Генеральная прокуратура РТ, архивное фото

Додситонии кулли Тоҷикистон ҳодисаи ҳамла ба сайёҳонро тавзеҳ дод

579
(Таҷдидшуда 11:24 01.08.2018)
Нисбати ҳодисаи мазкур бо аломати тероризм ва одамкушӣ парвандаи ҷиноӣ оғоз гардида, тафтишот таҳти роҳбарии бевоситаи додситони кулли Тоҷикистон Юсуф Раҳмон идома дорад

ДУШАНБЕ, 1 авг — Sputnik. Додситонии кулли Тоҷикистон рӯзи 31-уми июл бо интишори хабаре  дар вебгоҳаш ҳодисаи куштори гардишгаронро дар Данғара тавзеҳ дод.

Бино бар иттилои манбаъ, се ҳамлагар  пас аз пахш намудани сайёҳон  аз мошин берун омада, бо мақсади куштан  бо корду табар ба узвҳои ҳаётан муҳими сайёҳон ҷароҳатҳои вазнини ҷисмонӣ расонида, аз ҷои ҳодиса ғайб заданд.

"Дар натиҷа 4 нафар шаҳрвандони хориҷӣ, аз ҷумла шаҳрвандони ИМА ва Швейтсария  дар ҷойи ҳодиса ба ҳалокат расида, 2 нафари дигар шаҳрвандони — Нидерландия  ва Швейтсария  дар ҳолати вазнин ба беморхонаи ноҳияи Данғара бистарӣ карда шудаанд", — менависад манбаъ.

Кормандони мақомоти ҳифзи ҳуқуқ ба ҷойи ҳодиса таъҷилан ҳозир шуда, аз рӯйи ҳодиса бо аломатҳои терроризм ва одамкушӣ парвандаи ҷиноятӣ оғоз карда, ҷиҳати ошкоркунии ҷиноят ва дастгир кардани ҷинояткорон амалиётҳои таъхирнопазири тафтишотӣ-оперативиро ба роҳ монданд.

Манбаъ меафзояд, ҳангоми кофтукови ҷинояткорон бо ёрии сокинони ноҳия автомашинаи дар содиркунии ҷиноят истифодагардида дар деҳаи Торбулоқи ноҳия дарёфт карда шуд. Баъдан ҷинояткор Абдусамадов Ҳусейн Абдусамадович дастгир карда шуда, ҷинояткори дигар Юсупов Аслиддин Садриддинович бинобар нишон додани муқобилият безарар гардонида шуд.

"Дар вақти азназаргузаронии ҷойи ҳодиса ва автомашина далелҳои шайъӣ, ба монанди корд ва табари хунолуд, як телефони дастӣ, 2 борхалта, пойафзоли варзишӣ, 2 адад шиноснома ба номи Маҷидов Асомиддин ва Сафаров Зафарзода ва сокинони ноҳияи Панҷ дарёфт ва гирифта шуданд", — таъкид мекунад додситонӣ.

Ба иттилои додсионӣ, ҳангоми пурсиш дастгиршуда Абдусамадов Ҳ.А. тасдиқ кардааст, ки ӯ роҳбари дастаи террористӣ мебошад.

"Онҳо ин амалиёти террористиро бо супориши Қорӣ-Носир ном шахс — аъзои фаъоли ташкилоти экстремистӣ-террористии Ҳизби наҳзати ислом бо мақсади халалдор сохтани амнияти ҷамъиятию давлатии Тоҷикистон содир намудаанд. Пас аз содир намудани ҷиноят онҳо мақсад доштанд, ки ба воситаи ноҳияи Панҷ ба Афғонистон фирор намуда, бо гурӯҳҳои террористӣ пайваст шаванд", — менависад манбаъ.

Тафтишот муайян кардааст, ки фармоишгари ҷиноят Қорӣ-Носир ин Убайдов Носирхуҷа Аҳтамович мебошад, ки аз соли 1992 аъзои фаъоли ташкилоти экстремистӣ-террористии Ҳизби наҳзати ислом буда, аз соли 2015 дар кофтукови расмӣ қарор дорад.

Манбаъ дар анҷом таъкид кардааст, ки тафтишоти ҳодисаи мазкур  таҳти роҳбарии додситоним кулл  Юсуф Раҳмон идома дошта, амалиётҳои зарурии тафтишотӣ гузаронида шуда, ҳама ҷинояткорон дастгир карда шуданд.

Зимни тафтишот дигар ҳолатҳо, аз қабили акти террористӣ, куштор, садамаи нақлиётӣ, ғоратгарӣ ва роҳзанӣ  низ дида баромада мешаванд, афзудааст додситонӣ.

