Мактаб, акс аз бойгонӣ

Чин дар Тоҷикистон 3 мактаби нав месозад

93
(Таҷдидшуда 15:27 21.07.2018)
Як ширкати чинӣ эълом кард, дар вилояти Хатлони Тоҷикистон 3 мактаби нав хоҳад сохт.

ДУШАНБЕ, 21 июл — Sputnik. Ба гузориши "Парс тудэй", ин мактабҳо дар зарфиятҳои гунҷоиши 320 ва 640 донишомӯз дар ноҳияи Данғара ва шаҳрҳои Бохтар ва Леваканд аз сӯйи ширкати чинии "Рower Сhina" бунёд карда хоҳад шуд.

Ба гуфтаи мақомоти Вазорати маориф ва илми Тоҷикистон, ширкатҳои чинӣ дар ин кишвар 7 мактаб сохтаанд, ки дар ин марказҳои омӯзишӣ 12 ҳазор донишомӯз ба таҳсил машғуланд.

Аз сӯйи дигар, дар 112 донишгоҳи Чин наздик ба 3 ҳазор донишҷӯи тоҷик дар риштаҳои мухталиф машғул ба омӯзиши улум ҳастанд.

Ҳамчунин давлати Чин пешниҳоди сохти як донишгоҳи байналмилалӣ барои 40 ҳазор донишҷӯро дар шаҳри Душанбе ба давлати Тоҷикистон ироа кардааст. Чун Лу, намояндаи маркази фановариҳои ҷадиди Чин дар шаҳри Линдау гуфтааст, ки донишҷуёни тоҷик ва дигар кишварҳои Осиёи Марказӣ метавонанд дар ин донишгоҳи байналмилалӣ дар 42 ришта, аз ҷумла муҳандисӣ, пизишкӣ, дорусозӣ, мудирияти иқтисод ва тиҷорату мутарҷимӣ омӯзиш бубинанд.

Давлати Чин барои бозсозии роҳҳои Тоҷикистон ва истихроҷи маъдан ба ин кишвар вомҳои молии баландмуддат ихтисос додааст, ки қарзи хориҷии Тоҷикистон ба ин кишвар беш аз 1 миллиарду 200 миллион доллар эълом шудааст.

93
Барчаспҳо:
сохтмон, мактаб, Чин, Тоҷикистон

Таъсири COVID -19 ба туйҳои арӯсию домодӣ дар Хуҷанд

142
(Таҷдидшуда 16:38 11.07.2020)
Зарфи як моҳ, яъне аз замоне, ки Ситоди ҷумҳурӣ оид ба пешгирӣ ва мубориза бо бемории COVID-19 ба баргузории маъракаҳои туйи домодию арӯсӣ иҷоза дод, дар шаҳри Хуҷанд 47 ҳолати бастани ақди ниқоҳ сабт шудааст

ДУШАНБЕ, 11 июл – Sputnik. Масъулони Идораи сабти асноди ҳолати шаҳрвандӣ (ЗАГС) дар шаҳри Хуҷанд мегуянд, бемории COVID - 19 ҳатто ба баргузории маросимҳои ақди никоҳ таъсири худро расондааст.

Фирӯза Раҳимӣ, мудири хонаи ақди никоҳ дар Хуҷанд гуфтааст, ки танҳо дар як моҳи охир аз замоне, ки Ситоди мубориза бо COVID – 19 барои баргузории туйҳои арӯсию домодӣ иҷоза дод, дар шаҳри Хуҷанд дар умум 47 мавриди бастани ақди ниқоҳ доир шудааст. Бино ба гуфтаи Раҳимӣ, ин теъдод назар ба моҳҳои гузашта ба маротиб кам будааст.

