Стенд с надписью Я люблю Худжанд, архивное фото

Дар Суғд аввалин анҷумани соҳибкорони бурунмарзии ин вилоят баргузор мешавад

97
(Таҷдидшуда 19:08 29.08.2018)
Раиси вилояти Суғд Раҷаббой Аҳмадзода аз 27 августи соли 2018, қарореро ба тасвиб расонд, ки тибқи он дар даҳаи аввали моҳи сентябр Анҷумани I-уми соҳибкорони бурунмарзии вилояти Суғд баргузор мешавад

ДУШАНБЕ, 29 авг — Sputnik.  Бо мақсади тақвият бахшидан ба рушди устувори иқтисодӣ, ҷалби имкониятҳои сармоягузории соҳибкорони бурунмарзӣ ба соҳаҳои иқтисодиву иҷтимоии вилоят рӯзҳои 6-8 сентябри соли равон аввалин анҷумани соҳибкорони бурунмарзии вилояти Суғд баргузор мешавад.

Дар ин бора Раҷаббой Аҳмадзода, раиси вилояти Суғд,  ахиран қарореро ба тасвиб расонидааст.

“Тибқи қарори мазкур аз ҳисоби сардорони Раёсат, мудирони шуъбаҳои мақомоти иҷроияи ҳокимияти давлатии вилоят ва дигар ташкилоту идораҳо кумитаи тадорукот барои ташкил ва гузаронидани Анҷумани I-уми соҳибкорони бурунмарзии вилояти Суғд таъсис дода шудааст”, - таъкид кардааст манбаъ.

Ба иттилои манбаъ, дар асоси қарори зикршуда кумитаи тадорукот вазифадор карда шудааст, ки дар ҳамкорӣ бо сохторҳои дахлдор ҷиҳати дар сатҳи баланд гузаронидани Анҷуман тадбирҳои заруриро амалӣ намояд.

97
Барчаспҳо:
соҳибкорон, сармоягузорӣ, иқтисодӣ, анҷуман, Суғд
Сценарист и кинорежиссер Искандар Усмонов

Искандар Усмонов дар Теҳрон ҷоиза гирифт

77
(Таҷдидшуда 19:45 28.11.2020)
Коргардон ва драматурги тоҷик Искандар Усмонов дар як Ҷашнвораи байналмилалии филмҳо дар шаҳри Теҳрон соҳиби ҷоиза гардид

ДУШАНБЕ, 28 ноя — Sputnik. Дар шаҳри Теҳрон маросими ҷоизасупорӣ ба иштирокчиёни Ҷашнвораи байналмилалии филмҳои "Муқовимат" баргузор гардид, хабар медиҳад рӯзномаи Вечёрка.

Маросими мазкур санаи 23 ноябр баргузор гардид ва як намояндаи Тоҷикистон низ сазовори ҷоиза гашт.

Манбаъ меафзояд, муаллифи сенарияи филми "Дар марз", коргардон ва драматурги тоҷик Искандар Усмонов бо ҷоизаи "Сенарияи беҳтарини филми ҳунарии кутоҳмуддат" мукофотонида шуд.

Филм дар ҳамкорӣ бо коргардони қирғиз Тинчтик Абилқосимов дар "Киргизфилм" ба навор гирифта шудааст.

Филм барои +18 ё поинтар: тағйири қонуни Тоҷикистон “Дар бораи кино”

Қаҳрамонони филми "Дар марз" бо забонҳои тоҷикӣ, русӣ ва қирғизӣ ҳарф мезананд. Филм дар асоси саргузашти сокини солхӯрдаи як деҳаи Тоҷикистон, ки барои дидорбинии хешовандонаш ба деҳаи Қирғизистон меравад, таҳия шудааст.

Тавре коргардони тоҷик гуфт, филм 10 рӯз дар минтақаи Ботканди Қирғизистон ба навор гирифта шудааст.

