Рамазон Раҳимзода, вазири умури дохилии Тоҷикистон, акс аз бойгонӣ

Вазир ҳамлаи мусаллаҳона ба сайёҳон дар Данғараро тасдиқ кард

4503
(Таҷдидшуда 13:14 30.07.2018)
Рамазон Раҳимзода, вазири умури дохилии Тоҷикистон мегӯяд, сайёҳон дар Данғара баъди садамаи нақлиётӣ мавриди ҳамла қарор гирифтаанд

ДУШАНБЕ, 30 июл — Sputnik. Раҳимзода имрӯз, 30 июл зимни нишасти матбуотӣ дар Душанбе ин фоҷиаро бисёр нанговар хонда, изҳор дошт, ки баъди зер кардани сайёҳон афроди дохили мошин бо корд ба ҷабрдидаҳо ҳамла кардаанд.

"Ин бисёр ҷинояти нанговар аст. Се нафар гумонбар ҳоло дар фирор қарор доранд. Гурӯҳи махсус кор карда истодааст, тамоми фарзияҳоро санҷида истодаем" — гуфт Раҳимзода.

Ба гуфтаи вазир ин гуруҳи муттаҳам силоҳи оташфишон низ доштаанд ва нисбати сайёҳон низ аз корду силоҳ кор бурдаанд. Ӯ таъкид намуд, ки ин ҳолатҳо ба қайд гирифта шудаанд ва феълан дар баррасии додситонӣ қарор дорад. Тамоми фарзияҳо, аз садама то амали террористӣ ва куштор таҳқиқ хоҳанд шуд ва санҷиш асли қазияро муайян мекунад.

Вазири умури дохилӣ инчунин аксҳои се муттаҳами фирориро пешниҳоди ВАО кард, ки ба зудӣ дар ин сафҳа нашр хоҳанд шуд. Раҳимзода инчунин хабари қаблии ВУД-ро дар бораи кушта шудани ду муттаҳам рад карда, изҳор дошт, ки танҳо як нафар кушта шуд.

Қаблан Вазорати умури дохилии Тоҷикистон аз кушта шудани ду нафар ва боздошти 4 узви гурӯҳи муттаҳам дар марги 4 сайёҳи хориҷӣ дар ноҳияи Данғара хабар дод

Тибқи иттилои дафтари матбуоти Вазорати умури дохилӣ аз рӯи нишондоди дастгиршуда Адбусамадов Ҳ.А., сокини шаҳри Душанбе, боз ду сокини шаҳри Кӯлоб ва як сокини ноҳияи Ҷайҳун ҳамчун гумонбар ба алоқамандии ин гурӯҳ дастгир шудаанд.

Манбаъ афзуд, ки чораҳои оперативӣ-ҷустуҷӯӣ барои дастгир намудани аъзои гурӯҳ идома дорад.

Дар ҳамин ҳол сафорати ИМА дар Тоҷикистон бо нашри як изҳорот ҳалокати ду велосипедрони амрикоиро дар Данғара тасдиқ карда, афзудааст, ки феълан ҷузъиёти бештари қазияро ироа карда наметавонад.

Сафорат бо изҳори ҳамдардӣ ба наздикони ҳалокшудагон таъкид намудааст, ки бо мақомоти тоҷик барои таҳқиқи ин қазия ҳамкорӣ хоҳад кард.

Тибқи иттилои дафтари матбуоти Вазорати умури дохилии Тоҷикистон,  29 июли соли 2018, соати 15.30 дар ҷамоати Себистони Данғара, мошини  "Леганза", ки ба Ҷаъфариддин Юсупов, сокини 21-солаи шаҳри Норак тааллуқ дорад,  7 велосипедрони хориҷиро зер кардааст.  Дар натиҷа 4 сайёҳ ба ҳалокат расида, се нафари дигар ҷароҳат бардоштаанд.

Ду сайёҳи ҳалокшудаи дигар шаҳрвандони Швейтсария ва Ҳоланд мебошанд.

Ба иттилои ВУД, ронанда ва се ҳамроҳаш аз ҷои ҳодиса фирор кардаанд. Дар пайи амалиёт муттаҳамон  ва мошинашон  дар деҳаи Торбулоқи ҷамоати Лоҳури ноҳияи Данғара пайдо карда шудаанд.

Мақомоти Тоҷикистон мегӯянд, дар деҳаи Торбулоқ 1 нафар дастгир ва 2 нафар ҳангоми муқобилият намудан ба маъмурин нобуд карда шуданд.

"Барои дастгир намудани дигар шарикони ҷинояткор чораҳо андешида шуда истодааст", — омадааст дар иттилоияи ВУД.

ВУД дар лаҳзаҳои аввали фоҷиа изҳор дошт, ки фарзияи аввал садамаи нақлиётӣ мебошад ва ҳолатҳои дигарро низ таҳқиқ хоҳанд кард.

