Место трагедии в Таджикистане где погибли иностранные туристы

Ҷавонмардии раиси гумруки Душанбе дар ҳодисаи хунини куштори сайёҳон дар Данғара

7416
(Таҷдидшуда 18:12 02.08.2018)
Манзараи мудҳише буд. Гирди сайёҳони маҷрӯҳу кушташуда одамони зиёде ҷамъ омада буданд. Касе ба ҷустуҷӯи мошин ин тарафу он тараф медавиду касе дар телефонаш ба навор мегирифт. Дар ҳамин вақт Хуршед Бозоров, ки аз ҷониби Данғара меомад, сайёҳони маҷрӯҳро ба мошинаш савор карда, ба бемористон бурд

ДУШАНБЕ, 2 авг — Sputnik. Зулфия Раҳматова ном корбари  Фейсбук дар саҳифааш ёддоште навишта, дар он аз ҳодисаи хунини Данғара нақл кардааст, ки тасодуфан шоҳид гашта буд.

Зулфия ёддошташро "Инсоне бо дили бузург" ном гузошта, дар он корнамоии Хуршед Бозоров- раиси Раёсати кумитаи гумрук дар шаҳри Душанберо васф кардааст. Ба гуфтаи вай, Хуршед Бозоров дар рӯзи ҳодиса ба зуддӣ ба кӯмаки гардишгарони маҷрӯҳ шитофт ва онҳоро бе чуну чаро фаврӣ ба бемористон бурд.

— Ҳамон рӯз,  мо аз назди хонаводаи Ҳувайдо аз Кӯлоб бармегаштем. Ҳангоми гузаштан аз шоҳроҳи Данғара ба ҳодисаи мудҳиш рӯ ба рӯ шудем.

Гирду атроф пур аз хун буд, одамон ба воҳима афтода, ин тарафу он тараф медавиданд. Касе манзараи мудҳишро бо телефон навор мегирифт, касе барои дарёфти мошин медавид, то ҷароҳатбардоштагонро ба бемористон барад.

Наздиктар рафта зани солхӯрдаеро  дидам, ки ба тахтапушташ ҷароҳат бардошта буд. Дар бари вай марди марҳуме мехуфт. Чуноне ки баъдтар маълум шуд, мард ҳамсари зан будааст.

Мо кӯшиш кардем, то муайян кунем, ки зан аз куҷост, то аз ҳодиса хабар диҳем, аммо зан аз ҳаяҷону шояд дард, моро намефаҳмид.

Ҳамсафари ман ба назди зан нишаста, кӯшиш кард, ки ба вай кӯмак расонад- ӯро аз замин бардорад, аммо зан дасти шавҳари марҳумашро сар намедод.

Ман аз мардон хоҳиш кардам, ки то расидани ёрии таъҷилӣ ҷабрдидаҳоро ба бемористон барад, аммо ихтиёрие пайдо намешуд.

Дар ҳамин ҳол, аз тарафи Данғара хударви "Ҷип"-и сафеде омада, дар ҷойи ҳодиса бозистод ва аз дохили он марде берун шуда, бе ягон сухани зиёдатӣ ҷароҳатбардоштагонро ба мошин бурда, роҳи бемористони Данғараро пеш гирифт.

Ӯ раиси Раёсати кумитаи гумрук дар шаҳри Душанбе Хуршед Бозоров  будааст.

Ба нафароне, ки дили кушод ва раҳмдил ҳастанд, эҳтироми зиёд дорам. Одамонеро, ки дар мотами дигарон бетараф нестанд, беҳтарин инсон медонам. Одамоне, ки дар лаҳзаҳои мушкил кӯмак мерасонанд, онҳо бебаҳоянд. Ман намедонам, ки Хуршед Бозоров  навиштаи манро мехонанд ё не, аммо ман барои иҷрои қарзи инсонӣ ва қаҳрамониашон раҳмат гуфтан мехоҳам.

