Маҳмадраҳим Шоев бо Марям Шоева

Шикояти бобо: гуфтанд Марямро ба мактаби президентӣ намегирем

931
(Таҷдидшуда 19:27 14.08.2018)
Маҳмадраҳим Шоев мегӯяд, бо дастгирии раисҷумҳур набераашро ба Ватан баргардонида ба дасти наздиконаш супурданд, аммо масъулини маорифи Ҳисор барои ба таълим фаро гирифтани духтарак беэътиноӣ мекунанд

ДУШАНБЕ, 14 авг — Sputnik. Маҳмадраҳим Шоев сокини шаҳри Ҳисор, бобои Марям Шоева- кӯдаки 10-солаи тоҷик, ки моҳҳои апрел аз урдугоҳи Ироқ ба Тоҷикистон баргардонида шуд, ба вазири маориф ва илми Тоҷикистон Нуриддин Саид муроҷиат мекунад, ки дар таҳсили наберааш Марям дар мактаби ҷумҳуриявии президентӣ дар ноҳияи Ҳисор мусоидат кунад. Ӯ ба вазири маориф аз беэътиноии масъулини соҳаи Ҳисор дар ин масъала шикоят мебарад.

Шоев дар сӯҳбат бо Sputnik Тоҷикистон гуфт, ки барои мусоидат дар таҳсили Марям аллакай қариб дари тамоми масъулини шаҳри Ҳисорро кӯфту касе дастгириаш накард.

Ба гуфтаи вай, роҳбарияти мактаби мазкур бо баҳонаи озмун барои қабули хонандагон ва гузаштани мӯҳлат набераашро қабул накардаанд. Ҳатто онҳо ба Шоев маслиҳат надодаанд, ки барои дохил кардани Марям  чӣ кор кунад.

"Онҳо медонанд, ки Марям чӣ саргузашт дорад. Ман чанд бор назди масъулини мактаб рафта, гуфтам, ки ҳамин сағираро дастгирӣ кунед. Дар хӯрок не, пӯшок не, танҳо тарбия намоед, аммо посухе нагирифтам. Гуфтанд, ки ин мактаби ноҳиявӣ нест, ҷумҳуриявӣ аст", — шикоят мекунад мард.

Ба гуфтаи вай, пас аз баргардонидани духтарак ба Тоҷикистон масъулин ба бобо ваъда додаанд, ки дар ин иқдом мусоидат мекунад. Аммо ҳоло касе ба додашон нарасидааст.

"Вақти ба Тоҷикистон оварданаш дарҳол ба масъулин гуфта будам, ки дар ҳамин масъала дастгирӣ кунанд. Онҳо ваъда доданд, ки албатта барои ба таълим фаро гирифтани Марям дар мактаби президентӣ дасти ёрӣ дароз хоҳанд кард, аммо имрӯз касе хоҳиши кӯмак карданро надорад", — гуфт вай.

Шоев дар муроҷиат ба Нуриддин Саид гуфт, ки наберааш бисёр қобилиятнок аст, чанд забон, аз ҷумла забони русӣ, англисӣ ва арабиро медонад, хонда ва навишта метавонад, аммо мутаассифона дар мактабе дар Тоҷикистон таҳсил надидааст.

"Марям бисёр духтари доност. Чанд забонро омӯхтааст. Аммо ҳоло аз вай талаб доранд, ки дар озмун бояд иштирок кунад. Агар дар Тоҷикистон таҳсил накарда бошад, чигуна метавонад ба суолҳои онҳо посух гӯяд. Ман гуфтам, наход шумо ҳамин сағираро дастгирӣ карда натавонед, онҳо танҳо баҳона меҷӯянд",- мегӯяд вай.

Шоев афзуд, ки намехоҳад Марям ба мактаби деҳаи Ғайратобод равад.

"Аввал ин ки шояд Марямро ба синфи 2 ё 3 не, 1 гиранд, Марям бошад ба наздикӣ 11-сола мешавад. Баъдан дар деҳа ӯро метавонанд таъна кунанд. Намедонам, чӣ кор кунам", — нигарон мешавад Шоев.

Маҳмадраҳим Шоев изҳори умедворӣ мекунад, ки вазири маориф ин қазияро таҳти назорати шахсиаш мегирад.

