Пул дар ҷомадон, акс аз бойгонӣ

Баъди даҳ сол: милисаи Хуҷанд қаллоби бештар аз 60 ҳазор долларро дастгир кард

525
Муттаҳам даҳ сол пештар аз як сокини ноҳияи Бобоҷон Ғафуров бо роҳи фиреб маблағи зиёдеро қарз гирифта, то имрӯз бар нагардонидааст

ДУШАНБЕ, 8 авг — Sputnik. Вазорати умури дохилаи Тоҷикистон хабар медиҳад, ки дар шаҳри Хуҷанд кормандони ВУД мардеро ба иттиҳоми қаллобии беш аз 60 ҳазор доллар дастгир кардааст.

Бино бар иттилои манбаъ, ин сокини 40-солаи шаҳри Хуҷанд аз моҳи ноябри соли 2007 то моҳи ноябри соли 2008, бо роҳи фиреб ба боварии марди 44-солаи сокини ноҳияи Бобоҷон Ғафуров даромада, аз ӯ 3 ҳазору 200 евро ва 55000-доллари амрикоӣ гирифта, то хол барнагардонидааст.

Вазорати умури дохила менависад, баъди дастгиршавии марди қаллоб тафтишотро идома медиҳад.

 Пештар дар шаҳри Хуҷанд марде ба мақомоти милиса шикоят бурд, ки худравашро бо роҳи фиреб гирифта, пулашро надодаанд.

Шикоятбаранда- марди 32-солаи сокини шаҳри Хуҷанд, соли 2016 ба як марди хуҷандӣ автомашинаи "Лексусаш"-ро фурӯхта, то ҳол маблағашро нагирифтааст.

"Мошин 12 ҳазор доллар нархгузорӣ шуда, аз он танҳо 2 ҳазор долларашро гирифта, 10 ҳазор доллари боқимондаро то ҳол гирифта наметавонам", — навистааст дар аризаи шикоятиаш мард.

Муттаҳам, марди 27-сола, пештар бо моддаи 247 Кодекси ҷиноятии Ҷумҳурии Тоҷикистон суд шуда будааст.

Шӯъбаи ВУД дар шаҳри Хуҷанд аз рӯйи ин далел тафтишот мебарад.

525
Барчаспҳо:
боздошт, қаллоб, милиса, Хуҷанд, Тоҷикистон
Садамаи маргборе, ки дар пайи он Баҳром Ғафурӣ ба ҳалокат расид

КҲФ низ садамаи Баҳром Ғафуриро шарҳ дод ва чанд акс аз ҷои ҳодиса нашр кард

1272
Кумитаи ҳолатҳои фавқуллода менависад, ки агар ҳодиса соати 4:00 рух дода бошад, соати 4:18 дастаи наҷоти КҲФ ба ҷои ҳодиса сафарбар шуданд. Аммо мутаассифона ҳунармандро натавонистанд аз марг наҷот диҳанд

ДУШАНБЕ, 7 авг — Sputnik. КҲФ низ садамаи мудҳишеро, ки дар пайи он овозхони номӣ Баҳром Ғафурӣ ҳалок шуд шарҳ додааст.

Бино бар иттилои манбаъ, 04:16 дақиқа ба навбатдори Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикисон дар шаҳри Душанбе хабар расид, ки дар кўчаи  Рудакӣ  106 ноҳияи И.Сомонӣ, садамаи нақлиёти рўх додааст.

Соати 04:18 дақиқа Дастаи зудамали наҷоти Раёсат ба ҷои ҳодиса сафарбар шуд, афзудааст манбаъ.

Садамаи маргбори Баҳром Ғафурӣ
Дафтари матбуоти КҲФ
Садамаи маргбори Баҳром Ғафурӣ

Гуфта мешавад, дар натиҷа муаян карда шуд, ки ронандаи автомашинаи тамғаи «Тайота-Ланкурузер» (200)  рақами давлатиаш 1991 КК 01ТҶ, аз ўҳдаи идораи мошин набаромада, ба автомашинаи партовкаши тамғаи «Камаз»  бармехӯрад.

Бар асари ин бархурди мудҳиш як нафар мусофири он сарояндаи хушхону маъруф Баҳром Ғафурӣ ба ҳалокат расидааст. Дар ин садама ду нафари дигар: Зарипов Баҳодур ва Анварзода Ислом бо ҷароҳатҳои вазнини ҷисмонӣ ба беморхонаи Қарияи Боло интиқол дода шудаанд.

Сабаби ҳодисаи мазкур аз ҷониби кормандони шуъбаи ВКД ва БДА-и ноҳияи Исмоили Сомонӣ муаяйн карда мешавад.

1272

Вазорати тандурустӣ омори тозаи коронавирусро нашр кард

249
То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд.

ДУШАНБЕ, 7 авг — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир 99  нафар гумонбарон зери назорати табибон қарор дошта, 41 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7706  нафар баробар гардид.

Ҳамзамон, то санаи   7 август дар мамлакат  6484  (84,1%) нафар аз бемории COVID-19 шифо ёфта,  бар асари он 62  нафар фавтидаанд.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

 

249