Президент Тоҷикистон Эмомали Рахмон дар Хатлон, акс аз бойгонӣ

Сафари Раҳмон ба ВМКБ: дар Ванҷ мактаб кушоду ба кормандони амният хона дод

501
(Таҷдидшуда 11:18 11.09.2018)
Субҳи имрӯз Эмомалӣ Раҳмон, раисҷумҳури Тоҷикистон ба ВМКБ бо мақсади шиносоӣ бо вазъи иҷтимоӣ, иқтисодӣ, фарҳангии мардум, ифтитоҳи як қатор иншооти нав ва мулоқот бо сокинон ба Вилояти Мухтори Кӯҳистони Бадахшон сафар кард

ДУШАНБЕ, 11 сен — Sputnik. Бино ба иттилои дафтари матбуоти раисҷумҳур, сафари кории Эмомалӣ Раҳмон, раисҷумҳури Тоҷикистон аз ноҳияи Ванҷ оғоз шуд.

Эмомалӣ Раҳмон дар ноҳияи Ванҷ бинои наву замонавии Муассисаи таҳсилоти миёнаи умумии рақами 4-ро ифтитоҳ намуд.

"Бинои нави Муассисаи таҳсилоти миёнаи умумии рақами 4 дар маркази ноҳияи Ванҷ барои 1280 нафар хонанда дар ду баст пешбинӣ гардида, дорои муосиртарин шароити таълиму тарбия барои насли наврас мебошад. Иншооти мазкур аз се бинои ду ва сеошёна иборат мебошад", — гуфт манбаъ.

Инчунин ба гуфтаи манбаъ, раисҷумҳури Тоҷикистон Эмомалӣ Раҳмон, ба фаъолияти бинои нави маъмурии Мақомоти иҷроияи ҳокимияти давлатии ноҳияи Ванҷ оғози расмӣ бахшиданд.

Бинои нав аз 3 ошёна иборат буда, бо тарҳи зебою замонавӣ дар масоҳати 2033 метри мураббаъ қомат афрохтааст ва дорои 52 ҳуҷраи корӣ мебошад.

Дафтари матбуоти раисҷумҳур иттилоъ додааст, ки дар ноҳияи Ванҷ, Президенти Тоҷикистон Эмомалӣ Раҳмон, бинои Қасри фарҳангро ифтитоҳ кард.

Корҳои сохтмонӣ дар бинои Қасри фарҳанги ноҳияи Ванҷ соли 2016 оғоз гардида, аз тарафи коргарону мутахассисони маҳаллӣ ба анҷом расонида шудаанд.

Иншооти мазкур аз ду ошёна иборат буда, толори барҳавои он дорои 350 ҷойи нишаст мебошад.

"Зимни ифтитоҳит иншооти мазкур раисҷумҳури Тоҷикистон Эмомалӣ Раҳмон таъкид намудааст, ки дастгирии соҳаи фарҳанг аз авлавиятҳо дар сиёсати иҷтимоии Ҳукумати мамлакат қарор дода шудааст", — гуфт манбаъ.

Манбаъ афзуд, ки ифтитоҳи бинои Қасри фарҳанг дар ноҳияи Ванҷ барои баргузории чорабиниҳои гуногуни фарҳангӣ, қонеъ сохтани талаботи маънавии сокинон ва баланд бардоштани малакаи касбии кадрҳои ҷавон имконоти васеъ фароҳам меоварад.

Инчунин бино ба иттилои манбаъ, Эмомалӣ Раҳмон, раисҷумҳури Тоҷикистон дар доираи сафари кориаш ба ноҳияҳои ВМКБ дар ноҳияи Ванҷ бинои маъмурии шуъбаи Кумитаи давлатии амнияти миллии Тоҷикистонро, ифтитоҳ намуданд.

Эмомалӣ Раҳмон, раисҷумҳури Тоҷикистон дар ҳамин ҷо калиди хонаҳои истиқоматии ду ва сеҳуҷрагиро ба кормандони шуъбаи Кумитаи давлатии амнияти миллӣ дар ноҳияи Ванҷ супорид.

Президенти кишвар кормандони соҳаро ба хизмати софдилонаву содиқона ба нафъи халқу Ватан ва саҳмгузории бештар дар таъмини сулҳу суботи ҷомеа даъват намуд. 

501
Барчаспҳо:
ВМКБ, сафари корӣ, ифтитоҳ, иншоот, Эмомалӣ Раҳмон, Тоҷикистон

Довари бозии "Куктош" ва "Хатлон" муҷозот карда шуд

25
(Таҷдидшуда 18:22 15.08.2020)
Кумитаи доварони Федератсияи футболи Тоҷикистон эътирози дастаи "Хатлон"- ро вобаста ба ду ҳолат аз назар гузаронд

ДУШАНБЕ, 15 авг — Sputnik. Бо қарори Кумитаи доварони Федератсияи футболи Тоҷикистон довари асосии бозии даври 11-уми Лигаи олӣ миёни дастаҳои "Куктош" ва "Хатлон" (2:1) Беҳрӯз Муртазоев аз ҳаққи доварӣ дар ду даври бозиҳои Лигаи олӣ маҳрум шуд.

Ба иттилои сомонаи "Варзиш", Кумитаи доварони ФФТ эътирози дастаи "Хатлон"-ро вобаста ба ду ҳолат аз назар гузаронд.

