Ректори донишгоҳи миллӣ: бо Узбакистон 7 созишнома бастем

© SputnikТаджикский национальный университет. Архивное фото
Таджикский национальный университет. Архивное фото - Sputnik Тоҷикистон
Обуна шудан
Донишгоҳи миллии Тоҷикистон равобити хориҷии худро бо кишварҳои хориҷи дур ва наздик густариш додааст. Донишгоҳ ба хусус бо муассисаҳои таълимии олии Узбакистон 7 шартномаи ҳамкорӣ бастааст

ДУШАНБЕ, 17 июл — Sputnik. Донишгоҳи миллии Тоҷикистон бо беш аз 7 донишгоҳу донишкадаҳои Узбакистон созишномаи ҳамкорӣ ба имзо расондааст, хабар додааст, Муҳаммадюсуф Имомзода, ректори Донишгоҳи миллии Тоҷикистон зимни нишасти матбуотӣ.

Ба гуфтаи вай Донишгоҳи миллӣ аз ҷумла бо Донишгоҳи давлатии омӯзгории Узбакистон, Донишгоҳи давлатии Самарқанд, Донишгоҳи давлатии Фарғона, Донишгоҳи давлатии Андиҷон созишномаҳои ҳамкорӣ имзо кардааст.

Инчунин вай таъкид намудааст, ки Донишгоҳи миллӣ барои густариши равобити байналмилалӣ тадбирҳои ҷиддӣ меандешад.

Студенты, архивное фото - Sputnik Тоҷикистон
Донишҷӯёни тоҷикро ба барномаҳои донишгоҳҳои Русия мутобиқ мекунанд

"Дар шашмоҳаи аввали соли равон Донишгоҳи миллии Тоҷикистон бо 19 муассисаи таълимӣ ва маркази илмии хориҷи кишвар бо бастани созишномаву тафоҳумномаҳо муносиботи ҳамкорӣ барқарор намуд" — афзуд Имомзода.

Дар ҳоли ҳозир Донишгоҳи миллиии Тоҷикистон бо 231 муассисаҳои таҳсилоти олии касбӣ, муассисаҳои илмӣ-таҳқиқотии кишварҳои хориҷӣ ва созмонҳои байналмилалӣ шартномаву қарордодҳои ҳамкорӣ доштааст.

Дар ҳамин ҳол дар донишгоҳ 182 нафар шаҳрвандони хориҷӣ ба ҳайси бакалавр, магистр, аспирант ва докторант таҳсил мекунанд. 

Лентаи хабарҳо
0