Дор, акс аз бойгонӣ

Падар духтарашро ба худкушӣ расонд: боздошти марди 39-сола дар Истаравшан

750
(Таҷдидшуда 11:07 27.07.2018)
Кормандони ВУД Тоҷикистон марди 39 сола сокини деҳаи Ҷарқурғони ноҳияи Истаравшанро дастгир карданд, ки ба худкушӣ расонидани духтари 14-солааш айбдор мешавад

ДУШАНБЕ, 27 июл — Sputnik. Бино ба иттилои Вазорати умури дохилаи Тоҷикистон, аз ҷониби кормандони пулис марди 39-солаи сокини деҳаи Ҷарқурғони ноҳияи Истаравшан дастгирт шуд, ки духтари 14-солаашро ба худкушӣ расонидааст.

Манбаъ иттилоъ медиҳад, ки номбурда аз аввали моҳи майи соли 2017 то моҳи июли соли 2018 мунтаззам нисбати фарзанди ноболиғаш, духтарчаи 14-сола, хонандаи синфи 7, муносибатҳои бераҳмона намуда, шаъну шарафашро дар назди аҳли оила ва ҳамсоягонаш паст мезадааст.

Манбаъ таъкид кардааст, ки вай духтари ноболиғашро таҳдиди лату кӯб карда ба иҷрои корҳои вазнини хоҷагӣ маҷбур мекардааст, ки дар натиҷа ноболиғ дар дохили хонаи истиқоматишон худро дор кашида ба ҳалокат расидааст.

ВУД вобаста ба ин ҳодиса парвандаи ҷиноятӣ оғоз карда тафтишот идома дорад.

750
Барчаспҳо:
худкушӣ, духтар, Истаравшан, ноболиғ, Тоҷикистон
Золото

Геологияи тоҷик гуфт, сокининон дар чанд минтақа метавонанд тилло шӯянд

43
(Таҷдидшуда 10:51 15.07.2020)
Саридораи геологияи Тоҷикистон мегӯяд, бо дастури ҳукумат минтақаҳои тиллошӯиро барои фаъолияти фардӣ дар кишвар қитъабандӣ кардаанд

ДУШАНБЕ, 15 июл – Sputnik. Оймаҳмадзода Илҳомҷон, роҳбари Саридораи геологияи тоҷик имрӯз зимни як нишасти хабарӣ  гуфт, то имрӯз дар кишвар 145 қитъаро муаян кардаанд, ки сокинон метавонанд дар он ҷой тилло шӯянд.

Ба иттилои манбаъ,  ин минтақаҳоро  дар ҳудуди 900 киллометир дар шаҳру навоҳии Айнӣ, Бохтар, Ванҷ, Дарвоз, Дӯстӣ, Лахш, Масчоҳи кӯҳӣ, Муминобод ва Мурғоб ҷудо кардаанд.

Манбаъ водии Зарафшонро мисол оварда гуфт,  дар ин минтақа 31 қитқи тиллошӯӣ муаян шудааст, ки 8 то дар Масҷоҳи кӯҳӣ, 13 то дар Айнӣ ва 8 қитъа дар Панҷакент мебошад.

Номбурда гуфт, шаҳрвандон баъди иҷозатномаи Вазорати молия метавонанд озодона ба тиллошӯйӣ дар ин минтақаҳо машғул шаванд.

Ӯ гуфт, барои фаъолияти фардии тиллошӯйӣ баъзе талаботҳо ҳаст, ки яке аз он техникаи истифодашаван набояд аз 50 қувваи асп зиёд набошад.

Қаблан Файзиддин Қаҳҳорзода, вазири молияи Тоҷикистон дар нишасти расонаӣ гуфт, ки тарҳи ироаи иҷоза ба шаҳрвандон бобати истихроҷи тилло ва дигар фулӯзоти қиматбаҳо бо ибтикори раисҷумҳури кишвар таҳия шуда, ба шаҳрвандон ҳуқуқи истихроҷи мустақилли тиллоро хоҳад дод. Барои ин шаҳрвандонро мебояд танҳо аз вазорати молия иҷоза дарёфт кунанд.

Номбурда гуфт, бар асоси ин тарҳ, шаҳрвандон дар ҷойҳое, ки дар ихтиёри ягон ширкат нест, тилло истихроҷ хоҳанд кард.

Шаҳрвандон тиллои тавлидшударо озодона ба ниҳодҳои молии кишвар хоҳанд фурӯхт ва ин ниҳодҳо нархи хариди тилло аз шаҳрвандонро таъин хоҳанд кард.

 

 

 

43
Боковой судья, архивное фото

Ҷазои тими “Саройкамар” аз суи ФФТ: ба ҷойи се бозигар чо нафарро иваз кар

27
Кумитаи назорат ва одоби Федератсияи Футболи Тоҷикистон тими “Саройкамар”-ро барои вайрон кардани қоидаи бозӣ дар вохурии пешакии Ҷоми футболи Тоҷикистон ҷазо додааст

ДУШАНБЕ, 15 июл – Sputnik. Тибқи иттилои дафтари матбуотии Федератсияи футболи кишвар масъулони тими “Саройкамар”  дар рақобат бо “Панҷшер” ба ҷойи се бозигар чор нафарро иваз кардаанд.

Ба иттилои манбаъ, ин дар ҳолест ки дар ҳар бозӣ барои ивази се бозигар танҳо иҷозат дода шудааст.

Бозии мазкур 7 июл доир гашта бо ҳисоби 2:1 ба фоидаи “Саройкамар”   хотима ёфта буд.

Тибқи қарори ниҳоии Кумитаи одоби ФФТ тими “Саройкамар”  ба таври техникӣ маълуб ҳисобида шуда, натиҷаи бозӣ бо ҳисоби 0:3 ба фоидаи “Панҷшер” ҳал шуд.

Илова бар ин, Кумитаи интизомии ФФТ аз шӯъбаи доварони Федератсия дархост кард, ки нисбати намояндагони расмии бозӣ - дастаи ҳакамон ва нозирони ин вохӯрӣ барои хунукназарӣ нисбат ба кор  ҷазои сахтро татбиқ кунанд.

27