Кӯчаи Рӯдакӣ дар шаҳри Душанбе, акс аз бойгонӣ

Зану мард: Феҳрасти ронандаҳои маст дар роҳҳои Душанбе

152
(Таҷдидшуда 17:17 11.07.2018)
Вазорати умури дохилӣ мегӯяд, сарфи назар аз зиёд намудани ҷаримаҳо, ҳанӯз ҳам зану мардоне ёфт мешаванд, ки дар ҳолати мастӣ сари чанбари мошин мешинанд

ДУШАНБЕ, 11 июл — Sputnik. Вазорати умури дохилии Тоҷикистон аз 1 то 8-уми июли соли ҷорӣ дар Душанбе амалиёт гузаронда, 3301 ҳолати нақзи қоидаҳои ҳаракат дар роҳҳои пойтахтро ошкор кардааст.

Тибқи иттилоияи ВУД сарфи назар аз зиёд намудани ҷаримаҳо, ҳанӯз ҳам зану мардоне ёфт мешаванд, ки дар ҳолати мастӣ сари чанбари мошин мешинанд.

"Ҳануз ҳам ронандагоне ҳастанд, ки дар ҳолати мастӣ воситаи нақлиётро идора намуда, ба дағалтарин қоидавайронкунии роҳу нақлиёт даст мезананд. Чунин ҳолат ба ҷони худи ронанда ва иштирокчиёни дигари ҳаракат дар роҳ хатари ҷиддӣ дорад", —ҳушдор додааст ВУД.

Ба иттилои манбаъ тайи як ҳафтаи амалиёт, 6 ҳолати идора намудани воситаи нақлиёт дар ҳоли сархушӣ ошкор гардиданд.

Вазорати умури дохилӣ дар феҳрасти ронандаҳои маст, аз ҷумла Саидов Беҳрӯз Абдусатторович, ронандаи автомашинаи "Мерседес—Бенс", Раҳимов Аъзам Салимович, ронандаи "Ваз-21015", Раҳимова Ситора Холалиевна, ронандаи "Ласетӣ",  Ахмедов Сафараҳмад Тоҳирович, ронандаи "Мерседес —Бенс", Шарипов Сиёвуш Акрамович,  ронандаи "Ренҷ-Ровер" ва  Наимов Фатҳулло Хуршедович, ронандаи "Опел-Астра"-ро ном бурда, афзуд, ки алайҳашон парванда боз гардид.

ВУД илова намуд, ки тайи як ҳафтаи охир дар Душанбе 152 ҳолати баланд намудани суръат, 133 ҳолати истифодаи телефон, 34 ҳолати итоат накардан ба чароғак, 304 ҳолати аз меъёр зиёд бор кардани мусофирон дар роҳҳои Душанбе сабт шудааст.

152
Барчаспҳо:
мастӣ, ВУД, Вазорати корҳои дохилӣ, душанбе, ронанда, Тоҷикистон
Пустое кресло

Доктори илмҳои иқтисод ва хатмкунандаи Испания: муовини нави раиси Бонки миллӣ кист?

35
(Таҷдидшуда 15:17 06.07.2020)
Санаи 20 июни соли равон раисҷумҳури Тоҷикистон бо судури ду фармон муовинони раиси Бонки миллии Тоҷикистонро таъйин кард

ДУШАНБЕ, 6 июл — Sputnik. Тибқи фармони Эмомалӣ Раҳмон, Президенти кишвар Накҳатзода Моҳбону Киромиддин муовини раиси Бонки миллии Тоҷикистон таъин карда шуд.

Тибқи сомонаи Бонки миллии Тоҷикистон хонум Накҳатзода Моҳбону  4 июли соли 1984 дар Тоҷикистон таваллуд шудааст.  

Пас аз хатми Донишгоҳи  давлатии  тиҷорати  Тоҷикистон  дар соли 2005 таҳсилоташро дар Донишгоҳи Сантяго де Компостелаи Испания идома додааст.

Накҳатзода Моҳбону  дорои унвони Доктори илмҳои иқтисоди мебошад.

Ӯ дар соли  2013 - Магистратура дар самти "Савдои байналмилалӣ ва ҳамгироии минтақавии иқтисодӣ" (Шоҳигарии Испания) ва дар 2016 Донишгоҳи Сантяго де Компостела (Шоҳигарии Испания), факултаи “Иқтисодиёт ва илмҳои тиҷоратӣ”, кафедраи “Асосҳои таҳлили иқтисодӣ”, бо ихтисоси “Рушди минтақавӣ ва ҳамгироии иқтисодӣ” хатм кардааст.

Манбаъ иттилоъ додааст, ки  Накҳатзода Моҳбону фаъолияти меҳнатиашро дар соли 2005 дар Донишгоҳи давлатии тиҷорати Тоҷикистон ба ҳайси ассистенти кафедраи “Иқтисодиёти ҷаҳон”-и оғоз кардааст.

