Эълони манъи оббозӣ, акс аз бойгонӣ

Баъди ғарқшавиҳо: Кумита роҳҳои наҷотро пешниҳод кард

61
(Таҷдидшуда 18:21 09.07.2018)
Кумитаи ҳолатҳои фавқулоддаи Тоҷикистон сабабҳои асосии ғарқшавии шаҳрвандонро сархушӣ ва шиноварӣ дар мавзеъҳои мамнуъ хонда, камбуди малакаи наҷотдиҳии ҷабрдидагонро мояи нигаронӣ арзёбӣ кардааст.

ДУШАНБЕ, 9 июл — Sputnik. Кумитаи ҳолатҳои фавқулодда ва мудофиаи граждании Тоҷикистон сабабҳои асосии ғарқшавии шаҳрвандон ва роҳҳои беҳтарини наҷотро пешниҳод кардааст.

Тибқи иттилои Кумита, сабаби аслии ғарқшавиҳо дар кишвар пеш аз ҳама шиноварӣ дар ҳолати сархӯшӣ, оббозӣ дар минтақаҳои мамнӯъ ва ҳамчунин набудани малакаҳои расонидани кумаки аввалияи тиббӣ ба ҷабрдида мебошад.

КҲФ ба шаҳрвандон тавсия додааст, ки дар сурати фоҷиа аз тавсияҳои зерин кор гиранд: "Барои он ки ба фоҷеа рӯ ба рӯ нашавед, талош намоед танҳо оббозӣ накунед, дар ҳоли мастӣ вориди об нашавед, ба маконҳои бароятон ношинос наравед, агар шумо беморӣ доред, дур аз соҳил шиноварӣ накунед, бачаҳоро беназорат нагузоред".

Масъулини давлатӣ дар хитоб ба шаҳрвандон зикр кардаанд, ки ҳар одам вазифадор аст ба нафари ғарқшаванда ёрӣ расонад ва роҳҳои наҷотро пешниҳод кардаанд.

"То назди ғарқшаванда аз ақиби вай шино кунед. Агар ин ғайриимкон бошад, ба об ғӯта занед ва бо дасти чап аз зери зонуи пои росташ доред, бо кафи дасти ростатон пои чапашро сахт тела диҳед ва ғарқшавандаро ба пушт гардонед. Дасти худро зери мушаки дасти рости ғарқшаванда гузоред ва даст ва китфи ӯро мустаҳкам дошта, бо ӯ боло шино кунед. Ҷабрдидаро ба ҷойи бехатар кашида баред",- маслиҳат додааст Кумита.

КҲФ дар идома 3 усули берун овардани ҷабрдидаро аз об ироа кардааст. Бар асоси он якум, ҷабрдидаро бо ду даст аз зери манаҳаш дошта, бо пойҳо бо усули брасс ба пушт шино бояд кард. Дуюм, аз пушт дасти худро ба дасти ҷабрдида расонда, бо ангуштони ҳамин даст аз манаҳи ҷабрдида доштан лозим мебошад. Сипас бо усули брасс, ё ба паҳлу тавассути дасти озод ё пойҳо шино бояд кард.

Роҳи сеюм, дар сурате агар ғарқшаванда муқовимат кунад, КҲФ тавсия додааст, ки "дастатонро зери дасти ғарқшаванда андозед. Бо усули брасс ва ё ба паҳлӯ бо дасти озод ва пойҳо шино кунед".

Дар мавриди ёрии аввалияи тиббӣ баъди берун овардани ҷабрдида аз об, КҲФ чунин таъкид намудааст: "Ҷабрдидаро сар ба поён кунед. Даҳонашро пок карда, то решаи забонаш фишор оред. Дар сурати пайдо шудани рефлексҳои қайъкунӣ ва сулфа кӯшиш намоед, ки об аз роҳҳои нафаскашӣ ва меъда пурра  холӣ шавад. Агар ҳаракати қайъкунӣ ва нишоне аз нафаскашӣ пайдо нашуд, пас ӯро ба пушт хобонед ва бо маҳси қафаси дил нафаси сунъӣ диҳед. Бо дидани нишоне аз ҳаёт рӯи ӯро поин оварда, оби ҷамъшударо аз ишкам ва меъда бо роҳи маҳси қафаси сина ва ишкам берун бароред. Сарашро ба қафо хам карда, манаҳи поёни онро поин кунед ва даҳонашро боз намоед, аз тариқи даҳонаш ҳаво ворид созед ва ҳаворо аз он берун кунед. "Ёрии таъҷилӣ"-ро даъват намоед".

