Рақамҳои мошин дар Тоҷикистон, акс аз бойгонӣ

БДА рақамҳои зебои силсилаи "НР" - 01 ва "DD" - 07- ро мефурӯшад

188
(Таҷдидшуда 16:05 17.08.2018)
Бозрасии давлатии автомобилии Тоҷикистон аз эълони музояда барои фурӯши аломати сабти давлатии силсилаи "НР" - 01 ва "DD" - 07 хабар медиҳад

ДУШАНБЕ, 17 авг — Sputnik. Бино ба иттилоъи равобити умумии ВКД ҶТ, музояда рӯзи 25 август дар толори Раёсати БДА баргузор мешавад.

"Ба таваҷҷуҳи соҳибони воситаҳои нақлиёт расонида мешавад, ки дар торихи 25 августи соли 2018 аломати сабти давлатии силсилаи НР" — 01, ва "DD" — 07 ба таври музояда фурӯхта мешаванд", — гуфта мешавад дар иттилои манбаъ.

Музояда аз соати 10:00 дар толори Раёсати БДА оғоз мешавад.

"Нархи як лот 630 сомонӣ аст", — омадааст дар иттилоъия.

Манбаъ меафзояд, ки хоҳишмандон бояд: нусхаи шиносномаи миллӣ, рақами мушаххаси андозсупоранда ва нусхаи ҳуҷҷатҳои ҳуқуқмуайянкунанда ба воситаи нақлиётро бо худ дошта бошанд.

Рақамҳои зебо дар сафҳаи ВКД нашр шудааст.

БДА пештар аломатҳои сабти давлатии силсилаи "ВВ" — 07 ва "ЕМ" — 01 —ро ба фурӯш гузошта буд.

188
Барчаспҳо:
мошин, рақам, ВУД, Тоҷикистон