Симчӯб, акс аз бойгонӣ.

Шикоят: корманди барқ барои кӯчонидани як симчӯб 5000 сомонӣ талаб кард

110
(Таҷдидшуда 20:16 10.08.2018)
Корманди шабакаи барқро, ки барои кӯчонидани як симчӯб аз сокини ноҳияи Вахш 5000 сомонӣ талаб кард, дастгир карда, нисбаташ парвандаи ҷиноӣ боз кардаанд

ДУШАНБЕ, 11 авг — Sputnik. Як сокини ноҳияи Вахш ба Ожонси мубориза бо фасоди Тоҷикистон аризаи шикоятӣ навиштааст, ки аз вай кормандони шабакаи барқи ноҳияи Вахш барои кӯчондани як симчӯб аз қитъаи заминаш 5000 сомонӣ пора талаб карданд.

Бино бар иттилои дафтари матбуотии ожонс, ин мард аз корманди шабакаи барқи ноҳия Баҳром Асоев ном бурда, гуфтааст, ки ӯ барои кӯч додани симчӯб аз замини наздиҳавлигиаш ба шабакаи барқи Вахш муроҷиат карда буд.

 "Асоев Баҳром Амонович чораҳои қонуни андешида шавад зеро номбурда, бо истифода аз мақоми хизматй ва бо роҳи суиистифодаи боварй аз ӯ барои аз қитъаи замимни наздиҳавлигиаш, воқеъ дар суроғаи н.Вахш, Ҷамоати деҳоти Рудакӣ кучонидани симчуби дорои ноқилҳои барқии 6000 кв маблағи 5000 сомони талаб карда истодааст, — омадааст дар аризаи шикоятӣ.

12 июл раёсати ожонс дар вилояти Хатлон Асоев Баҳромро ҳангоми гирифтани 5000 сомонӣ боздошт намуда, нисбаташ бо моддаи 247 қисми 3 банди "а"-и Кодекси ҷиноятии Ҷумҳурии Тоҷикистон парвандаи ҷиноятӣ оғоз кардааст.

110
Барчаспҳо:
шикоят, пора, барқ, симчӯб, Тоҷикистон
Новый министр финансов РТ Каххорзода Файзиддин, архивное фото

Ҳукумат нақшаҳоро тағйир дод, парлумон пазируфт: вазир гуфт, вазъ пешгӯинашаванда аст

986
Ҳукумати Тоҷикистон нишондиҳандаҳои асосии рушди макроиқтисодиро бозбинӣ карда, нақшаи даромаду хароҷот ва касри буҷаро тағйир дод. Парлумон аз тағйирот ҷонибдорӣ кард

ДУШАНБЕ, 5 июл — Sputnik.  Файзиддин Қаҳҳорзода, вазири молияи Тоҷикистон, тағйирот ба буҷаи давлат дар соли 2020-ро муаррифӣ карда, бозбинии нишондодҳро ба хуруҷи COVID-19 рабт дод.

Вазири молия дар ҷаласаи ахири парлумон гуфт, тағйирот ба қонун “Дар бораи Буҷети давлатии Ҷумҳурии Тоҷикистон барои соли 2020” бо дарназардошти таъсири пандемияи бемории сироятии COVID-19 ба соҳаҳои иқтисоди миллӣ, коҳиш ёфтани ҳаҷми даромади буҷет, зиёд гардидани эҳтиёҷоти иловагии соҳаҳои алоҳидаи иқтисоди миллӣ, бознигарӣ шудани нишондиҳандаҳои асосии макроиқтисодии кишвар барои соли 2020, инчунин, тавсияҳои созмонҳои молиявии ҷаҳонӣ ва дурнамои ҳамкориҳои кишвар бо шарикони рушд то охири соли ҷорӣ, таҳия шудаанд.

“Таҳти таъсири равандҳои мухталиф дар сатҳи иқтисодиёти ҷаҳонӣ ва паёмадҳои пандемияи бемории сироятии COVID — 19 дар моҳҳои январ — майи соли 2020 суръати рушди Маҷмӯи маҳсулоти дохилии ҷумҳурӣ нисбат ба ҳамин давраи соли гузашта 3,2 фоиз коҳиш ёфт ва дар робита ба вазъ, нақшаи даромадҳои буҷети давлатӣ аз ҳисоби манбаъҳои воридот дар сатҳи 84,8 фоизи нақша ё 15,2 фоиз кам таъмин карда шуд”, - изҳор дошт вазир.

Ҳушдор аз коҳиши бесобиқа: вазири молия гуфт, вазъ пешгӯинашаванда

Нашрияи парлумонии “Садои мардум” аз қавли вазири молияи Тоҷикистон афзуд, ки “вазъи имрӯзаи иқтисоди ҷаҳонӣ вобаста ба паҳншавии пандемияи коронавирус пешгӯинашаванда буда, таъсири бевоситаи он ба соҳаҳои иҷтимоию иқтисодии кишварҳо расида истодааст”.

