Додситонии кули Тоыикистон, акс аз бойгонӣ

Додситонӣ: ҳукми Хайрулло Мирсаидов ба фаъолияти сиёсӣ ё рӯзноманигориаш рабте надорад

106
(Таҷдидшуда 11:50 13.07.2018)
Додситонии кулли Тоҷикистон дар пайи як изҳорот таъкид кардааст, ки ҳукми додгоҳ нисбати Хайрулло Мирсаидов ба фаъолияти сиёсӣ ё рӯзноманигории вай рабте надорад Додситонии кулл ҳукми додгоҳро ба аз худ намудани маблағҳо ва сохтакории санадҳо, рабт медиҳад

ДУШАНБЕ, 13 июл — Sputnik. Дар изҳороти Додситонии кулли Тоҷикистон, ки рӯзи 13-уми июл ба нашр расид, гуфта шудааст, ки ахиран дар воситаҳои ахбори омма хабарҳои зиёд дар бораи таъқиби ҷиноятӣ ва вазнинии ҳукми суд нисбат ба шаҳрванд Мирсаидов Хайрулло мунташир шуд.

"Дар баъзе аз чунин хабарҳо ҳукми додгоҳ ба рӯзноманигор будани номбурда рабт медоданд, ҳатто ба омилҳои сиёсӣ доштани парвандаи ҷиноятӣ ишора мекарданд", — менависад додситонӣ.

Манбаъ таъкид мекунад, "дар парвандаи мазкур ҳеҷ маълумоте дар бораи фаъолияти сиёсӣ ва ё рӯзноманигории Мирсаидов Хайрулло мавҷуд нест".

"Вай барои он ба ҷавобгарии ҷиноятӣ кашида шудааст, ки ҳангоми раҳбари дастаи "Хушдилон ва ҳозирҷавобон" (КВН) будан, ба сохтакории ҳуҷҷатҳо ва азхуд намудани маблағҳои будҷа даст задааст. Мирсаидов аз нияти ғаразнок дидаю дониста, барои содир шудани ҷинояти вазнин хабари бардурӯғ расонидааст, ки худ ҷиноят мебошад", — тавзеҳ медиҳад додситонӣ.

"Тамоми иттиҳомот алайҳи Хайрулло Мирсаидов тасдиқи худро пайдо намудааст ва бинобар ҳамин ӯ ба 12 сол зиндон ва адои ҷазо дар маҳбаси низомаш сахт маҳкум карда шуд", — афзудааст манбаъ.

Додситонии кули Тоҷикистон ҳоло парвандаи ҷиноятии мазкурро мавриди омӯзиш қарор дода, дар ҳолати "номувофиқ" будани ҷазои таъйиншуда нисбати Мирсаидов, метавонад аз болои ҳукми додгоҳ эътироз оварад.

Додситонӣ муҳокима ва зери танқид қарор додани ҳукми суд аз ҷониби воситаҳои ахбори оммаро ҳамчун халалдор сохтани адолати судӣ арзёбӣ кардааст.

Лозим ба ёдоварист, ки додгоҳи Тоҷикистон Хайрулло Мирсаидовро дар шоҳидии бардурӯғ, сохтакорӣ ва исрофи 124 ҳазор сомонӣ гунаҳкор донист, ба 12 соли зиндон маҳкум кард. Мирсаидов баробари рӯзноманигорӣ роҳбарии дастаи зарифони Тоҷикистонро ба уҳда дошт. Ӯ моҳи декабри соли 2017 баъди шикояташ аз фасодкории раиси раёсати Кумитаи кор бо ҷавонон дар вилояти Суғд боздошт гардид.

106
Барчаспҳо:
Мирсаидов, Додситонии кул, изҳорот, рӯзноманигор, ҳукм, додгоҳ, Тоҷикистон
Первый вице-премьер Таджикистана Давлатали Саид, архивное фото

Норасоиҳоро бартараф кунед: супориши Давлаталӣ Саид ба роҳбарони МОИ

13
(Таҷдидшуда 11:03 25.01.2021)
Муовини якуми Сарвазири Тоҷикистон таъкид доштааст, ки мақсади асосӣ аз таъсиси минтақаҳои озоди иқтисодӣ - ин зиёд намудани истеҳсоли маҳсулоти ба содирот нигаронидашуда мебошад

ДУШАНБЕ, 25 янв— Sputnik.  Ахиран дар шаҳри Душанбе таҳти раёсати муовини якуми Сарвазири Тоҷикистон Давлаталӣ Саид, ки ҳамзамон раиси Шӯрои нозирон оид ба масъалаҳои минтақаҳои озоди иқтисодӣ дар Тоҷикистон мебошад, ҷаласаи навбатии Шӯрои мазкур бо иштироки намояндагони вазорату идораҳои марбута баргузор гардид.

