Қоҳир Расулзода, акс аз бойгонӣ

Нахуствазири Тоҷикистон ва хонаводааш роҳеро дар зодгоҳашон мумфарш мекунанд

1865
(Таҷдидшуда 13:04 23.08.2018)
Нахуствазири Тоҷикистон аз соҳибкорону саховатмандон даъват намудааст, ки дар чунин амалҳои созандагӣ саҳми худро бештар гузоранд

ДУШАНБЕ, 23 авг — Sputnik. Нахуствазири Тоҷикистон Қоҳир Расулзода тасмим гирифтааст, аз ҳисоби худ ва аъзои оилааш 5 километри шоҳроҳи Ҷамоати деҳоти Хистеварзи ноҳияи Бобоҷон Ғафуровро таъмир кунад.

Қоҳир Расулзода зимни сафари кориаш ба Суғд дар маросими оғози мумфаршкунии роҳ ширкат кард.

Тавре дафтари матбуотии Ҳукумати вилояти Суғд гузориш медиҳад, ҳамчунин дар ҷамоати деҳоти Хистеварз бо ташаббуси Қоҳир Расулзода кӯчаи Абдуқодир Нозиров ба таври замонавӣ чароғон мегардад.

Нахуствазири Тоҷикистон аз соҳибкорону саховатмандон даъват намудааст, ки дар чунин амалҳои созандагӣ саҳми худро бештар гузоранд

"Саҳмгузорӣ дар чунин тадбирҳои ободонӣ қарзи ҳар як фарди ватандӯст ба шумор меравад", таъкид кард нахуствазир.

Қоҳир Расулзода, зимни суханрониаш афзудааст, ки ҷамоати деҳоти Хистеварз фарзандони номбардори Ватанро ба воя расонидааст ва имрӯз замони он расидааст, ки ин нафарон дар ободии маҳалли зисташон ва зодгоҳашон ҳиссагузорӣ намоянд.

1865
Барчаспҳо:
Хуҷанд, нахуствазир, роҳ, Суғд, сафари корӣ, Расулзода, Тоҷикистон, Тоҷикистон
На улице в городе Душанбе, архивное фото

Обу ҳаво: имрӯз дар Тоҷикистон ҳаво то 29 дараҷа гарм мешавад

6
Имрӯз дар ҷумҳурӣ ҳаво тағйирёбанда ва камабри бебориш мешавад. Дар ин бора аз Агентии обуҳавошиносии Тоҷикистон хабар медиҳад

ДУШАНБЕ, 22 сен — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда ва камабри бебориш мешавад.    Шамол аз самти шарқ бо суръати 3-8 метр дар як сония мевазад. Ҳаво дар ғарби вилоят   шабона 4+9 ва рӯзона 22+27  дараҷа гарм  мешавад. Дар  шарқи вилоят  ҳаво шабона аз 1-6 ва дар баъзе ноҳияҳо то 10-12 дараҷа хунук,  рӯзона 10+15 дараҷа гарм мешавад.

Ҳаво дар вилояти Суғд камабр  ва тағйирёбанда шуда, эҳтимоли бориши нисбатан сусти марҳилавӣ (0-0,5мм) дар назар аст.  Шамол аз самти шарқ бо суръати 3-8  ва дар ноҳияҳои алоҳида бо шиддатнокии то 10-15 метр дар як сония мевазад. Ҳаво  дар водиҳо шабона 8+13 ва рӯзона 21+26 дараҷа гарм  мешавад. Дар ноҳияҳои кӯҳӣ ҳаво шабона 2+7  ва рӯзона 17+22  дараҷа гарм мешавад.

Дар вилояти Хатлон  ҳавои камабри  бебориш дар назар аст. Шамол аз самти шарқ  бо суръати 3-8 метр дар як сония мевазад. Ҳаво дар водиҳо шабона 8+13 ва рӯзона 25+30  дараҷа гарм мешавад. Дар  доманакӯҳҳо ҳаво шабона 7+12 ва рӯзона 22+27 дараҷа гарм мешавад.

