Намози иди Рамазон

Имкони дубора боз шудани масҷидҳои басташуда

1137
(Таҷдидшуда 15:47 25.07.2018)
Дар Тоҷикистон масҷидҳои басташуда имкон дорад, дубора дарҳои худро барои намозгузорон боз кунад

ДУШАНБЕ, 25 июл — Sputnik. Масҷидҳое, ки қаблан дар Тоҷикистон баста шуда буданд имкон дорад дубора дарҳои худро барои намозгузорон боз кунанд, эълон кард зимни нишасти матбуотӣ раиси кумитаи дин, танзими анъана ва ҷашну маросимҳои миллии Тоҷикистон Сулаймон Давлатзода.

Ба гуфтаи вай, Кумита барои баррасии ин масъала комиссияи байни идоравӣ таъсис додааст.

Давлатзода афзуд, ки гурӯҳи кории байни идоравӣ дар бораи дубора боз намудани масҷидҳои басташуда талош хоҳад кард.

"Маҳалаҳое ҳаст, ки дар онҷо 2 ё 3 масҷид ба қайд гирифта шудааст, аммо маҳала ва деҳаҳое низ мавҷуд аст, ки дар онҷо ҳеҷ масҷиде вуҷуд надорад. Гурӯҳи корӣ ҳамаи паҳлӯи масъаларо дақиқ меомӯзад. Танҳо пас аз анҷом ёфтани омӯзиши масъала, чораҳои зарурӣ андешида мешавад.",- таъкид кард Давлатзода.

Вай гуфт, ки дар басташудани масҷидҳо худи масъулони ҷамъиятҳои динӣ гунаҳгор мебошанд.

"Вақте, ки қонуни нав қабул шуд, ҳамаи ҷамъиятҳои динӣ бояд аз нав сабти ном мешуданд, аммо ба далели бе аҳмиятияшон корро анҷом наёфт ва боиси баста шудани баъзе аз масҷидҳо шуд", —гуфт раси кумитаи дини Тоҷикистон Сулймон Давлатзода. 

1137
Барчаспҳо:
баррасӣ, кумитаи дин, дин, баста, масҷид, Тоҷикистон
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

6
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

6
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
Девушка в наручниках, архивное фото

Занакҷанг: боздошти се зан барои латукӯби Саодати 23 сола соати 4-и субҳ-видео

107
(Таҷдидшуда 11:07 08.08.2020)
Мақомоти пулиси пойтахт аз боздошти се зан хабар медиҳад, ки дар ташкили занозании гуруҳӣ ва латукӯби ҷавонзани дигар муттаҳам мешаванд

ДУШАНБЕ, 8 авг — Sputnik. Бино ба иттилои сомонаи расмии РВКД Душанбе  боздошти занон дар пайи таҳқиқи навори дар шабакаҳои интернетӣ санаи 6 август паҳншуда сурат гирифтааст.

Манбаъ мегӯяд, дар навор лаҳзаи латукӯби як нафар ҷавонзан аз ҷониби гуруҳи 5-6 нафараи занон инъикос гардида, гуруҳи занони авбош бар замми он, ки ҷабрдидаро латукуб намуда истодаанд, боз аз дашному ҳақоратҳои қабеҳ истифода намуда, тартиботи ҷамъиятиро дар вақти шабона дағалона вайрон ва оромии сикононро халадор намудаанд.

Ин ниҳод гуфтааст, дар пайи баррасии навор Шаҳноза Ҳакимова, сокини 30-солаи ноҳияи Мӯъминобод, ки қаблан бо ҷурми дуздӣ маҳкум шуда буд, Дилбар Шарипова, сокини 33-солаи шаҳри Кӯлоб ва сокини шаҳри Ҳисор Садафмо Холоваи 29-сола боздошт шудаанд.

Гуфта мешавад, дар натиҷаи санҷиш муайян карда шуд, ки санаи 6 август тахминан соатҳои 4 ба 5-и саҳарӣ нафарони дастгиршуда ҳангоми қарор доштан дар кӯчаи Неъмат Қарабоев бо маслиҳати пешакӣ аз ҳиссиёти авбошӣ ва бадбинӣ нисбат ба шаҳрванд Назирова Саодат Рустамовна 23 сола, зода ва сокини шаҳри Душанберо дар ҳайати гуруҳӣ ва ба таври ваҳшиёна мавриди латукуби шадид қарор дода, тартиботи ҷамъиятиро дағалона вайрон намудаанд. 

Манбаъ мегӯяд, нисбат ба се тани боздоштшуда парвандаи ҷиноӣ оғоз шуда, ҳамзамон ду тани дигар дар ҳолати бозпурсиянд ва гар дар ин ҳодиса шарикияшон исбот шавад, онҳо низ ба ҷавобгарӣ кашида мешаванд.

107