"Бо ин масъала ба Ҳукумати ноҳия муроҷиат кардем, ба шӯъбаи маорифи Ҳисор муроҷиат кардем, касе ҳатто маслиҳат надод, ки ақалан барои дохил кардани духтарак ман чӣ кор кунам. Ҳоло аз вазири маорифи Тоҷикистон умед дорам, ки шояд ба ин қазия рӯшанӣ андозад ва дар таълими Марям мусоидат кунад", — афзуд вай.

Маҳмадраҳим Шоев ба раисҷумҳури Тоҷикистон Эмомалӣ Раҳмон иқдоми Ҳукумати Тоҷикистон дар баргардонидани кӯдакони тоҷик изҳори сипос намуд ва гуфт, ки умед дорад, дар масъалаи таҳсили духтарак низ масъулини маорифи Тоҷикистон беэътиноӣ намекунанд ва Марям-шоҳиди ҷангҳои даӯҳшатафкан, дар фазои ороми Тоҷикистон тарбия гирифта, кадри хубе шуда ба Тоҷикистон хидмат мекунад.

Ёдрас мешавем, пештар дар бораи саргузашти ин духтараки тоҷик хабар дода будем. Падару модар ва хоҳару бародарони Марям дар ҷангҳои даҳшатафкани Ироқу Сурия ҳалок шуда, ӯро бори аввал рӯзноманигорон аз урдугоҳе дар Ироқ  пайдо карданд. Марям моҳи апрел ҳамроҳ бо се кӯдаки дигари тоҷик ба ватан баргардонда шуд.

Макраби президентии Ҳисор моҳи сентябри соли 2015 дар доираи сафари раисҷумҳури Тоҷикистон ба шаҳр ифтитоҳ ёфт.

Ин муассисаи муосири таълимӣ аз рӯи шаҳомат пас аз боргоҳҳои илму маърифат дар шаҳру ноҳияҳои Душанбе, Хоруғ, Кӯлоб, Чкалов ва Бохтару Данғара ҳафтумин мактаби президентӣ дар Тоҷикистон мебошад.

931
Барчаспҳо:
таҳсил, шикоят, кӯмак, Маҳмадраҳим Шоев, нуриддин Саид, Марям, Тоҷикистон
Открытие первого гидроагрегата на Рогунской ГЭС в Таджикистане

"Мо ду агрегати НБО “Роғун”-ро ба кор даровардем": шахси бовариноки Раҳмон чӣ ваъда дод?

13
(Таҷдидшуда 14:45 24.09.2020)
Ахиран шахси бовариноки Эмомалӣ Раҳмон зимни вохурӣ бо интихобкунандагони вилояти Хатлон дар шаҳри Бохтар таъкид дошт, ки президент кишварро аз бунбасти коммуникатсионӣ то дараҷае раҳо кард

ДУШАНБЕ, 24 сен — Sputnik. Абдуҷаббор Азизӣ, муовини Раиси Ҳизби Халқии Демократии Тоҷикистон, шахси бовариноки номзад ба мансаби Президенти Тоҷикистон Эмомалӣ Раҳмон, аз ҳадафҳои барномавии ҳафт соли минбаъдаи ҲХДТ ба ҳозирин иттилоъ дода, таъкид кардааст, ки Раиси ҲХД Тоҷикистон тайи ин солҳо ба дастовардҳои зиёд ноил гардид.

“Ду агрегати НБО “Роғун”-ро ба кор даровардем ва он дар сурати бо иқтидори пурра ба кор даромадан моро ба яке аз ҳадафҳои асосӣ – даст ёфтан ба истиқлолияти энергетикӣ мерасонад. Ҳамчунин, дар ин давра тавонистем, ки мамлакатро аз бунбасти коммуникатсионӣ то дараҷае раҳо бахшем”, – қайд кард номбурда.

Дар ҳамин ҳол,  номзад аз Ҳизби ислоҳоти иқтисодии Тоҷикистон ваъда дод, ки дар оянда дар кишвар бояд бозори коғазҳои қиматнок таъсис ёбад, то маблағҳо дар дохили кишвар ба гардиш дароянд.

