Эмомалӣ Рахмон, акс аз бойгонӣ

Раҳмон биноҳои аз 5-ошёна поинро дар марказҳо мамнуъ кард

2180
Президенти Тоҷикистон бунёди биноҳои истиқоматии аз 5-ошёна поинро дар марказҳои маъмурии навоҳӣ ва шаҳрҳои кишвар мамнуъ кард

ДУШАНБЕ, 18 июл — Sputnik. Эмомалӣ Раҳмон, раисиҷумҳури Тоҷикистон, бо имзои як қарор мақомоти тоҷикро муваззаф кардааст, ки биноҳои истиқоматиро дар кӯчаҳои асосии марказҳои ноҳияҳо ва шаҳрҳои кишвар аз 5-ошёнӣ поинтар насозанд.

Тибқи қарори имзокардаи раисиҷумҳур аз 21-уми июни соли 2018, ки нусхаи он дар ихтиёри Sputnik Тоҷикистон қарор дорад, ин дастур ба далели камбуди замин ва барои истифодаи самараноки он содир гардидааст.

Раисиҷумҳур мақомоти ВМКБ, вилоятҳо ва навоҳии кишварро муваззаф намудааст, ки масъулини бахши меъморӣ нақшаи муфассалро таҳия намуда, дар амал татбиқ намоянд.

Дар қарори ҳукумат таъкид шудааст, ки ҳадаф истифодаи самараноки замин ва ҷилавгирӣ аз коҳиши заминҳои кишт мебошад.

Раисиҷумҳури Тоҷикистон барои мақомоти маҳаллӣ ҷудо намудани заминҳои киштро барои бунёди манзилҳои истиқоматӣ мамнуъ кардааст. Истисно танҳо иншооти стратегӣ ва истеҳсолӣ мебошанд.

Дастури мазкур дар пасманзари афзоиши аҳолӣ ва зиёд шудани ниёзмандӣ дар кишвар ба манзили истиқоматӣ содир гардидааст.

2180
Барчаспҳо:
хона, сохтмони бино, Тоҷикистон
Похороны человека умершего от заражения вирусом, архивное фото

Тасдиқи фавти дигар аз COVID-19 дар Тоҷикистон: омори нави расмӣ

78
(Таҷдидшуда 18:38 08.07.2020)
Вазорати беҳдошти Тоҷикистон омори нави сироятёбӣ, фавт ва шифоёбӣ аз коронавируси навъи COVID - 19 дар Тоҷикистонро нашр кард

ДУШАНБЕ, 8 июл — Sputnik. Бар пояи омори нав, шабонарӯзи гузашта дар Тоҷикистон 49 ҳолати нави сироятёбӣ ба COVID-19 ва 1 мавриди фавт бар асари он ба қайд гирифта шуд.

Бино ба иттилои Вазорати тандурустии Тоҷикистон, аз 30 апрел то 8 июл дар кишвар шумораи гирифторони COVID-19 ба 6364 нафар расида, аз ин беморӣ то кунун дар мамлакат 5011 (78,7%) нафар беморон шифо ёфтаанд. Ҳамзамон, дар муддати зикргардида дар мамлакат аз ин беморӣ 54 нафар фавтидаанд.

"Шабонарӯзи охир 220 нафар гумонбарон зери назорати табибон қарор дошта, 46 нафар баъд аз муолиҷа ба хонаҳояшон рухсат дода шуданд", — омадааст дар хабарнома.

Манбаъ таъкид карда, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Ҳакимов: ҷорӣ кардани ҷарима барои напӯшидани ниқоби тиббӣ, мантиқан нодуруст аст

Гуфта мешавад, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд.

Дар баробари ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

78
Барчаспҳо:
бемориҳои сироятӣ, омор, Тоҷикистон
Хорогская гидроэлектростанция, архивное фото

Дар шаҳри Хоруғ пули нави мошингузар сохта мешавад

24
(Таҷдидшуда 17:33 08.07.2020)
Ин сеюмин пули мошингузар дар шаҳри Хоруғ хооҳад буд, ки ду соҳили дарёи Ғундро дар ҳудуди шаҳр ба ҳам мепайвандад

ДУШАНБЕ, 8 июл — Sputnik. Дар остонаи таҷлили 29-умин солгарди Истиқлолияти давлатии Тоҷикистон дар Вилояти Мухтори Кӯҳистони Бадахшон 45 иншооти таъйиноти гуногун сохта ба истифода дода мешавад.

Аз ҷумла, дар маркази вилоят бинои театри вилоятӣ, як қисмати бинои муассисаи таҳсилоти миёнаи умумии рақами 8 ба номи Сайфулло Абдуллоев, коргоҳи дӯзандагӣ дар ҳудуди бозори «20-солагии Истиқлолияти давлатии Тоҷикистон», иншооти варзишӣ дар маҳаллаи Тирчид ва ғайраҳо мавриди истифода қарор мегиранд.

Тавре АМИТ "Ховар" бо такя ба мақомоти иҷроияи ҳокимияти давлатии ВМКБ хабар медиҳад, дар қаламрави вилоят бо мақсади сазовор пешвоз гирифтани Рӯзи Истиқлолияти давлатӣ корҳои омодагӣ босуръат идома дошта, дар баробари ба истифода додани иншооти сохтмонаш анҷомёфта,  санги асоси пули мошингард дар маҳаллаи Селхозтехникаи шаҳри Хоруғ, гузошта мешавад.

Гуфта мешавад, ки дарозии пул бо эстакада 200 метрро ташкил медиҳад.

Ин сеюмин пули мошингузар аст, ки ду соҳили дарёи Ғундро дар ҳудуди шаҳр ба ҳам мепайвандад ва интизор меравад, ки мушкилоти тамбашавии нақлиётро дар маркази шаҳри Хоруғ аз миён мебардорад.

24
Барчаспҳо:
ошноӣ бо иншооти ҷашнӣ, иншоот, ВМКБ