Продажа яиц на рынке Мехргон

“Тоҷикстандарт”: хабари манъи воридоти тухми мурғ ва маҳсулоти қаннодӣ овоза мебошад

151
(Таҷдидшуда 14:18 30.01.2020)
Ожонсии «Тоҷикстандарт» маълумот дар бораи гӯё манъ шудани воридоти тухми мурғ ва шириноҳо аз Узбекистон ба Тоҷикистонро рад кард. 1-2 кило қанду шириние, ки аз Узбакистон ба Тоҷикистон ворид мешавад аз санҷиш гузаронида намешавад

ДУШАНБЕ, 23 июл — Sputnik. Тоҷикистон воридоти тухми мурғ ва маҳсулоти қаннодиро аз Узбакистон манъ накардааст, гуфт Қудрат Давлатзода раиси Ожонсии "Тоҷикстнадарт" зимни нишасти матбуотӣ.

Вай гуфт, манъи воридоти тухм ва маҳсулоти қанодӣ ба Тоҷикистон асос надорад.

"Ин хабарҳо ҳамааш овоза ҳаст, мо 1-2 кило маҳсулоти қаннодиро, ки шаҳрвандон аз кишвари ҳамсоя бо худ меоранд аз санҷиш намегузаронем ва вориди онро манъ накардаем. Ҳеҷ маҳдудият вуҷуд надорад. Тоҷикистон сертификати маҳсулотро танҳо дар доираи шартномаи воридотӣ медиҳад. Ин масаларо мо бо ҳамтоёни узбаки худ баррасӣ карда будем", — таъкид кард Давлатзода.

Вай инчунин таъкид кард, ки дар нимсолаи соли ҷорӣ дар Тоҷикистон беш аз 1,1 млн. кило маҳсулоти ғизоӣ, ки мутобиқи стандарт ҷавобгӯ нест, ошкор шудааст.

Лозим ба ёдоварист, ки қаблан баъзе аз расонаҳои хабарӣ, иттилоъ дода буданд, ки Тоҷикистон воридоти тухми мурғ ба мӯҳлати номуайян, манъ кардааст. чораи мазкур гӯё ба сабаби шикоятҳо сурат мардум гирифтааст. Гӯё мардум шикоят карданд, ки сифати маҳсулоти воридоти аз кишварҳои ҳамсоя паст мебошад.

 

151
Барчаспҳо:
сертификат, стандарт, Узбакистон, сарҳад, тухми мурғ, воридот, Тоҷикистон
Қурбон Ҳакимзода, раиси вилояти Хатлон, ҳангоми хонасозӣ барои зарардидагон дар ноҳияи Хуросон

Дар Чорбоғи Хуросон барои осебдидагон чӣ корҳо анҷом дода шудаанд - акс

64
(Таҷдидшуда 20:40 07.07.2020)
Мақомоти вилояти Хатлон дар бораи ҷараёни сохтмони манзил барои осебдидагон аз офати табиӣ дар ноҳияи Хуросон гузориш дода, аксҳоро нашр намуданд

ДУШАНБЕ, 7 июл — Sputnik. Котиботи ҳукумати Хатлон зикр кард, ки дар натиҷаи селбориши рӯзҳои 14-16 майи соли ҷорӣ дар ҷамоати деҳоти ба номи Садриддин Айнии ноҳияи Хуросон 67 манзили зист пурра ва қисман хароб шуда буд.

Манбаъ зикр кард, ки барои ҳамаи оилаҳои зарардида аз маҳалли бехавф 8-садякӣ қитъаи замин барои сохтмони манзилҳои нав ихтисос дода шуд. Ба ҳамаи хонаводаҳо дар баробари маводи фаровони ғизоӣ, инчунин масолеҳи сохтмонӣ кумак расонида шуд.

Котиботи ҳукумати Хатлон гузориш додааст, ки то имрӯз дар маҳаллаи Чорбоғ чӣ корҳо ба анҷом расиданд.

Таъкид шудааст, ки аз 67 хонаи бунёдшаванда дар 66 хона бардоштани девор ба охир расид. Дар 60 хона бардоштани бом ва болопӯш оғоз карда шуда, аз ин дар 18 хона бардоштани бом ва болопӯш ба ба итмом расид.

Дар 10 хона корҳои андовакунӣ оғоз шуда, аз ин дар 6 хона корҳои андовакунӣ ба охир расид. Дар 16 хона корҳои фаршу шифтсозӣ идома дошта, дар 2 хона ин корҳо ба анҷом расид.

Манбаъ афзуд, ки таъмини ҳамаи 67 хона бо дару тиреза аз ҷониби мақомоти давлатӣ пешбинӣ гардида, то имрӯз 24 хона бо дару тиреза таъмин ва ҳамаи он насб карда шудааст.

64
Барчаспҳо:
хона, Тоҷикистон
Гипермаркет Ашан в Душанбе, архивное фото

Сигоркашӣ дар ҳоҷатхонаи занона: сабаби сӯхтор дар Ашан маълум шуд

1533
(Таҷдидшуда 21:59 07.07.2020)
Омили сар задани сӯхтор дар бузургтарин фурӯшгоҳи маркази пойтахт "Душанбе - Мол" маълум гардид. Маъмурияти фурӯшгоҳ мегӯяд, сигоре, ки дар ҳоҷатхонаи занона кашида шуд, вале пурра хомӯш нашуда буд, ба сӯхтор оварда расонд

ДУШАНБЕ, 7 июл — Sputnik. Сигоре, ки дар ҳоҷатхонаи занона пас аз дуд задан пурра хомӯш нашуда буд, ба оташсӯзӣ дар бузургтарин фурӯшгоҳи пойтахт "Душанбе - Мол" оварда расонд. Дар ин бора маъмурияти фурудгоҳ дар сафҳаи расмии худ дар Фейсбук хабар доданд.

"Сӯхтор ба иллати дар ҳоҷатхонаи занона дар ошёнаи сеюм хомӯш нагардидани сигор сар задааст", - гуфта мешавад дар сафҳаи расмии ин марказ дар Фейсбук.

Қайд гардидааст, ки кормандони маркази савдо фавран барои хомӯш кардани сӯхтор чораандешӣ намуданд. Аммо дуд тавонист тавассути вентилятсия то қабатҳои поён ва ҳатто то таваққуфгоҳ паҳн шавад.

Маъмурияти марказ таъкид намуданд, ки дар зудтарин фурсат "Душанбе - Мол" ба қабули муштариён шурӯъ мекунад.

1533
Барчаспҳо:
маркази савдо, сӯхтор