“Ҳамзамон, миқдори хоҷагиҳои деҳқониро дар ҷумҳурӣ зиёд карда, шумораи гирандагони субвенсияро коҳиш диҳем. Барои ин ифтитоҳи корхонаҳои нави истеҳсолӣ лозим аст, – иброз дошт Рустам Раҳматзода, номзад аз Ҳизби ислоҳоти иқтисодии Тоҷикистон.

Ин дар ҳолест, ки Зарагул Мирҳасанова, котиби марказии Ҳизби коммунисти Тоҷикистон, аз номи Меъроҷ Абдуллоев, раиси ин ҳизб, барномаи пешазинтихобии ӯро ироа намуд.

Вай афзуд, ҳадафи асосии ҳизб ҳифзи ҳуқуқҳои меҳнаткашон,  пойдор гардондани адолати иҷтимоӣ ва таъмини шароити арзанда барои мардум мебошад, – гуфт ӯ.

Дар охири ҷамъомад номзадҳо аз интихобкунандагон хоҳиш карданд, ки санаи 11-уми октябр ба участкаҳои интихоботӣ биёянд ва барои ояндаи дурахшони кишвар ба номзадҳо овоз диҳанд.

13
Барчаспҳо:
бунбаст, Роғун, Бохтар, Хатлон, Эмомалӣ Раҳмон, Тоҷикистон
Жительница Кулябя , заслуженная труженица Саъбагул Валиева на встрече с президентом

Рӯймол зеби модарони тоҷик аст: тавсифи Раҳмон аз рӯймолбандии зани кӯлобӣ - навор

245
Эмомалӣ Раҳмон дар шаҳри Кӯлоб аснои мулоқот бо фаъолони ин манотиқ, аз тарзи рӯймолбандии як модар, ки назди кишвардор суханронӣ карда буд, тавсиф намуда, гуфт ки ин беҳтарин тарзи бастани рӯймол аст ва он бисёр зебанда аст

ДУШАНБЕ, 24 сен — Sputnik. Кишвардори Тоҷикистон Эмомалӣ Раҳмон, ки бо сафари корӣ дар вилояти Хатлон қарор дорад, аз рӯйи анъана бо фаъолони ин манотиқ сӯҳбати гарм баргузор кард.

Аснои мулоқоти Эмомалӣ Раҳмон бо фаъолони вилояти Кӯлоб, як сокини маҳаллӣ бо номи Саъбагул Валиева, собиқадори меҳнат бо баромадаш ба сарвари давлат муроҷиат намуд.

Валиева аз саҳми занони тоҷик дар пешрафт ва ободонии Тоҷикистон таъкид карда, афзуд ки бонувони тоҷик имрӯз дар баробари мардон, барои тараққиёти давлати тоҷикон саҳми назаррас доранд.

Лаҳзаи суханронии ин зани фаъол дар шабакаи YouTube нашр гардид.

Ба изҳори модари тоҷик, "имрӯз дар тамоми соҳаҳо, саҳми занони тоҷик бараъло ҳувайдост".

Зимнан, кишвардори Тоҷикистон Эмомалӣ Раҳмон низ дар тақвияти ҳарфҳои Валиева илова намуд, ки дар соҳаи маориф 70 дарсади кормандонро занон ташкил медиҳанд.

"Ҳамчунин дар соҳаи тандурустӣ низ 60 фисади кормандон аз занони баруманди тоҷик иборат аст", - афзуд Эмомалӣ Раҳмон.

Шартномаҳо: Раҳмон ҳадафи Рустами Эмомалиро аз сафарҳо гуфт

Пас аз анҷоми суханронии собиқадори меҳнати шаҳри Кӯлоб, Эмомалӣ Раҳмон аз ҷой бархост ва бо изҳори қаноатмандӣ барои ҳарфҳои гуфтаи ӯ каф кӯбид.

Эмомалӣ Раҳмон барои суханони неку тарбиятдиҳанда ба Валиева изҳори миннатдорӣ намуда, тарзи бастани рӯймолашро васф кард.

Ба гуфтаи раисҷумҳур, занони тоҷик бояд айнан ба мисли Валиева рӯймол банданд, зеро ин тарзи бастани рӯймол танҳо хоси занони тоҷик аст.

245
Барчаспҳо:
навор, фаъолон, мулоқот, сафар, Хатлон, Эмомалӣ Раҳмон