Ба гуфтаи Қаҳҳорзода, аксар коршиносони созмонҳои молиявии ҷаҳонӣ коҳишёбии бесобиқаи иқтисодиёти ҷаҳониро пешгӯӣ намуда истодаанд.

“Аз ҷумла, роҳбари Хазинаи байналмилалии асъор коҳиш­ёбии иқтисодиётро барои давраи миёнамуҳлат бештар аз таназзули иқтисодиёт дар солҳои 1929 — 1933 баҳодиҳӣ намудааст. Дар ин робита бояд қайд кард, ки тибқи баҳогузории охирини хазинаи мазкур соли 2020 коҳишёбии иқтисодиёти ҷаҳонӣ то 4,9 фоиз, аз ҷумла Россия 6,6 фоиз, минтақаи евро 10,2 фоизро ташкил дода, дар Ҷумҳурии Халқии Хитой рушд танҳо 1,0 фоизро ташкил медиҳад”, - мисол овардаст вазир.

Пешгӯии созмонҳои байналмилалӣ ва Ҳукумати Тоҷикистон

Дар идома зикр шуд, ки рушди иқтисодиёти Ҷумҳурии Тоҷикистонро Бонки ҷаҳонӣ барои соли 2020 аз 5,5 фоизи қаблӣ то 1,0 фоиз, Бонки осиёии рушд аз 6,5 то 5,5 фоиз ва Хазинаи байналмилалии асъор 2 фоиз паст баҳодиҳӣ намудаанд.

“Вобаста ба вазъи баамаломада, нишондиҳандаҳои асосии макроиқтисодии кишвар барои соли 2020 аз ҷониби Вазорати рушди иқтисод ва савдо бознигарӣ карда шуд, ки тибқи он, коҳиш ёфтани ҳаҷми номиналии Маҷмӯи маҳсулоти дохилии кишвар нисбат ба дурнамои тасдиқшудаи соли 2020, яъне аз 87,3 то 83,5 млрд. сомонӣ ва пастравии суръати рушди воқеии он аз 7,8 то 4,7 фоиз пешгӯӣ мегардад”, - иттилоъ дод вазир.

Коҳиши нақшаи даромад ва гранти 1.23 миллиардӣ

Ӯ илова кард, ки дар машварат бо созмонҳои молиявӣ — шарикони рушд, бо тағйири қонуни буҷа дар соли 2020,  нақшаи даромадҳои андозию ғайриандозӣ дар ҳаҷми 2,8 фоизи Маҷмӯи маҳсулоти дохилӣ, нақшаи азхудкунии маблағгузории лоиҳаҳои сармоягузориҳои давлатӣ баробар ба 1,0 фоизи Маҷмӯи маҳсулоти дохилӣ ва воридоти маблағҳои махсуси ташкилоту муассисаҳои буҷетӣ дар ҳаҷми 81,0 млн. сомонӣ кам карда мешавад.

Вазири молия хабар дод, ки дар баробари ин, нақшаи воридоти грантҳо барои дастгирии буҷет аз ҳисоби маблағҳои грантии Бонки осиёии рушд дар ҳаҷми 1 миллиарду 230 миллион сомонӣ сомонӣ зиёд карда мешавад.

Файзиддин Қаҳҳорзода инчунин хабар дод, ки ҳамчунин, ҷиҳати маблағгузории эҳтиёҷоти иловагии соҳаҳои алоҳидаи иқтисоди миллӣ вобаста ба чорабиниҳо оид ба пешгирии бемории сироятии COVID-19 нақшаи хароҷоти буҷети давлатӣ аз ҳисоби азнавтақсимкунии хароҷот, ба истилоҳ, консалидатсия ба маблағи 1,9 млрд. сомонӣ, пардохти кумакпулиҳо ба гурӯҳҳои осебпазири аҳолӣ дар ҳаҷми 0,5 фоизи Маҷмӯи маҳсулоти дохилӣ ва аз ҳисоби азнавтақсимкунии маб­лағҳо ҳаҷми хароҷоти маблағҳои мутамаркази буҷетӣ ба андозаи то 0,7 фоизи Маҷмӯи маҳсулоти дохилӣ зиёд карда мешавад.

Касри буҷа: хароҷот аз даромад 3,1 миллиард зиёд мешавад

Вазири молия изҳор дошт, ки ҳаҷми умумии нақшаи аниқшудаи даромади буҷети давлатӣ соли 2020 бо дарназардошти ҷалби маблағҳои грантӣ барои дастгирии буҷет ба 23,6 млрд. сомонӣ (28,3 фоизи ММД) ва нақшаи аниқшудаи ҳаҷми умумии хароҷоти он ба 26,0 млрд. сомонӣ (31,3 фоизи ММД) баробар мегардад.