579
Барчаспҳо:
сайёҳон, куштор, Данғара, Тоҷикистон
Душанбе плаза

Таҷаммӯъи муштариёни “Тоҷпромбонк” дар назди бинои БМТ ва парлумон буд ё набуд?

0
(Таҷдидшуда 14:14 28.01.2021)
Расонаҳо хабар доданд, ки теъдоде аз муштариёни бонки варшикаст ва лағви муҷаввизшудаи “Тоҷпромбонк” бо таҷаммӯъ назди бинои Бонки миллӣ ва порлумони кишвар хостори бозгардондани пулҳои хеш шудаанд

ДУШАНБЕ, 28 янв – Sputnik.  Расонаҳо хабар доданд, ки муштариёни Тоҷпромбонк зимни таҷаммӯъ қайд карданд, ки якчанд ҳафта аст натавонистаанд бо раиси Бонки миллии Тоҷикистон дидор кунанд

Гуфта шудааст, ки муштариён аз соли 2016 наметавонанд маблағҳои ба амонат гузошта худро аз Тоҷпромбонк пас бигиранду акнун даст ба домани Бонки миллӣ ва порлумони Тоҷикистон шудаанд.

Таҷаммуӯъгарон эълон карданд, ки панҷ ҳафта аст мехоҳанд бо Ҳоким Холиқзода раиси ҷадиди Банки миллии Тоҷикистон дидор ва мушкили худро матраҳ кунанд. аммо муваффақ ба ин дидор нашуда ва ба сӯи порлумон рафтаанд.

Аммо манбаъ аз Бонки миллӣ хабар дод, ки касе дар назди бинои Бонки миллӣ таҷаммӯъе баргузор накардааст ва аз қазияи мазкур изҳори бехабарӣ карданд.

Дар ҳамин ҳол, сухангӯи парлумони Тоҷикистон Муҳамадато Султонов ба Sputnik Тоҷикистон гуфт, ки касе дар назди бинои парлумони кишвар таҷаммӯъ накардааст.

“Шояд таҷамӯъ ҷои дигаре баргузор шуда бошад, аммо ба назди парлумон барои таҷаммӯъ касе наомадааст”, - гуфт сухангӯи расмии парлумони кишвар.

Ёдрас мешавем, ки раиси Тоҷпромбонк  Ҷамшед Зиёев  моҳи декабри соли 2020 дар додгоҳи ноҳияи Синои шаҳри Душанбе ба иттиҳоми ихтилос, азхудкардани ғайриқонунии манобеи молӣ ва ихтисоси вомҳои калон ба наздиконаш ба 8 солу шаш моҳ зиндон маҳкуми шуд.

Мизони қарзи Тоҷпромбонк ба муштарён 59 миллион сомонӣ (муодили 5 миллиону 900 ҳазор доллар) аст, ки ҳар моҳ ба онон 400 сомонӣ пардохт мешавад.

Ҳукумати Тоҷикистон дар соли 2017 барои хуруҷи ин банк аз бӯҳрони 450 миллион сомонӣ ба унвони вом дар ихтиёри ин ниҳод қарор дод, аммо авзоъ тағйир накард ва муҷаввизи фаъолияти он бекор шуд.

Парвандаи раиси "Тоҷпромбонк" ба додгоҳ меравад

Бо вуҷуди ваъдаи масъулони Банки миллии Тоҷикистон дар мавриди фурӯши амволи Тоҷпромбонк ва пардохти қарзи муштарёни ин барнома то ба ҳол иҷроӣ нашудааст.

0
Барчаспҳо:
парлумон, хостор, таҷаммуъ, Бонки миллӣ, Тоҷикистон
Маъруфджон ва Солехахон Мансуровы

Беҳтар шуда буданд: даргузашти пайи ҳами зану шавҳар Маъруфҷон ва Солеҳахон аз коронавирус

178
(Таҷдидшуда 14:31 28.01.2021)
Манзили хонаводаи Мансуровҳо дар Конибодом чанд рӯз пайи ҳам ба мотамхона табдил ёфт - падару модари хонавода Маъруфҷон ва Солеҳахон якбора дар пайи сироятёбӣ аз коронавирус ҷон ба Ҷонофарид супурданд

ДУШАНБЕ, 28 янв – Sputnik. Зану шавҳаре аз Тоҷикистон қурбони бемории ҳамагири коронавирус шуданд. 