Борон намеборад: пешгӯии дақиқи ҳавошиносон барои имрӯз

Дар шаҳру ноҳияҳои тобеи марказ ҳаво камабр ва дар баъзе ноҳияҳо тағйирёбандаи бебориш мешавад. Шамол аз самти шарқ бо суръати 2-7  метр дар як сония  мевазад.  Ҳаво  дар водиҳо  шабона 6+11 ва рӯзона 26+31 дараҷа гарм мешавад.  Дар ноҳияҳои кӯҳӣ ҳаво шабона 5+10 ва рӯзона 18 +23 дараҷа  гарм мешавад.

Дар  шаҳри Душанбе ҳавои камабри бебориш пешбинӣ шудааст. Шамол аз самти шарқ бо суръати 2-7  метр дар як сония  мевазад. Ҳаво шабона 7+9  ва  рӯзона 27+29 дараҷа гарм мешавад.

6
Жена народного поэта РТ Лоика Шерали - Зебунисси Кутбиддинова

Ду-се моҳи беморӣ ва инсулт: ҳамсари Лоиқ ба "дидор"-и Лоиқ рафт

245
(Таҷдидшуда 10:16 22.09.2020)
Зебуннисо Қутбиддинова, ҳамсари Лоиқ Шералӣ, субҳи имрӯз, 22 сентябр, дар синни 74-солагӣ олами фониро падруд гуфт

 ДУШАНБЕ, 22 сен — Sputnik. Ромиш Шералӣ, писари Лоиқ Шералӣ, дар таъйиди ин хабар ба Sputnik Тоҷикистон гуфт, модараш ду – се моҳи ахир аз маризӣ азият кашида, ҳатто як бор инсултро низ паси сар карданд ва шифо ёфтанд.

“Аммо ин хурсандии мо дер давом накард. Тақрибан 15 рӯзи пеш фишорашон баланд рафт ва он касро ба Шифохонаи Ибни Синои шаҳри Душанбе овардем. Ин субҳ даргузаштанд”, - гуфт Ромиш Шералӣ.

Зебуннисо Қутбиддинова соли 1946 дар шаҳри Панҷакент ба дунё омада, соли 1966 пас аз хатми мактаби миёна ба Донишгоҳи омӯзгории Тоҷикистон дохил шудааст. Соли 1967 риштаи умри худро бо Лоиқ Шералӣ, Шоири халқии Тоҷикистон пайвастааст.

Ҳосили ин издивоҷ се писару ду духтар мебошад. Марҳум то охири умр дар мактаби рақами 54 – и ба номи Лоиқ Шералии шаҳри Душанбе омӯзгор буд.

Ҳамзамон осорхонаи Лоиқ Шералӣ дар ин мактаб бунёд шуд, ки масъулияташро ӯ бар дӯш дошт.

Сӯҳбати ҳамсари Лоиқ: аз ошиқиву гиряҳову нафаси охирини шоир то мисрае, ки чоп нашуд

Лоиқ Шералӣ, Шоири халқии Тоҷикистон 30 июни соли 2000 дар синни 59-солагӣ аз сактаи мағзӣ оламро тарк кард. Ӯ аз камтарин шоирони муосири тоҷик аст, ки на фақат дар Тоҷикистон, балки форсизабонони ҷаҳон ҳаводорони зиёд дорад ва ашъораш ба даҳҳо забони хориҷӣ тарҷума шудаанд.

Яке аз охирин ғазалҳои ӯ ба номи “Рафтам ман аз бари ту, дидор дар қиёмат” унвон дошт, ки ба ҳамсараш бахшида шуда буд.

Як дӯсти хонавода дар таъзияномааш ба марги Зебуннисо Қутбиддинова чунин навишт: “Ин марг нест... Ӯ ба дидори ёри қиёматии худ рафт!”

Ҷанозаи Зебуннисо Қутбиддинова дар қабристони Сарманзили шаҳри Панҷакент пас аз намози пешин баргузор мешавад.

245