Соли гузашта филми "Дар марз" дар озмуни байналмилалӣ дар VII Форуми филми ҷавони кишварҳои ИДМ "Умут" дар бахши "Мубрамияти ғоя" пирӯз шуда буд.

77
Жители Душанбе на улице в масках

Омори фавт, сироят ва шифоёбӣ аз коронавирус дар Тоҷикистон

152
(Таҷдидшуда 19:41 28.11.2020)
Вазорати тандурустии Тоҷикистон хабар медиҳад, ки давоми чанд ҳафтаи ахир дар ҷумҳурӣ ягон ҳолати фавт аз коронавирус ба қайд гирифта нашудааст

ДУШАНБЕ, 28 ноя — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба  12118 нафар баробар гардид.

Ҳамзамон, дар як шабонарӯзи охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11518 (95,0%) нафар баробар гардид.

36 кас мариз шуданду 42 тан шифо ёфтанд: омори коронавирус дар Тоҷикистон

Вазорат таъкид мекунад, ки давоми чанд ҳафта дар ҷумҳурӣ ягон ҳолати маргу мир аз коронавирус сабт нагардида, ҷамъан аз авоили бурузи ин маризӣ 86 нафар ҷони худро аз даст доданд.

Дар ҳамин ҳол, Ҳукумати Тоҷикистон ва Вазорати тандурустӣ аз тамоми сокинони кишвар даъват мекунанд, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

152
Барчаспҳо:
маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Дар Хатлон 941 иншооти тандурустӣ бунёду навсозӣ мешавад

0
(Таҷдидшуда 20:57 28.11.2020)
Дар вилояти Хатлон бахшида ба истиқболи сазовори 30-солагии Истиқлоли Тоҷикистон бунёди 941 иншооти тандурустӣ дар назар аст

ДУШАНБЕ, 28 ноя — Sputnik. Ба истиқболи 30-солагии Истиқлолияти давлатӣ ва баланд бардоштани сатҳу сифати хизматрасонии тиббӣ ба аҳолӣ дар вилояти Хатлон 532 иншооти соҳаи тандурустӣ бунёд гардидааст, хабар дод нашрияи парлумонии “Садои мардум”.

Манбаъ аз қавли шуъбаи иттилоотию таҳлилии Дастгоҳи раиси вилояти Хатлон хабар дод, то ҷашни Истиқлол дар вилоят бунёду навсозии 941 иншооти тиббӣ ба нақша гирифта шудааст, ки наздики 70 дарсади он мавриди баҳрабардорӣ қарор дорад.

“Аз ҷумла, 27 беморхона, 55 маркази саломатӣ, 159 бунгоҳи тиббӣ, 142 нуқтаи хатнакунӣ, 14 таваллудхона ва 135 дорухона дар хизмати аҳолӣ қарор дода шуд”, - омадааст дар иттилоия.

Таъкид шудааст, ки айни ҳол сохтмони иншооти калонҳаҷм, аз қабили бинои Маркази перинаталӣ ва Маркази табобатии бемориҳои қалб дар шаҳри Бохтар, Беморхонаи бисёрсоҳа бо 200 кати бистарикунонӣ ва Маркази саломатӣ барои қабули 300 бемор дар ноҳияи Қубодиён, Беморхонаи касалиҳои сироятӣ дар ноҳияи Данғара ва Беморхонаи рақамӣ дар ноҳияи Ҷалолиддини Балхӣ, бомаром идома дошта, дар арафаи анҷомёбист.

Инчунин, дар деҳот сохтмони бунгоҳ ва марказҳои саломатӣ идома дорад.

Нашрия зикр намудааст, ки ҳоло дар вилояти Хатлон 115 муассисаи сохтори госпиталӣ ва 41 муассисаи амбулаторию госпиталӣ фаъолият менамоянд.

0
Барчаспҳо:
сохтмон, Тоҷикистон