Оташнишонӣ, акс аз бойгонӣ

Сӯхтор дар Суғд: анборҳои бозори масолеҳи сохтмонӣ ба коми оташ рафт

112
(Таҷдидшуда 14:23 07.08.2018)
Имрӯз дар амборҳои бузурги масолеҳи сохтмонии ноҳияи Бобоҷон Ғафуров сӯхтор сар зад

ДУШАНБЕ, 7 авг — Sputnik. Бино ба иттилои Хадамоти давлатии оташнишонии вилояти Суғд, 6 анбори нигаҳдории масолеҳи сохтмонии назди бозори Ваҳдат ба коми оташ фуру рафт.

Ба гуфтаи манбаъ, масоҳати умумии сухтор 900 метри мураббаъро ташкил медиҳад.

"Тақрибан соати шаши саҳар посбони анборҳо занг зада хабар дод, ки дар анборҳо сӯхтор сар задааст. Барои сухторхомушкунӣ 10 мошин ва дигар нақлиёти ёрирасон ҷалб карда шуд. Дар натиҷа дар давоми 1 соату 10 дақиқа оташ пурра хомуш карда шуд", — гуфт манбаъ.

Манбаъ афзуд, ки дар ҳоли ҳозир мутахассисон сабаби сар задани сӯхторро баррасӣ карда, хисороти расидаро ҳисобу китоб доранд.

112
Барчаспҳо:
оташнишонӣ, сӯхтор, Суғд, бозор, анбор, Тоҷикистон