Ташаккур, ки ба ҷароҳатбардоштагон кӯмаки худро дареғ надошт. Бигзор нафароне мисли Хуршед Бозор бештар шаванд. Гузаштагонро Худо раҳмат кунад.

    Ёдрас мешавем, дар пайи ҳамлаи хунин ба гардишгарон дар Данғара 4 тан кушта шуда, ду тан ҷароҳати вазнин бардоштанд.

Пештар дар бораи ду гардишгари кушташуда-шаҳрвандони Амрико маълумот дода будем. Онҳо зану шавҳар Ҷей Остин ва Лорен Гиогиген буданд, ки  пайваста дар вебгоҳи SIMPLY CYCLING аз сафарашон нақл мекарданд. Бахши Тоҷикистон дар ин вебгоҳ нотамом мондааст.

Сайёҳон дар тӯли як сол кишварҳои зиёде аз Африқои Ҷанубӣ то Аврупову Осиёро дидан карданд ва дар Тоҷикистон кушта шуданд. Ҷей ва Лорен дар блог дар бораи бештар аз 26 кишвар маълумот додаанд, ки ба он сафар доштанд. Аммо мутаассифона, Тоҷикистон нуқтаи охире дар харитаи сафари ин гардишгарон гашт.

7416
Барчаспҳо:
гардишгар, ҳамла, Данғара, Тоҷикистон
Люди в масках в городе

Эълони омори тозаи сироят, фавт ва шифоёбӣ аз коронавирус дар Тоҷикистон

541
(Таҷдидшуда 19:58 09.08.2020)
Вазорати тандурустии Тоҷикистон хабар медиҳад, ки дар як шабонарӯзи охир 45 нафар аз бемории коронавирус шифо ёфта, ба хонаҳояшон рухсат дода шуданд

ДУШАНБЕ, 9 авг — Sputnik. Вазорати тандурустии Тоҷикистон иттилоъ медиҳад, ки дар давоми 24 соати гузашта, 89 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Тибқи иттилои ин ниҳод, дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 7785 нафар баробар гардид.

"То санаи 9 август дар мамлакат 6573 (84,4%) нафар аз бемории COVID-19 шифо ёфта, бар асари он 62 нафар фавтидаанд", - омадааст дар хабарнома.

Вазорат ёдоварӣ карда, ки  Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намудаистодаанд.

Ин ниҳод даъват карда, ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

541
Барчаспҳо:
вируси нав, омор, Тоҷикистон, Вазорати тандурустӣ
Мавзуҳо:
Пайомадҳои COVID-19 дар Тоҷикистон ва ҷаҳон
Российской военно-транспортной авиации 89 лет

Андӯҳи маорифи Хуҷанд аз даргузашти мудири кӯдакистон аз беморӣ

1089
Даргузашти нобаҳангоми Маърифатхон Ризоева, мудири кӯдакистон аҳли маорифчиёни Хуҷандро андуҳгин намудааст. Ризоева субҳи 8 август бар асари бемории саратон дар бемористони Хуҷанд ҷон ба Ҳақ супурдааст

ДУШАНБЕ, 9 авг – Sputnik. Идораи маорифи шаҳри Хуҷанд аз даргузашти Маърифатхон Ризоева, мудири кӯдакистони № 37 ҳамдардии амиқи худро изҳор намуда ба аҳли пайвандони марҳум сабри ҷамил хостааст.

"Шуъбаи маорифи Мақомоти иҷроияи ҳокимияти давлатии шаҳри Хуҷанд аз марги нобаҳангоми бонуи равшанзамир, шахси наҷибу нексиришт, Аълочии маорифи Тоҷикистон Маърифатхон Ризоева сахт андуҳгин буда, ба аҳли байт ва пайвандони марҳум изҳори ҳамдардӣ намуда, аз даргоҳи Худованд барояшон сабри ҷамил мехоҳад”, - гуфта шудааст дар тасаллиятнома.