КҲФ илова намудааст, ки риояи ин қоидаҳо хавфи ҳалокати одамонро аз байн мебарад. Ин ниҳод афзудааст, ки дар ҳолатҳои зарурӣ шаҳрвандон фавран бо телефони  223-13-11 ва ё 112 ба Кумитаи ҳолатҳои фавқулодда муроҷиат намоянд.

61
Барчаспҳо:
кумита, оббозӣ, ғарқшавӣ, марг, Тоҷикистон
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

152
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар ба расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Ккорҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

 

152
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон
Президент Таджикистана Эмомали Рахмон во Дворце культуры в Матчинском районе

Эмомалӣ Раҳмон дар бораи муҳоҷират: мо имкон дорем, ки мардумро пурра бо кор таъмин намоем

1394
Эмомалӣ Раҳмон гуфт, имкони бо кор фаро гирифтани муҳоҷирини меҳнатӣ дар дохили Тоҷикистон вуҷуд дорад

ДУШАНБЕ, 26 янв — Sputnik. Президенти Тоҷикистон дар Паёми имсолааш ба парлумони Тоҷикистон, ки дар Кохи Сомони шаҳри Душанбе идома дорад, гуфт, соли 2020 бо сабаби пандемияи "вируси корона" 80% - и муҳоҷирини меҳнатӣ натавонистанд ба берун раванд.

"Аз 460 ҳазор нафаре, ки ҳамасола берун мерафтанд, фақат 111 ҳазор рафтаанд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, шароити корӣ, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро пурра бо кор таъмин намоем", - гуфт Эмомалӣ Раҳмон.

Тибқи иттилое, ки Эмомалӣ Раҳмон дар ҷамъи аъзои парлумон эълон кард, соли гузашта дар Тоҷикистон 300 корхонаву коргоҳи саноатӣ таъсис ёфта, беш аз 6,5 ҳазор ҷои кории нав ба вуҷуд омадааст.

Вай афзуд, 157 муассисаи таҳсили умумӣ ва биноҳои иловагӣ барои 63 ҳазор хонанда, 108 муассисаи тиббӣ ва 1,2 млн мураббаъ манзили истиқоматӣ ба истифода дода шудаанд.

“Дар ин давра 193 ҳазор ҷойи кории доимиву мавсимӣ ташкил шуда, даромади пулии аҳолӣ 10% зиёд шудааст”, - гуфт президент.

Вай афзуд, пасандозҳои сокинони Тоҷикистон 17, 2 фисад зиёд шуда, 11,4 миллиард сомониро ташкил додааст, ки гувоҳи зиёд шудани даромади аҳолӣ ва афзоиши эътимоди онҳо ба ташкилотҳои карзӣ аст.

1394
Барчаспҳо:
пешниҳод, Эмомалӣ Раҳмон, муҳоҷират, Тоҷикистон
Избранный президент КР Садыр Жапаров и экс-глава государства Сооронбай Жээнбеков. Архивное фото

Сооронбой Жээнбеков ба маросими савгандёдкунии Содир Ҷабборов даъват шуд

0
(Таҷдидшуда 17:03 26.01.2021)
Ғайр аз президенти ба истеъфорафта - Сооронбой Жээнбеков ба маросими савгандёдкунии президенти нави Қирғизистон, Роза Отунбоева ва чанде аз номзадҳои пешин ба маснади президентӣ, даъват шудаанд

ДУШАНБЕ, 26 январ - Sputnik. Собиқ президенти Қирғизистон Сооронбой Жээнбеков ба маросими савгандёдкунии кишардори навинтихоб Содир Ҷабборов даъват шудааст. Ин хабарро сухангӯи президент Галина Байтерек таъйид кард.

Ба гуфти ӯ ба маросим савгандёдкунӣ Роза Отуебоева ва чанде аз номзадҳои пешин ба мақоми президентӣ даъват шудаанд.

Жээнбеков, ки се сол дар сари қудрати Қирғизистон буд, пас аз ҳодисоти моҳи октябри соли 2020 ба истеъфо рафт. Содир Ҷабборов, ки он замон иҷрокунандаи вазифаи президент буд, қарор дар бораи собиқ президенти кишвар будани Жээнбековро имзо кард.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири ин кишвар таъйин гардид.

Савгандёдкунии хоксорона: Ҷабборов барои масрафоти зиёд аз кортежу банкет даст кашид

Зимнан, дар маракаи интихоботи президентӣ низ ширкат намуда, дастболо шуд. Акнун маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

0
Барчаспҳо:
Қирғизистон, маросими савгандёдкунӣ, савгандёдкунӣ, маросим