Ду тӯй дар як хонавода: арӯс ва 12 меҳмон мубталои коронавирус шуданд

Ситоди пешгирӣ ва мубориза бо бемории COVID – 19 баъд аз як моҳу бист рӯзи мутавақиф гузоштани маъракаҳои мардумӣ, рӯзи 20-уми июн бо муқарраротҳои нав аз қабили риояи бастани ниқоб барои ҳамаи иштирокчиён ва танҳо баргузор намудани як маърака дар як рӯз ва он ҳам бо иштироки то 100 нафар, дар маҳалла ва тарабхона ба баргузории туйҳои арӯсию домодӣ иҷоза дод.

Абдуғаффор Ҷабборов, сардори Маркази назорати давлатии санитарию эпидемологии Суғд чанде пеш дар суҳбат ба Sputnik Тоҷикистон гуфт, ки риояи ин муқарраротҳо дар вақти баргузории маъракаҳо, аз сӯи кормандони ин ниҳод дар шаҳру ноҳияҳо назорат мешавад.

"Ба ҳамаи роҳбарони туйхонаҳо пешниҳод дода шудааст, ки баргузории маъракаҳоро дар доираи муқарраротҳои Ситоди ҷумҳуриявӣ оид ба мубориза бо COVID-19 доир намоянд. Даромад бо ниқобҳои муҳофизатӣ барои ҳар як иштирокчии туй, ҳатто арӯсу домодро назорат кунанд, фосилаи ҷои нишаст барои иштирокчиёнро нигоҳ доранд. Инчунин дар даромадгоҳҳо бояд дастгоҳҳои ҳароратсанҷ (тепловизор) фаъол карда шуда, маводи антисептикӣ, дастмолҳои яккарата ва маводи дастшӯӣ (собун) таъмин карда шавад", - гуфт Ҷабборов.

Ҳоло волидоне, ки барои баргузории туйи фарзандонашон зарурат доранд, тибқи муқарраротҳои Ситоди пешгирии COVID – 19 дар доираи маҳдуд баргузор мекунанд. Аммо бархеи дигар интизор доранд, ки “вируси корона” ба пуррагӣ маҳв гардад ва онҳо туйи аъзои хонаводаи худро дар доираи васеъ ва бидуни ниқоббандӣ доир кунанд.

Дар Тоҷикистон ҳамасола то 60 ҳазор бастани ақди никоҳ ба қайд гирифта мешавад, ки аз ин шумор бештар аз 23 ҳазор маврид ба вилояти Суғд рост меояд.

142
Барчаспҳо:
тӯй, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон

Дар Тоҷикистон шумораи ширкатҳои сохтмонӣ 14% кам шудааст

30
(Таҷдидшуда 16:36 11.07.2020)
Бо вуҷуди кам шудани шумораи ширкатҳои сохтмонӣ, дар Тоҷикистон ҳаҷми манзилҳои сохта ба истифода додашуда 24 фоиз зиёд шудааст

 

ДУШАНБЕ, 11 июл – Sputnik. Дар Тоҷикистон шумораи ширкатҳои сохтмонӣ аз аввали сол кам шудааст, мегӯяд  Агентии омори назди Президенти ҷумҳурӣ.

Тибқи маълумоти расмӣ, дар панҷ моҳи соли 2020 шумораи ширкатҳои сохтмонӣ дар Тоҷикистон 14,2% кам шудааст. Ҳамин тариқ, дар аввали моҳи июн дар кишвар 638 корхона фаъол мондааст.

Ҳамзамон, аз моҳи январ то моҳи майи соли 2020, ташкилотҳои пудратӣ ба маблағи зиёда аз 214 миллион доллар корро ба сомон расонидаанд, ки ин нишондиҳанда дар муқоиса бо давраи давраи соли 2019 555 ҳазор доллар бештар мебошад.

Тибқи маълумотҳои оморӣ, корҳои асосии пудратӣ аз ҳисоби ширкатҳо ба маблағи 136,4 ҳазор доллар иҷро карда шуданд (62,2% аз ҳаҷми умумии). Ғайр аз ин, пули саҳмияҳо - 81,7 ҳазор доллар ва фондҳои давлатӣ - 2,7 ҳазор доллар ҷалб карда шуданд.

