Ифтитоҳи боғи Кӯли ҷавонон дар Душанбе

Шоми раисиҷумҳур дар "Кӯли ҷавонон": Раҳмон навсозии боғи 78-соларо писандид (АКС)

789
(Таҷдидшуда 09:40 29.08.2018)
Эмомалӣ Раҳмон, раисиҷумҳури Тоҷикистон шоми 28 август боғи фарҳангию фароғатии "Кӯли ҷавонон" - ро ба истифода дод, ки тайи 10 моҳи охир бозсозӣ шуда буд

ДУШАНБЕ, 29 авг — Sputnik. Тибқи иттилои дафтари матбуоти раисиҷумҳури Тоҷикистон, боғи "Кӯли ҷавонон", ки ҳанӯз соли 1940 бунёд ёфта, инфрасохтораш куҳна шуда буд, ба макони муосири фароғатӣ табдил дода шуд.

Ба иттилои манбаъ ҳудуди боғ 3,5 гектарро ташкил дода, дар ҷараёни корҳои навсозӣ зиёда аз 15 ҳазор метри мураббаъ роҳравҳо сафолакпӯш ва 18 ҳазор метри муррабаъ майсазор гардонида шудааст. Барои чароғонкунии боғ бошад  267 сутунпояи аз 3 то 12-метра насб карда шудаанд.

Дар "Кӯли ҷавонон" зиёда аз 500 бех дарахтони нодири сояафкану ороишӣ шинонида шуда, се навъи гулҳои мавсимӣ, дар маҷмуъ зиёда аз 400 ҳазор бех муҳити боғ ро зебою назаррабо гардонидаанд.

  • Боғи Кӯли ҷавонон дар Душанбе
    Боғи "Кӯли ҷавонон" дар Душанбе
    дафтари матбуоти раисиҷумҳури Тоҷикистон
  • Эмомалӣ Раҳмон ҳангоми ифтитоҳи Кӯли ҷавонон дар Душанбе
    Эмомалӣ Раҳмон ҳангоми ифтитоҳи "Кӯли ҷавонон" дар Душанбе
    дафтари матбуоти раисиҷумҳури Тоҷикистон
  • Ифтитоҳи боғи Кӯли ҷавонон дар Душанбе
    Ифтитоҳи боғи "Кӯли ҷавонон" дар Душанбе
    дафтари матбуоти раисиҷумҳури Тоҷикистон
  • Боғи Кӯли ҷавонон дар Душанбе
    Боғи "Кӯли ҷавонон" дар Душанбе
    дафтари матбуоти раисиҷумҳури Тоҷикистон
  • Боздиди Эмомалӣ Раҳмон аз Кӯли ҷавонон
    Боздиди Эмомалӣ Раҳмон аз "Кӯли ҷавонон"
    дафтари матбуоти раисиҷумҳури Тоҷикистон
  • Эмомалӣ Раҳмон дар боғи Кӯли ҷавонон
    Эмомалӣ Раҳмон дар боғи "Кӯли ҷавонон"
    дафтари матбуоти раисиҷумҳури Тоҷикистон
  • Эмомалӣ Раҳмон дар боғи Кӯли ҷавонон-и Душанбе
    Эмомалӣ Раҳмон дар боғи "Кӯли ҷавонон"-и Душанбе
    дафтари матбуоти раисиҷумҳури Тоҷикистон
1 / 7
дафтари матбуоти раисиҷумҳури Тоҷикистон
Боғи "Кӯли ҷавонон" дар Душанбе

Дафтари матбуоти раисиҷумҳур афзуд, ки як фавораи бузурги бо мусиқӣ танзимшаванда ва ду фавораи хурди боғи фарҳангию фароғатии "Кӯли ҷавонон" бо рӯшноии чароғҳои ранга муҳити атрофро  ҷаззоб месозанд. Дар боғ таваққуфгоҳ барои 70 автомашина ва бинои нави маъмурӣ низ сохта шудааст.

Феълан дар боғи "Кӯли ҷавонон"  70 адад курсиҳои гуногун, майдонча барои бозии кӯдакону наврасон ва барои машқҳои шиноварию сайёҳат дар об 20 қаиқи замонавӣ дастрас шудааст.

Эмомалӣ Раҳмон ба корҳои навсозии боғи фарҳангию фароғатии "Кӯли ҷавонон" баҳои баланд дода, таъкид намудааст, ки ин Ватанро танҳо метавон бо садоқату вафодорӣ ва хизмати содиқона пойдору пешрафта гардонд.

