Эмомалӣ Раҳмон дар Душанбе Боғи кӯдакон-ро ифтитоҳ кард, акс аз бойгонӣ

Эмомалӣ Раҳмон бо Рустами Эмомалӣ дар Душанбе "Боғи кӯдакон"-ро ифтитоҳ кард

158
(Таҷдидшуда 12:16 03.07.2018)
Боғи кӯдакон барои сайру саёҳат, истироҳат ва иштирок дар ҳамоишҳои варзишию фарҳангии кӯдакон таъсис ёфтааст

ДУШАНБЕ, 3 июл — Sputnik. Раисҷумҳури Тоҷикистон Эмомалӣ Раҳмон ва шаҳрдори Душанбе Рустам Эмомалӣ дар ноҳияи Исмоили Сомонӣ дар маросими ифтитоҳи "Боғи кӯдакон" иштирок намуданд, хабар медиҳад дафтари матбуоти раисҷумҳур.

"Дар даромадгоҳи асосии боғ дарвоза бо баландии 10 метр насб карда шуда, дар атрофи он ҳайкалчаҳои афсонавӣ ҷойгир карда шудаанд. Мизи шоҳмот, ки дар як гӯшаи боғ сохта шудааст, дар тарҳ росткунҷашакл буда, андозаҳояш 15,6 метр бар 13,2 метр мебошад" — менависад манбаъ.

Инчунин дар ҳудуди боғ барои дилхушии кӯдакон тибқи лоиҳа 40 адад бозичаҳои афсонавии гуногун, ба монанди сангпушт, оҳу, бузаки ҷингилапо бо гург, санҷоб, кабк, товус, хирс, гург ва заргӯш аз филмҳои тасвирӣ ҷойгир карда шудааст.

Ҳамчунин аз Туркия ва Италия барои боғи тозатаъсис 115 адад чархофалакҳои гуногун ворид ва насб шудааст.

Боғи мазкур дар назди Муассисаи давлатии "Маркази кӯдакону наврасон"-и шаҳри Душанбе воқеъ мебошад.

158
Барчаспҳо:
Исмоили Сомонӣ, Рустам Эмомалӣ, Раҳмон, кӯдакон, боғ, Эмомалӣ Раҳмон, ноҳия, Тоҷикистон