Ширкати Тоҷик Эйр, акс аз бойгонӣ

“Тоҷик Эйр” нархи чипта ба Самарқандро ду баробар арзон кард

202
(Таҷдидшуда 20:10 03.08.2018)
Ширкати “Тоҷик Эйр” нархи чиптаи ҳамопаймо дар масири Душанбе - Самарқандро ду баробар коҳиш дод

ДУШАНБЕ, 3 авг — Sputnik. Тибқи иттилои дафтари матбуоти ширкати "Тоҷик Эйр",  нархи чиптаи парвоз дар самти Душанбе-Самарқанд 300 сомонӣ муқаррар шудааст.

"Парвоз дар хатсайри Душанбе-Самарқанд бо ҳавопаймои Boeing 737-300 сурат мегирад. Вақти парвоз аз Душанбе ба Самарқанд 35 дақиқаро ташкил дода, нархи чипта ҳамагӣ 300 сомонӣ муқаррар шудааст", — таъкид кардааст манбаъ.

Лозим ба ёдоварист, ки қаблан чиптаи ҳавопаймо барои хатсайри Душанбе-Самарқанд ба маблағи 650 сомонӣ фурӯхта мешуд. 

"Тоҷик Эйр" сабаби арзон кардани нархи чиптаро, иқдом ба муносибати соли сайёҳӣ эълон карда, изҳор доштааст, ки ҳадаф зиёд намудани рафтуомади сайёҳон мебошад.

 

202
Барчаспҳо:
хатсайр, Тоҷик Эйр, Самарқанд, Узбакистон, парвоз, Тоҷикистон