Корманд, акс аз бойгонӣ

Бо ришваситонӣ мубориза бурдан мехоҳед? - агентӣ ба кор даъват мекунад

369
(Таҷдидшуда 11:51 22.08.2018)
Ожонси мубориза бо фасоди Тоҷикистон барои ишғоли мансабҳои холӣ озмун эълон кардааст. Аз давталабон ихтисоси ҳуқуқшиносӣ ё иқтисодӣ тақозо мешавад. Музди кор аз 628 то 859 сомонӣ муайян шудааст

ДУШАНБЕ, 22 авг — Sputnik. Дар Ожонси мубориза бо фасоди Тоҷикистон барои ишғоли мансабҳои холӣ озмун эълон шудааст.

Тавре вебгоҳи ниҳод хабар медиҳад, дар ожонс 15 мансаби холӣ муайян шудааст, ки ба он аз ҳисоби мутахассисон корманд қабул карда мешавад.

Ҳамин тавр, Ожонси мубориза бо фасод шаҳрвандони Тоҷикистонро барои ишғоли мансаби ёвари мудири супоришҳои махсус, нозири калони раёсати ташкили кор, нозири калони раёсати кадрҳо, нозири калони бахши коргузории махфӣ, муфаттиши бахши тафтишотӣ ва ғайраҳо ба кор даъват мекунад.

Таҳсилоти олии касбии иқтисодӣ ё ҳуқуқшиносӣ ҳатмӣ буда, аз як сол то се сол собиқаи корӣ талаб карда мешавад.

Маош аз 628 то 859 сомонӣ муайян шуда, гуфта мешавад, иловапулӣ низ дода мешавад.

Хоҳишмандон метавонанд бо шартҳои озмун ва мансабҳои холӣ аз вебгоҳи Ожонси мубориза бо фасод шинос шаванд.

369
Барчаспҳо:
корманд, озмун, Ожонси мубориза бо фасод, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

471
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

471
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2732
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2732
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон