Мулоқоти Қурбонқулӣ Бердимуҳамедов ва Эмомалӣ Раҳмон, акс аз бойгонӣ

Эмомалӣ Раҳмон бо Қурбонқулӣ Бердимуҳаммедов мулоқот намуд

197
(Таҷдидшуда 13:09 24.08.2018)
Раисҷумҳурон масъалаҳои рушди ҳамкорӣ дар доираи Хазинаи Байналмилалии наҷоти Арал, такмили кори сохтори ташкилӣ ва асосҳои шартномавию ҳуқуқии Хазинаро баррасӣ намуданд

ДУШАНБЕ, 24 авг — Sputnik. Имрӯз дар шаҳри Туркменбошии Туркманистон раисҷумҳури  Тоҷикистон Эмомалӣ Раҳмон дар ҳошияи Ҷаласаи Шӯрои сарони давлатҳои муассиси Хазинаи Байналмилалии наҷоти Арал бо Қурбонқулӣ Бердимуҳаммедов раисҷумҳури ин кишвар дидор ва мулоқот кард.

Бино ба иттилои дафтари матбуотии раисҷумҳури Тоҷикистон, Эмомалӣ Раҳмон зимни мулоқот бо Қурбонқулӣ Бердимуҳаммедов масъалаҳои рушди ҳамкорӣ дар доираи Хазинаи Байналмилалии наҷоти Арал, такмили кори сохтори ташкилӣ ва асосҳои шартномавию ҳуқуқии Хазинаро баррасӣ намуданд.

Инчунин роҳбарони ду кишвар, зимни мулоқот таҳкими ҳамкорӣ бо ташкилотҳои молиявӣ ва донорҳо, ба хотири ҳалли мушкилоти минтақаро зарур шумурданд.

"Тарафҳо аз раванди муколамаи доимии сатҳи олӣ ва вазъи муносибатҳои ду кишвар, ки ба таври назаррас рушд меёбад, изҳори қаноатмандӣ карданд",- таъкид кард манбаъ.

Эмомалӣ Раҳмон ва Қурбонқулӣ Бердимуҳаммедов, ҳамкорӣ дар соҳаҳои нақлиёт, энергетика, саноати сабук ва коркарди маҳсулот, бахши кишоварзию саноат, тиҷоратию иқтисодӣ, алоқаи ҳавоӣ, рушди равобити илмӣ, фарҳангию гуманитарӣ, тандурустӣ ва сайёҳӣ, ҳамчун самтҳои афзалиятноки муносибатҳои дуҷониба арзёбӣ карданд.

197
Барчаспҳо:
Туркманистон, раисҷумҳур, мулоқот, ҳамкорӣ, Эмомалӣ Раҳмон, Тоҷикистон, Тоҷикистон
Аэропорт в Аэропорт в горах Хорога, архивное фото

Дастури Раҳмонзода барои таъмири фурудгоҳи шаҳри Хоруғ

57
(Таҷдидшуда 11:54 15.07.2020)
Бо дастури ёрдамчии Президент дар масъалаҳои рушди иҷтимоӣ ва робита бо ҷомеа Абдуҷаббор Раҳмонзода, фурудгоҳи шаҳри Хоруғ ба таъмир фаро гирифта мешавад

ДУШАНБЕ, 15 июл – Sputnik. Дар Вилояти Мухтори Кӯҳистони Бадахшон ҳайати гурӯҳи корӣ бо роҳбарии Раҳмонзода қарор доранд, ки аз ҷараёни омодагии вилоят ба ҷашни 30 - солагии Истиқлолияти давлатӣ дидан мекунанд.

Бар хабари котиботи раиси шаҳри Хоруғ, ҳайати корӣ нахуст аз фурудгоҳи ҳавоии маркази вилоят дидан намуданд ва Раҳмонзода дастур дод, то фурудгоҳ ба таъмир фаро гирифта шавад.

Гуфта мешавад, дар асоси супориши ёрдамчии Президент, қисматҳои харобгаштаи фурудгоҳ асфалтпӯш мешаванд ва инчунин аломату панҷараҳо низ аз нав рангубор мешаванд.

Қобили зикр аст, ки авохири моҳи гузашта нахустин парвози ҳавопаймо пас аз таваққуфи тӯлонӣ ба ВМКБ сурат гирифта буд.

Нахустин парвози ҳавопаймо ба Бадахшон пас аз таваққуфи 1 сола: 16 сарнишинро бурд

Тайёраи Ан-28 мутааллиқ ба ширкати ҳавопаймоии "Тоҷик Эйр" бо 16 сарнишин аз шаҳри Душанбе дар фурудгоҳи шаҳри Хоруғ нишаст.

Ин нахустин парвоз мебошад, ки бо гузашти як солу чор моҳ анҷом шуда буд.

