Преступник за решеткой

Ҷузъиёти арақдуздиву ҳасибдуздии Шоҳин аз хонаи Ибодат дар нимашаб

278
(Таҷдидшуда 11:33 01.09.2018)
Ҷавон аз торикии шаб ва хоб будани соҳибхона истифода бурда, 3 телефони мобилӣ, 2 шиша нӯшокии спиртии навъи “Куллер” арзишаш 15 сомонӣ, 300 грамм ҳасиби намуди “Сервилат” арзишаш 15 сомониро дуздида, ҷамъ ба маблағи умумии 1880 сомонӣ ба соҳибхона зарари моддии ҷиддӣ расонида, аз ҷои ҳодиса ғайб задааст

ДУШАНБЕ, 1 сен — Sputnik. Вазорати умури дохилаи Тоҷикистон аз боздошти сокини 37-солаи ноҳияи Ҷаббор Расулов хабар медиҳад, ки ба дуздии телефон, ҳасиб ва нӯшокии спиртӣ муттаҳам мешавад.

Бино бар иттилои манбаъ, ҳангоми гузаронидани чорабиниҳои ҷустуҷӯӣ аз ҷониби кормандони милиса муайян карда шуд, ки Ҳамроён Шоҳин, истиқоматкунандаи ҷамоати Ғулакандоз, деҳаи Самадов, рӯзи 16 август тахминан соати 02:00-и шаб бо мақсади дуздӣ, ба назди хонаи шаҳрванд Ҷабборова Ибодат Абдумавлоновна, омада ба воситаи девор ба ҳавлии ӯ ворид шудааст. 

Сипас номбурда аз торикии шаб ва хоб будани соҳибхона истифода бурда, бо тариқи пинҳонӣ телефони мобилии тамғаи "Самсунг" арзишаш 850 сомонӣ, телефони мобилии тамғаи "Вертекс" арзишаш 700 сомонӣ, телефони мобилии тамғаи "Нокия" арзишаш 300 сомонӣ, 2 шиша нӯшокии спиртии навъи "Куллер" арзишаш 15 сомонӣ, 300 грамм ҳасиби намуди "Сервилат" арзишаш 15 сомониро дуздида, ҷамъ ба маблағи умумии 1880 сомонӣ ба соҳибхона зарари моддии ҷиддӣ расонида, аз ҷои ҳодиса ғайб задааст. 

Бо андешидани чораҳои оперативӣ-ҷустуҷӯӣ аз ҷониби кормандони милитсия Ҳамроён Шоҳин дастгир карда шуда, аз ӯ телефонҳои мобилии "Вертек", "Самсунг" ва "Нокия" ҳамчун далели шайъӣ гирифта шуд. 

Оиди ҳодисаи мазкур аз тарафи шуъбачаи тафтишотии ШВКД дар ноҳияи Ҷ.Расулов нисбати Ҳамроён Шоҳин, дар содир намудани ҷинояти бо моддаи 244 қисми 2 банди "в", "г" Кодекси ҷиноятии Ҷумҳурии Тоҷикистон пешбинишуда, парвандаи ҷиноятӣ оғоз гардида, тафтишоти пешакӣ идома дорад.

278
Барчаспҳо:
дуздӣ, ВУД, Тоҷикистон
Преступник за решеткой

Куштор дар Вахш: писар ба хотири ҳамсари худ падарашро бо қарабоӣ зада кушт

107
Вазорати умури дохилии Тоҷикистон аз ҳалокати сокини 58 - солаи Вахш хабар медиҳад, ки аз дасти писари худ кушта шуд

ДУШАНБЕ, 31 май — Sputnik. Кормандони милитсия сокини 35 - солаи ноҳияи Вахшро боздошт намуданд, ки дар қатли падари худ гумонбар дониста мешавад.

Ба иттилои котиботи Вазорати умури дохилии Тоҷикистон, ҳодисаи мазкур шаби 28-уми майи соли 2020, тахминан соати 23:30-дақиқа рух додааст.

Сохтмоне, ки поёнаш бо куштор анҷомид: коргарро ба қатл расонидаю пеши хона гӯр кардаанд

Манбаъ тавзеҳ медиҳад, ки номбурда бо мақсади қасдан расонидани зарари ҷисмонӣ ба падараш, марди 58-солаи сокини ҳамон ҷо дар манзили истиқоматиашон бо зарфи обгираки оҳанин (қарабои) аз ҷойгаҳи хобаш бедор карда, бо баҳонаи он, ки ӯ қаблан ҳамсараш, зани 30-солаи сокини ҳамонҷоро лату кӯб кардааст, ба сару руяш се маротиба задааст.

Дар натиҷа ҷабрдида ҷароҳатҳои вазнини ҷисмонӣ бардошта, дар беморхона бистарӣ карда шуда, ба ҳалокат расидааст.
ВУД Тоҷикистон мегӯяд, нисбати гумонбаршаванда парвандаи ҷиноятӣ бо моддаи 110 қисми 3 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

107
Барчаспҳо:
писар, падар, Вахш, куштор
Таблетки, архивное фото

“Авифавир”: нахустин доруи зидди COVID-19 дар Русия аз суи Вазорати тандурустӣ тасдиқ шуд

434
(Таҷдидшуда 11:44 31.05.2020)
Вазорати тандурустии Русия як доруеро тасвиб кард, ки ба паҳншавии коронавирус дар бадан монеъ мешавад

ДУШАНБЕ, 31 май — Sputnik. Вазорати тандурустии Русия аввалин доруи сохти ватании зидди коронавирусро барои истеҳсол иҷоза дод, хабар медиҳад РИА Новости.

Маводи доруворӣ бо тамғаи иҷоратии “Авифавир” аз ҷониби Фонди сармоягузории мустақими Русия (РФПИ) ва гурӯҳи ширкатҳои "Химрар" таҳия карда шудааст.

Гуфта мешавад, Авифавир нахустин доруи мустақими вирусии сохти  Русия аст, ки дар озмоишҳои клиникӣ самараи худро нишон додааст.

Дору ба паҳншавии коронавирус дар тамоми бадани инсон халал мерасонад.

Қаблан Созмони Ҷаҳонии Беҳдошт гуфта буд, ки бидуни ваксина пандемияро комилан мағлуб имкон надорад.

“Авифавир на танҳо доруи антивирусӣ алайҳи коронавирус дар Русия ба қайд гирифта шудааст, балки мумкин аст, умедворкунандатарин доруи зидди COVID-19 дар ҷаҳон бошад”,- гуфт директори генералии Фонди сармоягузории мустақими Русия (РФПИ) Кирилл Дмитриев.

Снаи 24 май, нахустурологии Вазорати тандурустӣ, академик Дмитрий Пушкар эълон карда буд, ки аввалин дору барои табобати коронавирус дар бозори Русия моҳи июн пайдо мешавад. Ба гуфтаи табиб, бо истифода аз ин дору, табобати сирояти коронавирус на зиёда аз як ҳафта тул хоҳад кашид.

Вазорати тандурустӣ аз тадриҷан кам шудани коронавирус дар Тоҷикистон хабар дод

Бино бар пояи оморҳои ахир давоми як рӯзи охир дар Русия 8952 ҳолати нави сироятёбӣ бо коронавирус ошкор шудааст. Дар маҷмӯъ, 396.575 нафар тасдиқ карда шуданд, ки аз он 4,5 ҳазор нафар фавтиданд, беш аз 167 ҳазор бемор шифо ёфтаанд.

434