банди "а" Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишоти пешакии он идома дорад.

1692
Барчаспҳо:
ришва, боздошт, ҳомии ҳуқуқ, Тоҷикистон
Похороны в Таджикистане, архивное фото

Маросими видоъ бо устод Гулназар Келдӣ - навори муфассал

10
Шоири маъруфи Тоҷикистон, муаллифи Суриди миллӣ Гулназар Келдӣ рӯзи 13 - уми август дунёи фониро падруд гуфт

ДУШАНБЕ, 14 авг — Sputnik. Ҷанозаи шоири шаҳир ва маҳбуби Тоҷикистон бегоҳи ҳамон рӯз баргузор шуд ва Келдӣ дар оромгоҳи Лучоб манзили охираташро дарёб кард.

Навори маросими видоъ бо шоири зиндаёд Гулназар Келдиро сомонаи "Фараж" дар сафҳаи худ нашр намудааст.

Аз навор бармеояд, ки дар маросими хайрибод бо шоири маҳбуб даҳҳо нафар ходимону олимон,намояндагони ҳукумат, пайвандон ва ҳаводорони ӯ ҳузур доштанд.

Аксари иштирокчиёни маросими видоъ, ниқоби муҳофизатӣ доштанд ва ҳамзамон фосилаи иҷтимоӣ низ аснои дуо хондан ва вориди хок намудани шоир риоя мешуд.

Ёдовар мешавем, ҳамагӣ чанд рӯз пеш Гулназар Келдӣ бо нишони маризии коронавирус бистарии беморхона гардида шуд ва ахиран рӯзи 13 - уми август ҷон ба Ҷонофарин супорид.

Низом Қосим гуфт, ки Гулназар Келдӣ дар куҷо ба хок супурда хоҳад шуд

Марҳум чанд рӯз қабл дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ӯ  ташвиш накашанд.

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.
10
Барчаспҳо:
навор, маросими видоъ, Гулназар Келдӣ
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

408
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

408