789
Барчаспҳо:
кӯли ҷавонон, боғча, истироҳат, ифтитоҳ, фарҳанг, Тоҷикистон
Участие Рустама Эмомали в XIII пленарного заседания Парламентской Ассамблеи Организации Договора о коллективной безопасности (ПА ОДКБ)

Рустами Эмомалӣ бо дигар аъзоёни СААД амнияти минтақаро баррасӣ кард: пешниҳодаш қабул шуд

19
Рустами Эмомалӣ, Раиси Маҷлиси миллии Маҷлиси Олии Тоҷикистон нахустин маротиба дар ҷаласаи Шӯро ва Ҷаласаи 13-уми Ассамблеяи Парламентии Созмони Аҳдномаи Амнияти Дастаҷамъӣ ширкат ва суханронӣ кард

ДУШАНБЕ, 30 ноя — Sputnik. Бино ба иттилои Наврӯз Қурбонзода, ёвари Раиси Маҷлиси миллӣ оид ба робита бо ВАО, дар ҷараёни кори ҷаласаҳои зикршуда дар қатори масъалаҳои ташкилӣ натиҷаҳои корҳо оид ба амалигардонии афзалиятҳои раёсати Федератсияи Россия дар Созмони Аҳдномаи амнияти дастаҷамъӣ дар соли 2020, вазъият дар минтақаи зери масъулияти Созмони Аҳдномаи амнияти дастаҷамъӣ ва чораҳои муқовимат ба таҳдиду хатарҳо ба амнияти дастаҷамъӣ баррасӣ шуд.

Ба иттилои манбаъ, ҳамзамон дар идомаи ҷаласа лоиҳаи санадҳои қонунгузории намунавӣ ва тавсияҳо оид ба масъалаҳои мудофиа ва амният, ҷараёни имплементатсияи меъёрҳои санадҳои қонунгузории намунавӣ дар қонунгузории миллии давлатҳои аъзои созмон, лоиҳаи Барномаи фаъолияти Ассамблеяи Парламентии Созмони Аҳдномаи амнияти дастаҷамъӣ оид ба наздикшавӣ ва ҳамгироии қонунгузории миллии давлатҳои аъзои СААД барои солҳои 2021-2025 мавриди баррасӣ қарор гирифтанд.

Рустами Эмомалӣ зимни суханронӣ дар ҷаласа бо дарназардошти Раёсати Ҷумҳурии Тоҷикистон дар Созмони Аҳдномаи амнияти дастаҷамъӣ дар соли 2021 пешниҳод кардаст, ки ҷаласаи навбатии Ассамблеяи Парламентии Созмони Аҳдномаи амнияти дастаҷамъӣ нимсолаи якуми соли 2021 дар Тоҷикистон доир карда шавад.

“Иштирокчиёни ҷаласа пешниҳодро якдилона қабул карданд”,-афзудааст манбаъ.

Ҳамзамон зимни ҷаласа таҳияи феҳрасти ягонаи созмонҳои террорист аз ҷониби Вячеслав Володин, роҳбари Думаи давлатии Русия садо додааст.

Мақомдорони СААД вазъи муҳоҷират дар пандемияро баррасӣ кардаанд

Номбурда гуфтааст, таҳияи феҳрасти ягонаи созмонҳои террористӣ имконият медиҳад, ки ба ҷинояткории байналмилалӣ муборизаи самаранок бурда шавад.

“Аз ҳама муҳим, мо холигии ҳуқуқиро бартараф мекунем, вақте созмон, ки дар як кишвари СААД террористӣ эътироф шудааст, метавонист дар қаламрави кишвари дигар озодона фаъолият кунад”, - изҳор дошт Володин.

Ӯ илова намуд, ки ба ҳамин восита хадамоти махсуси кишварҳои узв метавонанд ҳамкориро ба сатҳи нисбатан баланд бардоранд.

19
Барчаспҳо:
қонунгузорӣ, мудофиа, амният, суханронӣ, ширкат, СААД, Рустами Эмомалӣ, Тоҷикистон
Скорая помощь, архивное фото

Худкушии духтари 16 -сола дар Бадахшон: дар хонаи хобаш худро ба дор овехт

777
(Таҷдидшуда 17:08 30.11.2020)
Волидони марҳум мегӯянд, фарзандашон ягон мушкилӣ надошт ва далели худкушӣ кардани ӯ барои онҳо номаълум аст

ДУШАНБЕ, 30 ноя — Sputnik. Дар яке аз ноҳияҳои Вилояти Мухтори Кӯҳистони Бадахшон духтари 16- сола худкушӣ кардааст, хабар медиҳад Раёсати КҲФ дар вилояти мазкур.

Ба иттилои манбаъ, ҳодисаи нохуш дар деҳаи Чарсеми ҷамоати деҳоти Вер рух додааст.

"Духтари 16-сола бегоҳи рӯзи 29 ноябр, тақрибан соати 18:30 дақиқа худро дар хонаи хобаш дор кашидааст", - таъкид мешавад дар хабар.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Марҳум хонандаи синфи 9 МТМУ № 40 будааст.

Феълан сабаби даст ба худкушӣ задани хонандаи мактаб рушан нест. Волидони марҳум изҳор доштаанд, ки фарзанди онҳо ягон мушкилӣ надошт ва далели худкушӣ кардани ӯ барои онҳо номаълум аст.

РКҲФ дар вилояти Бадахшон мегӯяд, феълан нисбати ин ҳодиса аз ҷониби мақомоти дахлдор тафтишот идома дорад.

777
Барчаспҳо:
ба дор овехтан, духтар, Бадахшон