Маъруфҷони 72-сола ва Солеҳахони 68-сола, зодагони шаҳри Конибодом нобаҳангом зимни сафар ба Русия ба бемории КОВИД-19 гирифтор шудаву мутаассифона, табибон натавонистанд онҳоро наҷот диҳанд.

Хабари даргузашти нобаҳангоми зану шавҳар шоми дирӯз дар шабакаҳои иҷтимоӣ паҳн гардид, аммо далели даргузашти онҳоро касе шарҳ надод.

Ба Sputnik Тоҷикистон муяссар шуд, ки баъзе ҷузъиёти марги мармузи волидони хонаводаро ошкор кунад.

Ба қавли яке аз наздикони хонавода, Маъруфҷон ва Солеҳахон дар пайи сироятёбӣ аз коронавирус дар Русия даргузаштаву тобути онҳо ба Тоҷикистон интиқол ёфт ва дар Конибодом зану шавҳарро пайи ҳам ба қабр гузоштанд.

Онҳо ҳамагӣ ду моҳ пеш барои хабаргирии фарзандон ва таҷлили якҷояи соли нав ба Маскав сафар карда буданд.

Ба қавли манбаи Sputnik Тоҷикистон, охирҳои моҳи декабр Солеҳахон Мансурова зодрӯз дошт. Чанд рӯз пас аз ҷашни мавлуд маълум шудааст, ки зан ба коронавирус гирифтор шудааст.

"Ба ҷашни зодрӯз маъракаи ороста буданд. Шояд, маҳз дар ҳамон маърака бошад ба коронавирус сироят ёфтаанд, аллакай 27-уми декабр ташхиси коронавирус мусбат баромадааст", - гуфт вай.

Ба қавли наздики хонавода, сипас ташхиси падари хонавода низ мусбӣ баромад ва ҳарду пайи ҳам ба бемористон интиқол ёфтанд.

"Онҳо қариб тамоми моҳи январ дар шӯъбаи эҳёи бемористон буданд. Аммо мутаассифона ҳарду ҳам даргузаштанд", - гуфт бо изҳори таассуф ӯ.

Ба қавли манбаи Sputnik Тоҷикистон Солеҳахон Мансурова чанд рӯз пеш аз марг пас аз кома (беҳушӣ) ба худ омадаву худро беҳтар ҳис кардааст, аммо нобаҳангом даргузаштааст.

Мотам дар Донишгоҳи Хуҷанд: Масаид Шерматов, ихтироъкори маъруфи кишвар аз олам даргузашт

"Фарзандон чанд рӯз тобути модарро дар Маскав нигоҳ доштанд, то баъди каме беҳтар шудани падар ба Конибодом раванд".

Ба гуфтаи вай, вақте падари хонавода низ ба ҳуш омадаву каме худро беҳтар ҳис мекунад, фарзандон тобути модарро ба Конибодом мебаранд, аммо ҳамагӣ пас аз як рӯзи рафтанашон, мард ҳам якбора вазнин шуда, табибон натавонистаанд ӯро наҷот диҳанд.

Тоҷирони тоҷик тобути Маъруфҷон Мансуровро ба Конибодом бурдаву рӯзи гузашта пас аз ҳудудан се рӯзи ҷанозаи ҳамсараш, ӯ низ ба хок супурда шудааст.

"Шояд тақдир ва нону насиб гӯянд, ҳарду ҳам ба беҳтарин бемористонҳои Маскав хобонида шуда буданд ва духтурони маъруфи Русия табобати онҳоро ба дӯш гирифта буданду ба онҳо даст надод, ки наҷоташон диҳанд", - гуфт вай бо таассуф.

Маъракаи ҷаноза бо риояи қоидаҳои беҳдоштӣ доир гардидааст.

Хонаводаи Мансуровҳоро дар шаҳри Конибодом яке аз оилаҳои намунавӣ арзёбӣ мекунанд. Sputnik Тоҷикистон охири моҳи ноябр дар бораи даргузашти Мансурҷон Қосимови 103-сола, куҳансарбози Ҷанги бузурги Ватанӣ аз Конибодом ва падари марҳум Маъруфҷон Мансуров гузориш дода буд.

Ёдрас мешавем, ин даргузашти ду тоҷикистонӣ аз коронавирус дар ҳолест, ки тибқи омори Вазорати тандурустӣ ҳафтаи дувум аст, ки омори коронавирус дар кишвар ба сифр баробар аст. Новобаста аз ин, вазорат аз сокинон даъват меорад, ки барои пешгирии бемории ҳамагир чораҳои беҳдоштиро риоя кунанд.

178
Барчаспҳо:
вируси корона, Русия, Тоҷикистон, даргузашт