Бино ба иттилоъи манобеъи Sputnik Тоҷикистон, Маърифатхон Ризоева ҳамагӣ 47 сол (1937 таваллуд шудааст) дошта, баъд аз хатми мактаби миёна дар Коллеҷи омӯзгории Хуҷанд ва Донишкадаи иқтисодии Тоҷикистон таҳсил карда, дорои ихтисосҳои омӯзгори синфҳои ибтидоӣ, ҳуқуқшинос, равоншинос ва мутахассиси муассисаҳои томактабӣ гардидааст.

"Руҳат шод бод, бародари азиз": таассуфи Шабнами Сурайё аз даргузашти Баҳром Ғафурӣ -навор

Фаъолияти кории худро дар кӯдакистони №33 и Хуҷанд оғоз намуда, баъдан ба ҳайси мушовири муассисаҳои томактабии шуъбаи маориф, мудири кӯдакистонҳои №7 ва 37 идома додааст.

67 – сола: даргузашти Мирзобек Каримов, собиқ сардори БДА – и Душанбе ва Суғд

Бар пояи иттилоъи Идораи маорифи Хуҷанд ӯ барои саҳми назаррас дар раванди таълиму тарбияи насли наврас борҳо бо ҷоизаҳо аз ҷумла бо унвони “Аълочии маорифи Тоҷикистон” қадршиносӣ гардидааст.

1089
Барчаспҳо:
даргузашт, ҳамдардӣ, Хуҷанд

Бомбандози Су-27 ду ҳавопаймои ҷосусии Амрикоро забт кард - видео

0
(Таҷдидшуда 18:56 09.08.2020)
Бомбандози Русия СУ-27 ду ҳавопаймои ҷосусии Амрикоро дар манотиқи бетарафи Баҳри Сиёҳ, забт кард. Низомиёни Амрикоро Қувваҳои дифоъи ҳавоии Русия ошкор карданд ва ба ҳаво бархостанд

"Экипажи бомбандози Русия оҳиста -оҳиста ба ҳавопаймо наздик шуда, онҳоро чун ҳавопаймои ҷосусии - RC-135 ва Р 8А "Посейдон" муайян кард. Нақзи марзи давлатии Федератсияи Русия аз ҷониби ҳавопаймоҳои ҷосусии Амрико иҷозат дода намешавад", - гуфт Вазорати дифоъи Русия.

Ин дуюмин қазияи ҳавоӣ дар масири Баҳри Сиёҳ мебошад. Бори аввал СУ-27 - RC-135 ва Р 8А "Посейдон" - ро ҳафтае пеш забт карда буд. Иғвогарӣ дар сарҳади Русия ҳамоно бештар мешавад.

Миёнаҳои моҳи июл бомбандозони Русия аз болои Баҳри Сиёҳ ду ҳавопаймои ҷосусӣ - боз ҳам ҳамон - Р 8А "Пасейдон" ва U-2S забт карданд.

Моҳи июн Қувваҳои ҳавоии Русия бомбандозони ИМА B-52H-ро забт карда буданд. Онҳоро ҳавопаймоҳои Су-30, Су-35 ва МиГ-31 ҳамроҳӣ карданд.

Моҳи май халабонони Русия бомбандози ИМА B-1B - ро дар масири Баҳрҳои Сиёҳ ва Балтик забт карда буданд.

Пас аз ҳар амали иғвогарона амрикоиҳо Русияро бидуни ҳеҷ далел, дар рафтори ношоям гунаҳкор мекунанд.

Вазорати дифоъи Русия ин айбдориро беасос мехонанд ва қайд мекунанд, ки доим тибқи меъёрҳои байналмилалӣ амал менамоянд.

Ин амалҳои иғвогарона авзоъи минтақаро муташанниҷ мегардонад. Вале бад шудани вазъият ва натиҷаҳои бебозгаштро танҳо бо касбияти халабонони Русия мешавад бартараф кард.

 

 

 

 

 

 

 

 

0
Барчаспҳо:
халабон, ҳавопаймо, Русия