Пас аз хатми Донишгоҳи Испания номбурда дар соли 2016 ба ҳайси муаллими калони  кафедраи  “Иқтисодиёти ҷаҳон”-и  Донишгоҳи давлатии тиҷорати Тоҷикистон кор карда, баъд аз ду моҳи фаъолият ба вазифаи нав дар Бонки миллии Тоҷикистон таъйин мешавад.

Дар соли 2016 Накҳатзода Моҳбону дар вазифаи Директори Пажӯҳишгоҳи илмӣ-тадқиқотӣ ва бозомӯзии кормандони Бонки миллӣ кор кард, аммо пас аз бозсозии сохтор дар Бонки миллӣ, аз соли 2016 то соли 2020 ба ҳайси Директори Пажӯҳишгоҳи илмӣ-тадқиқотии Бонки миллии Тоҷикистон фаъолият кардааст.

Ӯ аъзои Ҳизби халқии демократии Тоҷикистон ва донандаи чаҳор забон - тоҷикӣ-форсии дарӣ, русӣ, англисӣ, испанӣ будааст.

Бояд қайд кард, ки қаблан дар вазифаи муовини раиси Бонки миллӣ Салимова Лола фаъолият мекард. Эмомалӣ Раҳмон бо як фармон Нуралиев Ҷамолиддин аз вазифаи муовини якум ва Салимова Лола аз вазифаи муовини раиси Бонки миллии Тоҷикистон бинобар сабаби ба охир расидани муҳлати ваколаташон озод кард.

Бо фармони дигар раисиҷумҳур Нуралиев Ҷамолиддинро ба вазифаи муовини якуми раиси Бонки миллии Тоҷикистон дубора таъин кард.

35
Барчаспҳо:
Испания, иқтисод, муовин, Бонки миллӣ, Тоҷикистон
Арест молодого человека за аморальные действия в общественном месте

"Биё, духтар, чилим мекашем": ҳабсу кӯчарӯбии як ҷавон дар Душанбе барои "гаппартоӣ" - акс

212
Валиҷон Бекзода дар маркази шаҳри Душанбе духтареро, ки тамоман намешинохт ва ягон муносибат надошт, ба чилимкашӣ даъват кардааст. Вақте духтар ба ин писари баддаҳон ҷавоби рад додааст, ӯро таҳқир ва аз мӯйҳояш кашола кардааст. Милисаҳо ин ҷавонро дастгир кардаанд

ДУШАНБЕ, 6 июл — Sputnik. Мақомоти милисаи шаҳри Душанбе аз ҳабси як ҷавони бадкидор барои "Майдаавбошӣ" хабар додаанд. Раёсати Вазорати корҳои дохила, акси ин ҷавонро, ки духтареро дар байни сокинон таҳқир кардааст, дар даст ҷӯроб нашр кардаанд.

Арест молодого человека за аморальные действия в общественном месте
Арест молодого человека за аморальные действия в общественном месте

Бино бар иттилои манбаъ, Бекзода Валиҷон, 28-сола, дар маркази Душанбе, дар кӯчаи Фотеҳ Ниёзӣ дар назди мағозаи "Артел" духтари 20-солаеро ба наздаш даъват карда, таклиф кардааст, ки бо ӯ чилим кашад.

"Аммо духтар аз ин даъвати Валиҷон, ки ӯро бори аввал дида, байнашон ягон муносибати шиносоӣ вуҷуд надошт, ба хашм омада, ҷавоби рад додааст. Дар ин лаҳза дастгиршуда Бекзода Валиҷон дар ҷои ҷамъиятӣ ва дар ҳузури дигар дугонаҳояш нисбати ҷавондухтари муроҷиаткунанда дашному суханони қабеҳ намуда, ҳамзамон бо роҳи кашидани мӯйи сар ба ӯ озори ҷисмонӣ низ расонидааст", - менависад РВКД Душанбе.

Ҳамин тавр, ҷабрдида ба мақомоти милиса муроҷиат мекунад, ки дар пайи он Бекзодаро милисаҳо дастгир мекунанд.

Бо назардошти ҳолатҳои мазкур нисбати шаҳрванд Бекзода Валиҷон бо моддаи 460 (Майдаавбошӣ) Кодекси ҳуқуқвайронкунии маъмурии ҶТ парвандаи маъмурӣ тартиб дода шуда, бо қарори додгоҳ нисбаташ ҷазо дар намуди ҳабси маъмурӣ ба муҳлати 5-шабонарӯз таъин карда шуда, ба корҳои фоиданоки ҷамъиятӣ ҷалб карда шудааст. 

"Раёсати ВКД дар шаҳри Душанбе ба иттилои шаҳрвандон мерасонад, ки ҳуқуқу манфиатҳои Шумо таҳти муҳофизати қонун қарор дошта, дар ҳолати поймол шудани он метавонед ба мақомоти милитсияи шаҳри Душанбе муроҷиат намоед. Ҳамаи муроҷиат, арзу дархост ва шикоятҳои Шумо мавриди санҷиши ҳаматарафа ва чораҷӯии саривақтӣ қарор дода шуда, аз натиҷааш тавассути сомонаи Раёсат хабар дода мешавад", - таъкид мекунад манбаъ.

 

 

 

 

212