Ба нақл аз АМИТ “Ховар” дар ҷаласа ҳисоботи котиби масъули Шӯрои нозирон оид ба масъалаҳои минтақаҳои озоди иқтисодӣ — муовини Вазири рушди иқтисод ва савдо вобаста ба иҷрои қарорҳои ҷаласаҳои пештараи Шӯрои нозирон ва роҳбарони МОИ-и “Суғд”, “Данғара”, “Панҷ”, “Ишкошим” ва “Кӯлоб” шунида шуд.

Давлаталӣ Саид, муовини якуми Сарвазир дар ин ҷаласа таъкид доштааст, ки мақсади асосӣ аз таъсиси минтақаҳои озоди иқтисодӣ- ин зиёд намудани истеҳсоли маҳсулоти ба содирот нигаронидашуда мебошад.

Давлаталӣ Саид ба ҳар камбудиву норасоиҳои ҷойдоштаи дар ҳар  як минтақаи озоди иқтисодӣ таъкид карда, ба роҳбарони минтақаҳои озоди иқтисодӣ вобаста ба бартараф намудани норасоиҳо, тақвият додани фаъолияти минтақаҳои озоди иқтисодӣ, таъсиси корхонаҳои саноатӣ, ҷалби сармоя, зиёд намудани истеҳсоли маҳсулоти воридотивазкунӣ ва содирот намудани онҳо ба хориҷи мамлакат супоришҳои қатъӣ дод.

Гуфта шудааст, ки аз натиҷаи ҷаласа қарорҳои Шӯрои нозирон бо санади дахлдор қабул гардиданд.

13
Барчаспҳо:
Давлаталӣ Саид, содирот, истеҳсол, таъсис, Минтақаҳои озоди иқтисодӣ, Тоҷикистон
Пожарная машина в Душанбе

Тафсилоти сӯхтори бозори "Султони Кабир": сабаб ва ҳаҷми хисорот маълум шуд

204
(Таҷдидшуда 11:34 25.01.2021)
Вазорати умури дохилаи Тоҷикистон мегӯяд, оташнишонон ба маблағи 2 миллион сомонӣ молу маҳсулоти мардумро аз сӯхтор наҷот доданд

ДУШАНБЕ, 25 янв— Sputnik. Омили асосии сӯхтор дар бозори "Султони Кабир", ки субҳи рӯзи 25 январ рух дод, расиши кӯтоҳи ноқилҳо арзёбӣ мешавад, хабар медиҳад ВУД Тоҷикистон.

Ба иттилои манбаъ, сӯхтор ду айвони фурӯши молҳои пластикиро фаро гирифта буд.

ВКД сабаби зиёд шудани сӯхтор дар Тоҷикистонро гуфт

Гуфта мешавад, алангаи сӯхтор бо гузашти 2 соат ва бо заҳмати 348 нафар кормандони оташнишонӣ пурра хомӯш гардид. Дар хомӯш шудани сӯхтор ҳамчунин 16 автомашинаи оташнишонӣ ва 200 корманди дастаи таъиноти махсус, РВКД дар шаҳри Душанбе сафарбар карда шуданд.

Манбаъ меафзояд, зарари расонида шуда аз сӯхтор тахминан 800 ҳазор сомониро ташкил медиҳад.

"Аз оташ молу маҳсулоти мардум ба маблағи зиёда аз 2 миллион сомонӣ эмин дошта шуд.

ВУД Тоҷикистон мегӯяд, феълан аз рӯи ҳодисаи сӯхтор парвандаи ҷиноятӣ оғоз гардидааст.

Бояд қайд кард, ки ин бори дувум аст, ки давоми се соли ахир дар бозори "Султони Кабир" оташсӯзӣ сар мезанад. Дар оташсӯзии моҳи июни соли 2018 бистуяк мағозаву дӯкони ин бозор ба коми оташ рафта буд.

"Султони Кабир" яке аз бозорҳои аслии фурӯши маҳсулоти сохтмон ва қисмҳои эҳтиётӣ соли 2000 бунёд шуда, дар он 1700 соҳибкор кор мекунанд.

204
Барчаспҳо:
сабаб, сӯхтор, Султони Кабир