Дучархаи сайёҳоне, ки дар Данғара кушта шуданд

Даъвати 20 муҳоҷир барои тавзеҳ дар бораи ҳамлаи террористӣ

239
(Таҷдидшуда 12:47 18.08.2018)
Мақомоти интизомии Тоҷикистон аз 20 коргари муҳоҷири тоҷик дар Русия дархост кардаанд, бо бозгашт ба кишвари худ, дар бораи иртибот бо афроди гумонбар дар ҳамла ба гардишгарони дучархасавори хориҷӣ дар ноҳияи Данғара тавзеҳ диҳанд

ДУШАНБЕ, 18 авг — Sputnik. Ба гузориши "Парс тудэй", ба гуфтаи мақомот, бо ин афрод дар Русия тамоси телефонӣ гирифта шуда ва аз онон хостаанд, сирфан барои равшан шудани бархе аз ибҳомот дар он ҳодисаи террористӣ ба Тоҷикистон бозгарданд ва алайҳи онон ҳеҷ иттиҳоме матраҳ нест.

Аз сӯйи дигар, мақомоти интизомии Тоҷикистон аз боздошти панҷ нафар аз сокинони шаҳри Норак ба иттиҳоми иртибот бо ҳамлаи террористӣ хабар додаанд. Зимни он ки қаблан низ 10 нафар дар ин иртибот боздошт шуда буданд.

Дар ҳамлаи рӯзи 29 — уми июл дар минтақаи Себистони ноҳияи Данғара, дар вилояти Хатлон як мошин ҳафт дучархасавори хориҷиро пахш кард ва сарнишинон бо ҳадафи қатли туристҳои хориҷӣ бо корд ва табар ба онон ҳамла карданд ва сипас аз маҳал гурехтанд.

Дар натиҷаи ин ҳодиса чаҳор гардишгари хориҷӣ, аз ҷумла ду шаҳрванди Амрико, як шаҳрванди Швейтсария ва як шаҳрванди Нидерландия кушта шуданд ва ду шаҳрванди Швейтсария низ осеб диданд.

Бо вуҷуди ин ки гурӯҳи террористии ДИИШ масъулияти ин ҳамларо бар уҳда гирифт, Вазорати умури дохила ва Додситонии кулли Тоҷикистон Ҳизби мамнуаи наҳзати исломиро муттаҳам карданд, вале ин ҳизб иттиҳомоти эъломшударо рад кард.

239
Барчаспҳо:
муҳоҷирон, Данғара, Тоҷикистон
График роста, архивное фото

Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ кард

12
(Таҷдидшуда 10:05 10.08.2020)
Интизор меравад, ки дар соли 2021 Маҷмӯи Маҳсулоти Дохилии Тоҷикистон ба 92,684 миллиард сомонӣ (беш аз 9,104 миллиард доллар) хоҳад расид ва рушди воқеии он 7,6% пешбинӣ шудааст

ДУШАНБЕ, 10 авг — Sputnik. Ҳукумати Тоҷикистон дурнамои нишондиҳандаҳои макроиқтисодиро барои солҳои 2021-2023 тасдиқ намуд, хабар медиҳад РИА Новости бо истинод ба хадамоти матбуоти Вазорати рушди иқтисод ва савдо.

"Тибқи ин дурнамо, сарфи назар аз пандемияи коронавирус, интизор меравад рушди иқтисодии кишвар дар се соли оянда ҳадди ақалл 7,6%  боло равад", - омадааст дар изҳорот.

Интизор меравад, ки да соли 2021 маҷмӯи маҳсулоти дохилии Тоҷикистон ба 92,684 миллиард сомонӣ (беш аз 9,104 миллиард доллар) мерасад ва рушди воқеӣ 7,6% пешбинӣ шудааст.

Ҳамзамон тибқи пешбинҳо умед аст, ки дар соли 2022 ҳаҷми ММД 102,97 миллиард сомонӣ (10,1 миллиард доллар) пешбинӣ шуда, пешгӯии афзоиши воқеии он 7,8 фоизро ташкил медиҳад.

Дар соли 2023 интизор меравад, ки ҳаҷми ММД 115,84 миллиард сомонӣ (тақрибан 11,36 миллиард доллар) хоҳад буд, рушди воқеӣ 8% пешбинӣ шудааст.

Тибқи пешбинӣ, таваррум дар соли оянда 6,9% -ро ташкил хоҳад карда, дар соли 2022 суръати он то 6,8% коҳиш хоҳад ёфт, дар соли 2023 то 7,1% афзоиш хоҳад ёфт.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешава 

"Ин пешгӯиҳои макроиқтисодӣ бо назардошти вазъи иқтисодии ҷаҳон ва кишварҳои ИДМ, аз ҷумла вазъи иқтисодиёти шарикони асосии тиҷоратии Тоҷикистон - Русия, Чин, Қазоқистон ва Узбакистон таҳия шудаанд", - гуфтаанд, аз хадамоти матбуотӣ.

Гуфта мешавад, дурнамо оқибатҳои имконпазири иҷтимоию иқтисодии паҳншавии COVID-19, тағирёбии нарх дар бозорҳои ҷаҳонии молро ба назар мегирад.

12
Сомони и рубли, архивное фото

Бонки миллӣ арзиши рубл, доллар ва евроро барои имрӯз эълон кард

113
(Таҷдидшуда 08:56 10.08.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, душанбе, аввали ҳафтаи равон эълон кард

ДУШАНБЕ, 10 авг — Sputnik.  Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1400 сомонӣ  ва дар бозори нақд бошад 0.1430 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз  10.3120 то 10.3200 сомонӣ арзёбӣ кардааст. 

Бонки миллӣ қурби миёнаи фурӯши 1 евроро аз 12.1991 то 12.3000 сомонӣ арзёбӣ кардааст, ки нисбат ба ҳафтаи гузашта гаронтар шудааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1425 то 0,1445 сомонӣ муқаррар шудааст.

Дар “Спитаменбонк” бошад арзиши 1 рубл аз 0.1390 то 0.1460 ва дар “Алифбонк” бошад 1 рубл аз 0,1415 то 0,1470 сомонӣ нишон дода шудааст.

Бонки миллӣ гуфт дар беқурбшавии сомонӣ ва болоравии арзиши доллар кӣ гунаҳгор аст

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

113
Барчаспҳо:
евро, сомонӣ, доллар, рубл, арзиш, Бонки Миллӣ, Тоҷикистон