Эмомалӣ Раҳмон, раисиҷумҳури Тоҷикистон ва Си Ҷинпин, раисиҷумҳури Чин, акс аз бойгонӣ

Тоҷикистон 9,4 ҳазор гектарро барои сохтмони лӯлаи газ ба Чин ҷудо кард

1627
(Таҷдидшуда 09:34 20.08.2018)
Эмомалӣ Раҳмон, раисиҷумҳури Тоҷикистон қарор кардааст, ки 9 ҳазору 407 гектар замин муваққатан барои бунёди лӯлаи газ ба Чин ҷудо карда шавад

ДУШАНБЕ, 20 авг — Sputnik.Тибқи қарори Ҳукумат майдони замин аз шаҳри Роғун ва навоҳии Рӯдакӣ, Лахш, Нуробод ва Рашт барои 49 сол ба ширкати "Trans-Tajik Gas Pipeline Company Limited" дода мешавад.

Дар ин майдон аз ҷумла сохтмони нақбҳо барои лӯлаи газ пешбинӣ шуда, ширкат ҳуқуқ надорад ҳаққи истифодаи онро ба тарафи сеюм диҳад.

Ҳукумат ширкати "Trans-Tajik Gas Pipeline Company Limited"-ро муваззаф кардааст, ки хисороти истифодабарандагони заминро пурра пардохт кунад ва инчунин ҷубронро ба буҷаи давлат барои аз гардиши кишоварзӣ берун мондани ин заминҳо ба маблағи  415 ҳазору 662 сомонӣ пардохт намояд.

Ин ширкат инчунин дастур гирифтааст, ки қабати ҳосилхези хокро тибқи тартиби муқарраршуда ҷамъ ва захира кунад.

Дар баробари ин роҳбарияти кишвар "Тоҷиктрансгаз"-ро муваззаф кардааст, ки мувофиқи салоҳдидаш дар муфофиқа бо Ҳукумат, мудирони бахши тоҷикистонии Шӯрои директорони ширкати Trans-Tajik Gas Pipeline Company Limited-ро таъину озод кунад. Ин ширкат инчунин дастур гирифтааст, ки ҳар моҳ ба Ҳукумат дар бораи иҷрои тарҳи лӯлаи гази "Тоҷикистон-Чин" гузориш диҳад.

Сохтмони қисмати тоҷикистонии лӯлаи гази Осиёи Миёна-Чин соли 2014 дар ҳузури Эмомалӣ Раҳмон ва ҳамтои чинияш Си Ҷинпин оғоз шуда буд. Иттилоъ дода шуд, ки дарозии он беш аз 400 километрро ташкил дода,  татбиқи ин лоиҳа боиси ҷалби беш аз 3 миллиард доллари амрикоӣ сармояи мустақими Чин ба иқтисоди Тоҷикистон мегардад ва садҳо нафар бо ҷои кор таъмин мешаванд.

Ҳукумати Тоҷикистон қаблан воридоти таҷҳизот барои бунёди қисмати тоҷикистонии лӯлаи газ ба Чинро аз пардохти боҷи гумрукӣ ва андоз аз арзиши иловашуда озод карда буд.

 

1627
Барчаспҳо:
сармоя, чиниҳо, замин, лӯлаи газ, Тоҷикистон-Чин
Тепловоз, архивное фото

Туркманистон сохтмони роҳи оҳани Афғонистон то сарҳади Тоҷикистонро анҷом хоҳад дод

3
(Таҷдидшуда 18:43 22.09.2020)
Намояндагони Туркманистон ва Афғонистон ҳамкориҳои минбаъда оид ба сохтмони роҳи оҳане, ки кишварҳои Осиёи Марказиро метавонад бо ҳам пайвандад, баррасӣ намуданд

ДУШАНБЕ, 22 сен – Sputnik. Намояндагони ожонсии “Роҳи оҳани Туркманистон” ва Идораи роҳи оҳани Вазорати нақлиёти Афғонистон доир ба сохтмони роҳи оҳан дар доираи лоиҳаи ТАТ-ро гуфтугӯ анҷом доданд, иттилоъ додааст рӯзномаи интернетии “Turkmenistan.ru”.

