Дар кӯчаҳои Душанбе, акс аз бойгонӣ

Ҳушдори обуҳавошиносон: ҳарорати ҳаво боз ба 42 дараҷа мерасад

118
Имрӯз дар ҷумҳурӣ ҳаво камабри тағйирёбанда шуда, ҳарорат шабона муътадил боқӣ монда, рӯзона нисбат ба рӯзҳои қаблӣ то 2 дараҷа баланд гашта, дар бештари ноҳияҳо ба 42 дараҷа мерасад. Ин гуна вазъи обу ҳаво то 7 август идома хоҳад ёфт

ДУШАНБЕ, 6 авг — Sputnik. Тибқи иттилои Ожонсии обуҳавошиносии Тоҷикистон, имрӯз дар вилояти Суғд ҳаво қисман абрноки тағйирёбанда шуда, дар водиҳо шабона +19+24 ва рӯзона +36+41 дараҷа гарм мешавад.

Дар Вилояти Мухтори Кӯҳистони Бадахшон ҳавои камабри тағйирёбанда шуда, шабона +12+17 ва рӯзона +29+34 дараҷа гарм мешавад.

Дар вилояти Хатлон ҳавои софу беғубор пешгӯӣ шуда, ҳаво дар водиҳо шабона +20+25 ва рӯзона +37 + 42 дараҷа гарм хоҳад шуд.

Дар шаҳру ноҳияҳои тобеи марказ ҳаво тағйирёбандаи камабр гашта, шабона +15 +20 ва рӯзона +35+40 дараҷа гарм мешавад.

Имрӯз дар шаҳри Душанбе ҳаво софу беғубор шуда, шабона +16+18 ва рӯзона +38+40 дараҷа гарм мешавад.

 

118
Барчаспҳо:
Душанбе, абрнок, тағйирёбанда, гармӣ, обу ҳаво, Тоҷикистон