Низом Косим,Раиси иттифоқи нависандагони Тоҷикистон

Тасмими имзои Ёддошти тафоҳум миёни адибони тоҷику узбак

82
(Таҷдидшуда 17:27 07.08.2018)
Дар доираи баргузории конфронси байналмилалии “Омӯзиши адабиёти классикӣ ва муосири узбек дар сатҳи байналмилалӣ ва маъруфияти он”, ки рӯзҳои 7-8 август дар шаҳри Тошканд баргузор мегардад, байни Иттифоқи нависандагони Тоҷикистон ва Узбакистон Ёддошти тафоҳум оид ба ҳамкорӣ ба имзо мерасад

ДУШАНБЕ, 7 авг — Sputnik. Байни иттифоқи нависандагони Тоҷикистон ва Узбакистон дар заминаи ҳамкорӣ Ёддошти тафоҳум ба имзо хоҳад расид, иттилоъ додааст Итифоқи нависандагони Узбакистон.

конфронси байналмилалии "Омӯзиши адабиёти классикӣ ва муосири узбек дар сатҳи байналмилалӣ ва маъруфияти он", ки рӯзҳои 7-8 август дар шаҳри Тошканд баргузор мегардад, беш аз 40 шоиру нависанда ва адабиётшиноси 25 кишвари дунё иштирок хоҳад кард.

Тоҷикистонро дар ин конфронс Низом Қосим раиси Иттифоқи нависандагони Тоҷикистон, Шоири халқии Тоҷикистон муарифӣ мекунад.

82
Барчаспҳо:
Низом Қосим, адибон, Шоира, Узбакистон, ҳамкорӣ, Тоҷикистон, Тоҷикистон
Президент Республики Таджикистан Эмомали Рахмон в кукурузном поле

Президент деҳқонони тоҷикро ба як сол аз андоз озод кард

11
Раисҷумҳури Тоҷикистон Эмомалӣ Раҳмон ҳангоми ироаи паёми солона дар назди парлумони кишвар пешниҳод кард, ки кишоварзони кишвар ба як сол аз андоз озод шаванд

ДУШАНБЕ, 26 янв — Sputnik. Эмомалӣ Раҳмон тамоми кишоварзони Тоҷикистонро аз пардохти андози ягонаи замин барои як сол озод кард.

Президент аз мушкил омадани соли 2021 таъкид кард ва гуфт, дар саросари ҷаҳон дар ин сол нарасоии маводи озуқаворӣ ҳис хоҳад шуд.

Ӯ ёдрас шуд, ки пештар низ борҳо таъкид мекард, ки бояд соҳаи кишоварзӣ дар Тоҷикистон тақвият дода шавад.

Президент тавсиф кард, ки соли 2020 Тоҷикистон тавонист дар ин соҳа ба дастовардҳо ноил шавад. 

"Имсол ҳам бояд дар бахши кишоварзӣ заҳмати зиёде бояд кашид", - таъкид кард вай.

Ӯ ба Ҳукумати Тоҷикистон дастур дод, ки барои пӯшонидани ин қисми буҷаи давлат чора андешад, зеро ин маблағи каме нест.

COVID-19 ё пинҳонкорӣ: нақшаи андоз дар Суғд иҷро нашуд

Ба гуфтаи Эмомалӣ Раҳмон, ҳаҷми яксолаи ин навъи андоз 200 миллион сомониро ташкил медиҳад.

11
Барчаспҳо:
деҳқон, андоз, Эмомалӣ Раҳмон, Тоҷикистон
Машина скорой помощи в Таджикистане, архивное фото

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

63
(Таҷдидшуда 13:16 26.01.2021)
Вазорати умури дохилаи Тоҷикистон аз садамаи маргборе дар роҳи "Душанбе-Кӯлоб" хабар медиҳад, ки дар паи он як мусофир ҷон бохта се тани дигар бистарӣ гардиданд

ДУШАНБЕ, 26 январ - Sputnik. Бино ба гузориши Вазорати корҳои дохилӣ, ин ҳодисаи нохуш рӯзи 24-уми январ, тахминан соати 16:30, дар ҳудуди ноҳияи Данғара ба вуқӯъ пайвастааст.

Гуфта мешавад, ки ронандаи худрави "Тайота-Кемри", Раҳмонзода Фирдавс, сокини 36 - солаи Душанбе, ҳангоми ҳаракат аз самти шаҳри Кӯлоб ба самти шаҳри Душанбе аз уҳдаи идораи воситаи нақлиёт набаромада, ба автомашинаи тамғаи "Опел-Астра" бархӯрдааст.

ВУД қайд мекунад, ки худрави дуюм таҳти идораи Даминов Убайдулло, сокини 31 -солаи ҷамоати деҳоти Арали ноҳияи Восеъ будааст. 

"Дар натиҷа, мусофири автомашинаи тамғаи "Тайота-Кемри", Бобоёрова Ҷамолбӣ, сокини 61 - солаи шаҳри Душанбе, дар ҷойи ҳодиса ба ҳалокат расидааст", - омадааст дар хабарнома.

Ҳамчунин, ронандаи автомашинаи тамғаи "Опел-Астра", Даминов ва мусофирони ӯ Мирзоев Комилҷон, сокини 51 - солаи ҷамоати деҳоти Меҳнатободи ноҳияи Ҳамадонӣ ва ноболиғ Раҳмонзода Саидбилол, сокини 8 - солаи  Душанбе ҷароҳатҳои гуногуни ҷисмонӣ бардошта, дар беморхона бистарӣ карда шудаанд.

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

Манбаъ афзуда, ки аз рӯи ҳодисаи мазкур таҳқиқот идома дорад.

63
Барчаспҳо:
ВУД ҶТ, Данғара, садама