Аз андоз сарпечӣ кард: Ожонси зидди фасод намояндаи "Озод сохтмон"-ро дастгир кард

Аз аввали сол, ширкатҳои сохтмонӣ зиёда аз 20 муассисаи таълимӣ ва тиббӣ, инчунин 365,2 ҳазор метри мураббаъ манзилро ба истифода доданд, ки ин нисбат ба соли 2019 24,6% зиёд аст.

30
Картофель

Оғози ҷамъоварии картошка дар Тоҷикобод: 1 кило 2,8 сомонӣ дар сари замин

0
(Таҷдидшуда 16:59 11.07.2020)
Дар ноҳияи Тоҷикобод, яке аз минтақаҳои картошкапарвари Тоҷикистон ҷамъоварии ҳосили барвақтии картошка оғоз гардид

ДУШАНБЕ, 11 июл — Sputnik. Дар Тоҷикобод майдони кишти картошка дар ҳамаи шаклҳои хоҷагидорӣ ба 2005 гектар расонида шуд, ки нисбат ба  соли гузашта 84,5 фоиз зиёдтар аст.

Ҷаласаи Ҳукумати Тоҷикистон
дафтари матбуоти раисиҷумҳури Тоҷикистон

"Аз 2005 гектар кишти картошка 937,7 гектараш ба сохтори кишоварзӣ рост меояд. Дар хоҷагиҳои коллективӣ ва инфиродии деҳқонӣ нисбат ба соли гузашта 272,7 гектар майдони кишти картошка васеъ гардонида шудааст", - хабар дод "Ховар".

Манбаъ афзуд, имрӯзҳо дар хоҷагии деҳқонии "Нӯшор"-и ноҳия ҷамъоварии ҳосили картошкаи барвақтӣ оғоз гардида, натиҷаи ғундоштани  ҳосили имсола нишон медиҳад, ки заҳмати  кишоварзон  натиҷаи дилхоҳ ба бор овардааст.

Юсуфҷон Худойдодов аз деҳаи Шарқиён анъанаи дерини деҳқонони ноҳияро, ки маъмулан даҳаи дуюми моҳи август ба ҷамъоварии картошка оғоз менамоянд, шикаст.

"Номбурда 7 июл  қитъаи картошкаи хоҷагии деҳқониашро, ки майдони  0,40 гектарро ташкил медод, ҷамъоварӣ намуд. Дар ин рӯз раиси ноҳия Қадриддин Фақерзода ва намояндаи Ҳукумати Ҷумҳурӣ Олимҷон Муҳаммадҷонзода  иштирок намуда, ба Юсуфҷон барори кор хостанд, навиштааст "Ховар".

Юсуфҷон Худойдодов изҳор доштааст, ки 15 март картошка кишт намуда будам.

"Тухмии маҳаллии навъи "сафедак"-ро аз деҳаи Ширинчашма харидорӣ карда, 4 моҳ пеш шинонда будам. Имрӯз хурсанд ҳастам, ки ҳосил пухта расид ва  харидор аз шаҳри Душанбе пайдо шуд, ки ба ҷамъоварӣ шурӯъ намудам. Чуноне ки  мебинед зарар надидам,  12 тонна картошка бо нархи ҳар килояш 2 сомониву 85 дирамӣ аз сари замин ба фурўхтам", - таъкид кардааст кишоварз.

Қаблан дар пайи болоравии нархи картошка дар Тоҷикистон, раисиҷумҳур Эмомалӣ Раҳмон даъват кард, ки майдони кишти картошка зиёд карда шавад.

0
Барчаспҳо:
ҳукумати ноҳияи Тоҷикобод, нарх, картошкапарварӣ, Тоҷикистон