4503
Барчаспҳо:
сайёҳи, садама, ҳалокат, Тоҷикистон
Мавзуҳо:
Фоҷеаи садама ва куштори гардишгарон дар Данғара (8)

Ҷашнҳои рӯзи 26 октябр дар Тоҷикистон ва ҷаҳон

4
(Таҷдидшуда 22:20 25.10.2020)
Рӯзи 26 октябр рӯзи пайдоиши футбол (1863) буда, рӯзи миллии Озарбойҷон мебошад. Дар ин рӯз ҳунармандони халқии Тоҷикистон Давлатманд Холов ва Мастона Эргашева ба дунё омадаанд

Рӯзи 26 октябр дар ҷаҳон чӣ рух дод

Соли 1861 олими немис Филипп Рейс дар Франкфурт ихтирои худро ба намоиш гузошт ва минбаъд онро телефон номид.

 

Телефон в центре управления остановленного третьего реактора на Чернобыльской атомной электростанции
© REUTERS / Gleb Garanich
Телефон в центре управления остановленного третьего реактора на Чернобыльской атомной электростанции

 

Соли 1863 дар шаҳри Лондон Ассотсиатсияи футболи Англия таъсис дода шуд.Соли 1900 дар Ню-Йорк аввалин хатти метрополитен кушода шуд.

 

Стадион Уэмбли в Лондоне
© Sputnik / Антон Денисов
Стадион "Уэмбли" в Лондоне

 

Соли 1932 Иосиф Сталин нависандагонро "муҳандисони қалби инсонҳо" унвон кард.Соли 1956 Агентии байналхалқӣ оид ба энергияи атомӣ таъсис ёфт.

 

Иосиф Виссарионович Сталин (Джугашвили), Генеральный секретарь ЦК ВКП (б)
© Sputnik / РИА Новости
Иосиф Виссарионович Сталин (Джугашвили), Генеральный секретарь ЦК ВКП (б)

 

Соли 1978 Созмони ҷаҳонии тандурустӣ эълон дошт, ки барангезандаи бемории нағзак (оспа) дар табиат маҳв карда шуд.

Соли 1990 Шон Шеннони канадагӣ барои дар 26 сония хондани монологи Гамлет «Будан ё набудан» рекорди ҷаҳонӣ гузошт.

© Sputnik / Стас Этвеш / Вишнякова Мария

Соли 2015 дар натиҷаи заминҷунбии 7,5-балла дар Афғонистон ва Покистон беш аз садҳо нафар ҷони худро аз даст доданд.

Рӯзи 26 октябр дар Тоҷикистон чӣ рух дод

Соли 2009 Президенти Ҷумҳурии Тоҷикистон Эмомалӣ Раҳмон Фармондеҳи вақти Қувваҳои марказии Иёлоти Муттаҳидаи Америка  Дэвид Петреусро ба ҳузур пазируфт.

Соли 2011 Клуби футболи "Регар-ТадАЗ" — и шаҳри Турсунзада  барандаи Ҷоми футболи Тоҷикистон дар соли 2011 гардид.Соли 2011 Эмомалӣ Раҳмон бо муовини аввали раисҷумҳури вақти Ҷумҳурии Исломии Афғонистон маршал Муҳаммад Қасим Фаҳимхон масоили кунанӣ ва дурнамои рушди муносибатҳои дуҷонибаро баррасӣ намуд.

Ҷашнҳои рӯзи 23 октябр дар Тоҷикистон ва ҷаҳон

Соли 2016 дар Қасри миллат Раҳмон Мушовири Девони Амири Давлати Кувайт, Раиси Фонди байналмилалии хайрияи исломӣ, Намояндаи Дабири Кулли Созмони Милали Муттаҳид оид ба корҳои башардӯстӣ доктор Абдуллоҳ Маътуқ ал — Маътуқро ба ҳузур пазируфт.

Ҷашнҳои рӯзи 26 октябр

Рӯзи пайдоиши футбол (1863).
Рӯзи миллии Озарбойҷон.

Рӯзи 26 октябр дар Тоҷикистон кӣ ба дунё омадааст

Соли 1945 – доктори илмҳои иқтисодӣ профессор Ҳоҷимуҳаммад Умаров.

Соли 1945 – Ҳунарпешаи шоистаи театри лӯхтаки Тоҷикистон Зафар Ҷаводов

Соли 1950 – ҳунарманди халқии Тоҷикистон Давлатманд Холов.

Народный артист Таджикистана, исполнитель фалака Давлатманд Холов
Amir Isaev
Народный артист Таджикистана, исполнитель фалака Давлатманд Холов


Соли 1952 – Ҳунарманди халқии Мастона Эргашева.

Соли 1953 – композитор Борис Пиговат.

Соли 1978 – журналист Олга Тутубалина.

4
Барчаспҳо:
ҷаҳон, ҷашн, Тоҷикистон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

613
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

613
Барчаспҳо:
тирпаронӣ, марз, Тоҷикистон