Аз ҷумла тарафҳо сохтмони қитъаи роҳи оҳани Акина –Андхой ва Тургунди-Ҳиротро баррасӣ карданд.

Дар ҳоли ҳозир, 1,5 километр роҳи оҳан сохта шудааст. Ҳамчунин аз 33 иншооти обгузар, сохтмони 16 иншоот ба анҷом расидааст.

Баъд аз анҷоми хобондани роҳи оҳан дар қитъаи Акина – Андхой, қарор аст сохтмони ин роҳи оҳан то марзи Тоҷикистон идома ёфбад.

Ҳангоими гуфтушунид, таъкид шудааст, ки роҳи оҳани мазкур имкон медиҳад ба Афғонистон ба муносибатҳои иқтисодӣ боз ҳам бештар ҷалб шавад.

Гуфта шудааст, ки ин раванд метавонад ба пойдори сулҳ дар ин кишвар мусоидат кунад.

3
Барчаспҳо:
баррасӣ, сохтмон, роҳи оҳан, Афғонистон, Туркманистон, Тоҷикистон
интернет-кафе, архивное фото

"Рейд"-и шабона дар интернет-кафеҳои шаҳри Хуҷанд - макони паҳншавии бемориҳои сироятӣ

33
(Таҷдидшуда 18:26 22.09.2020)
Бо мақсади иҷрои талаботи Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" дар марказҳои интернетӣ ва нуқтаҳои бозиҳои компютерии шаҳри Хуҷанд доир намуданд

 ДУШАНБЕ, 22 сен — Sputnik. Кормандони Раёсати Вазорати корҳои дохилӣ дар Суғд дар интернет-кафеҳои шаҳри Хуҷанд амалиёти шабона баргузор намуданд.

Бино бар иттилои манбаъ, санҷиши навбатӣ собит кард, ки то ҳанӯз аз беназоратии падару модар наврасону ҷавонон дар вақти дарс ва дар бевақтии шаб дар чунин марказҳо, ба бозиҳои зараровар ва хусусияти зуроваридошта машғул мегарданд.

"Дар натиҷаи санҷиши мақсаднок ошкор гардид, ки дар 7 нуқтаҳои бозиҳои компютерӣ ва 4 марказҳои интернетӣ дар баробари ҷавонон 5 нафар ноболиғ низ машғули чунин бозиҳои зараровар мебошанд", - тавзеҳ медиҳад манбаъ.

Гуфта мешавад, вобаста ба ҳолати ҷойдошта бо дастрасии моддаи 90-и КҲМ ҶТ нисбати волидайни ноболиғон протоколи ҳуқуқвайронкунии маъмурӣ тартиб дода шуд.

"Ҷавонону ноболиғон асосан дар чунин марказҳо ба бозии зараровари Контр-страйк, ки дар он қатлу куштор ва ҷаҳолату разолат таблиғ мегардад, машғул буданд", - афзудааст РВКД.

Кормандони милитсия бо 132 нафар ҷавонон, ки дар ин марказҳои компютерӣ бо бозӣ машғул буданд корҳои фаҳмондадиҳӣ-профилактикӣ доир намуда, оқибатҳои зараровари чунин бозиҳои хусусияти ваҳшонияту зуроваридоштаро фаҳмониданд.

Мавриди қайд аст, ки қоидаҳои санитариву гигиенӣ дар аксари марказҳои интернетӣ ва нуқтаҳои бозиҳои компютерӣ риоя нагардида, талаботҳои ҷойдошта оид ба пешгирии паҳншавии бемории сироятии коронавируси нави СОВИД-19 роҳандозӣ нагардидаанд.

Нисбат ба соҳибони марказҳои интернетӣ ва нуқтаҳои бозиҳои компютерӣ барои вайрон намудани талаботи дар иҷозатнома зикргардида, яъне ба ноболиғон иҷозат додан ба бозиҳои компютерӣ ва риоя накардани дигар талаботҳои қонунгузорӣ протоколҳои маъмурӣ тартиб дода шуд.

Дар Душанбе вуруди наврасони ба интернет – кафе манъ шуд

33