Ба изҳори халабони ҳавопаймо Шукрихудо Додихудо, бо зиёд шудани мусофирон имкони ҳамарӯза интиқол додани мусофирон аз пойтахт ба ВМКБ мавҷуд аст.

Аммо гарони нархи чипта ба эҳтимоли зиёд теъдоди парвозҳо ба ин вилоятро афзун намекунад.

Зеро нархи чиптаи парвоз аз Душанбе ба ВМКБ 900 сомониро ташкил медиҳад. Ин нарх дар ҳолест, ки давомёбии парвоз на беш аз 1 соату 30 дақиқа тӯл мекашад.

Сокинони ин вилоят пайваста аз гаронии нархи мошину ҳавопаймо изҳори нигаронӣ мекунанд. Зеро масрафи сафар ба Бадахшон ҳам тариқи роҳи заминӣ ва ҳам ҳавоӣ ба фарқ аз вилояти Суғд ниҳоят гарон аст.

57
Барчаспҳо:
таъмир, фурудгоҳ, Хоруғ
Наручники

Авбошии ду ноболиғи 17 - сола: ҳамсолашонро бе асос дашном карда кӯфтанд ва кор заданд

42
(Таҷдидшуда 11:19 15.07.2020)
Вазорати умури дохилаи Тоҷикистон аз боздошти ду ноболиғ хабар медиҳад, ки дар авбошӣ муттаҳам дониста мешаванд

ДУШАНБЕ, 15 июл – Sputnik. Кормандони милитсия дар шаҳри Душанбе ду ноболиғи 17 - соларо дастгир намуданд, ки дар латукӯб ва бо корд ҷароҳат намудани ҳамсоли худ гумонбар дониста мешаванд.

Ба иттилои котиботи Вазорати умури дохилии Тоҷикистон, сокини 17 - солаи пойтахт ба ШВКД-1 дар ноҳияи Фирдавсӣ бо аризаи шикоятӣ муроҷиат намудааст.

Ба изҳори номбурда, санаи 13-уми июли соли 2020, тахминан соати 21:30-дақиқа дар кӯчаи Борбад ду ноболиғи 17-солаи сокинони пойтахт, бе ягон асос аз ҳиссиёти авбошӣ ӯро дашномҳои қабеҳ дода, зери лату куб қарор дода, яке аз онҳо бо корди дар дасташ буда 1-маротиба ба пойи ҷабрдидаи ноболиғ задааст.

Маст буд: боздошти Ҷононаи 24 - сола барои латукӯб ва таҳқири ду хоҳар дар Душанбе - навор

Дар натиҷа ноболиғ ҷароҳати ҷисмонӣ бардоштааст.

Манбаъ меафзояд, яке аз ду ноболиғи авбош қаблан ҳам бо моддаи 237 қисми 2 Кодекси ҷиноятии Ҷумҳурии Тоҷикистон суд шудааст

ВУД Тоҷикистон мегӯяд, феълан аз рӯи ҳодисаи мазкур тафтишот идома дорад.

42
Барчаспҳо:
дастгир, ноболиғон, авбошӣ
Доктор проверяет панель управления аппаратом искусственной вентиляции легких

Кумаки навбатии Қазоқистон ба Тоҷикистон: дастгоҳҳои нафасдиҳӣ медиҳад

0
Дастгоҳҳои нафсдиҳии сунъӣ, ки Қазоқистон ба Тоҷикистон медиҳад, дар вилояти Акмола истеҳсол карда мешаванд

ДУШАНБЕ, 15 июл – Sputnik. Қазоқистон ба Тоҷикистон дастгоҳҳои нафасдиҳии сунъӣ мефиристад, гуфт муовини вазири тандурустӣ Людмила Бюрабекова дар як брифинги онлайнӣ

Номбурда гуфт, ки таҷҳизоти нафасдиҳӣ ба Тоҷикистон ҳамчун кӯмаки башардӯстона то охири сол интиқол дода мешавад.

"Ҳама кишварҳо ба ҳамдигар кӯмак мерасонанд ва кишвари мо низ ба дигарон кӯмаки башардӯстона мерасонанд. Ҳукумати Қазоқистон дар назар дорад, ки то охири сол кӯмаки башардӯстона ба Тоҷикистонро дар шакли дастгоҳҳои нафасдиҳии сунъӣ фароҳам орад", гуфт Бюрабекова.

Муовини вазири Қазоқистон гуфт, ки дастгоҳҳо барои интиқоли беморон дар мошини ёрии таъҷилӣ метавон истифода бурд. Таҷҳизот дар вилояти Акмолаи кишвар истеҳсол карда мешавад.

Ёдовар мешавем, ин нахустин кумаки башардӯстонаи Қазоқистон ба Тоҷикистон набуда, моҳҳои апрел ва май маводи озуқа аз қабили орд ёрӣ дод.

0