“Бо дарназардошти тағйироти дар лоиҳа пешниҳодшуда, касри буҷет ба 3,1 млрд. сомонӣ ё 3,7 фоизи ММД баробар мегардад. Касри мазкур аз ҳисоби ҷалби маблағҳои иловагии қарзию грантӣ, аз ҷумла маблағҳои қарзии Хазинаи байналмилалии асъор, маблағҳои грантии Бонки осиёии рушд, маблағҳои қарзии имтиёзноки Фонди авруосиёгии стабилизатсия ва рушд ва аз ҳисоби манбаъҳои дохилӣ рӯйпӯш карда мешавад”, - илова намуд Қаҳҳорзода.

986
Самолет компании Сомон Эйр, архивное фото

"Сомон - эйр" барои овардани шаҳрвандони Тоҷикистон 10 июл ба Минск парвоз мекунад

77
Вазорати умури хориҷии Тоҷикистон ба диққати шаҳрвандони мамлакат, ки дар Белорус ва Украина ба сар мебаранд, мерасонад, ки санаи 10 - уми июл парвози чартерӣ самти Душанбе - Минск сурат мегирад

ДУШАНБЕ, 5 июл — Sputnik. Вазорати умури хориҷӣ ба таваҷҷуҳи ҳамватанони муқими Беларус ва Украина мерасонад, ки ба мақсади баргардонидани шаҳрвандони кишвар тибқи дастури Ҳукумати Ҷумҳурии Тоҷикистон  парвози махсус самти Душанбе - Минс - Душанбе ба нақша гирифта шудааст.

Ба иттилои котиботи вазорат, парвози мазкур рӯзи 10 - июл аз ҷониби ширкати ҳавопаймоии "Сомон - эйр" сурат мегирад.

Манбаъ меафзояд, шаҳрвандони кишварҳои хориҷӣ имкон доранд, бо ҳавопаймои мазкур ба Минск парвоз кунанд.

"Тоҷик Эйр" ва "Сомон Эйр" 8 парвози чартерӣ аз шаҳрҳои Русияро анҷом медиҳанд

Зикр мегардад, Тоҷикистониҳое, ки дар Белорус ва Украина ба сар мебаранд, барои бақайдгирӣ намудан ба намояндагиҳои дипломатии кишвар дар Беларус ва Украина муроҷиат кунанд.

77
Барчаспҳо:
Минск, Тоҷикистон, парвоз, "Сомон Эйр"
Люди в защитных костюмах проводят церемонию погребения человека умершего от COVID-19

Тасдиқи фавти дигар аз COVID-19 дар Тоҷикистон: омори нави расмӣ

2216
(Таҷдидшуда 21:02 05.07.2020)
Шабонарӯзи гузашта дар Ҷумҳурии Тоҷикистон 54 ҳолати нави сироятёбӣ ба COVID-19 ва 1 мавриди фавт бар асари он ба қайд гирифта шуд

ДУШАНБЕ, 5 июл — Sputnik.  Вазорати тандурустӣ ва ҳифзи иҷтимоии аҳолии Тоҷикистон мегӯяд, аз 30 апрел то 5 июл дар кишвар шумораи гирифторони COVID-19 ба 6 ҳазору 213 нафар расид.

Хабаргузории “Ховар” аз қавли Вазорати тандурустӣ  афзудааст, ки аз ин беморӣ то кунун дар мамлакат 4858 нафар ё худ 78,2% беморон шифо ёфтаанд. Ҳамзамон, дар муддати зикргардида дар мамлакат аз ин беморӣ 53 нафар фавтидаанд.

Мақомот шахсияти нафари фавтида аз коронавирусро нагуфтанд, аммо ахиран аз даргузашти Шоира Бузурукова, сартабиби зоишгоҳи Хуҷанд хабар дода шуд, ки дар беморхонаи касалиҳои сироятӣ бистарӣ будааст.

Вазорати тандурустӣ ва ҳифзи иҷтимоии аҳолии мамлакат ҳамчунин хабар дод, ки давоми шабонарӯзи охир 225 нафар гирифторони эҳтимолӣ зери назорати табибон қарор дошта, 49 нафар баъд аз муолиҷа ба хонаҳояшон рухсат дода шуданд.

Ҳукумат нақшаҳоро тағйир дод, парлумон пазируфт: вазир гуфт, вазъ пешгӯинашаванда аст

Мақомоти Тоҷикистон таъкид карданд, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

2216
Барчаспҳо:
даргузашт, беморӣ, ситомегалавирус, Тоҷикистон