Пас аз таҳлили наворҳои бозӣ Кумитаи доварон ба хулосае омад, ки Беҳрӯз Муртазоев ҷониби дарвозаи "Хатлон" пеналтиро дуруст таъин кардааст.

Мессиро муҷозот ва 1,5 ҳазор доллар ҷарима бастанд

Аммо дар ҳолати дигар Муртазоев иштибоҳан корти сурх ба дарвозабони "Куктош" Қурбоналӣ Бобоев нишон надод, ки номбурда қасдан бозигари рақибро бо пой зад.

Бинобар ин, Кумитаи доварони ФФТ барои вайрон кардани Кодекси интизомии доварон қарор баровард, ки Беҳрӯз Муртазоев аз ҳаққи доварии ду даври мусобиқаҳои зери васояти Лигаи футболи Тоҷикистон доир мешуда, маҳрум карда шавад.

25
Барчаспҳо:
муҷозот, довар, Тоҷикистон, футбол
Сотрудник дилерского центра ПАО Камаз в Ташкенте

Марги фоҷиавии сокини Деваштич: дамкарат лағжиду мошин ҷисмашро ду пора кард

309
(Таҷдидшуда 18:19 15.08.2020)
Сокини ноҳияи Деваштич, ки ҳамагӣ 35 - сол дошт, бар асари лағжидани дамкарат, зери мошини тамғаи КАМАЗ монда, ҷон бохтааст

ДУШАНБЕ, 15 авг — Sputnik. Парвиз Рӯзиев сокини 35 - солаи ноҳияи Деваштич ба таври фоҷиабор ҷон бохтааст, хабар медиҳад нашрияи Пайк.

Ба иттилои манбаъ, марҳум санаи 12 - уми август ба таъмири автомашинаи тамғаи КАМАЗ машғул буд. Ӯ мошинашро тавассути дамкарат бардошта ба таъмир машғул буд, ки тасодуфан дамкарат лағжида ӯ зери мошин дармонд.

Фавти ноболиғ дар садама: ронанда ӯро дар роҳи мошингарди кӯча пахш кард

Манбаъ аз рӯи нақли шоҳидони ин ҳодиса хабар медиҳад, ки қисмати аз миён болои ҷавон зери бори гарони мошин монда, ба қавле ҷисмаш ду пора шуд.

"Парвиз сокини деҳаи Хишекат, ҷамоати деҳоти Ваҳдати ноҳияи Деваштич буд", - таъкид мешавад дар хабар.

Пас аз ин ҳодисаи нохуш, чор фарзанди ӯ ятим монданд.

309
Нефтяные насосы, архивное фото

Фурӯши рекордии нафти Русия ба Амрико

0
(Таҷдидшуда 19:05 15.08.2020)
Дар нимсолаи аввал Амрико аз Русия беш аз 9 миллион тонн маҳсулоти нафтӣ харидорӣ намудааст, ки баландтарин арқом то соли 2004 ба ҳисоб меравад

ДУШАНБЕ, 15 авг — Sputnik. Ҳамзамон Вашингтон бо ҳар роҳу восита мехоҳад пеши роҳи сохтмони лулаи гази “Маҷрои шимол-2”-ро бигирад, то вобастагии Арврупо аз маҳсулоти энержии Русияро кам кунад. Ин дар ҳолест, ки худи Амрико ба маҳсулоти нафтии Русия вобастагӣ пайдо кардааст.  

Содироти рекордӣ

Тибқи маълумоти Хадамоти федералии гумрукии Русия ин кишвар аз моҳи январ то июли соли равон аз ҳисоби фурӯши маҳсулоти нафтӣ ба Амрико 2,2 миллиард доллар фоида ба даст овардааст.

Ба Амрико дар ин давра 7,46 миллион тонн маҳсулоти нафтӣ содирот шудааст, ки ин 12 дарсади аз ҳаҷми умумии содиротро ташкил медиҳад.  Бештар аз ҳама маҳсулоти нафтии Русияро Нидерландия 12,19 миллион тонн, Амрико дар ҷои дуввум ва дар ҷои севум Малта қарор гирифтааст, ки аз Русия 4,4 миллион тонн маҳсулоти нафтӣ харидорӣ кардааст.

Нидерландия ва Малта ҳамчун макони транзитӣ дониста мешаванд, ки аз онҷо маҳсулоти нафтӣ ба дигар кишварҳои дунё содирот мешавад. Яъне фурӯши маҳсулоти нафтӣ ба Амрико метавонад ба маротиб зиёд бошад, чунки Хадамоти федералии гумрукии Русия ингуна содиротро ба назар намегирад.

“Дар ҳақиқат тибқи маълумоти Хадамоти иттилооти энергетикии Амрико (EIA) воридоти маҳсулоти нафтии Русия ба ин кишвар дар панҷ моҳи соли равон 68 миллион бушка ё 9,3 миллион тонаро ташкил додааст. Ин рақам нисбат ба арқоми пешниҳодкардаи Хадамоти федералии гумрукии Русия бештар аст. Чунки EIA Амрико истеҳсолкунанда на кишвари содиркунандаро ба ҳисоб мегирад”.

Дар ҳамин ҳол, Амрико хариди мазутро аз Русия нисбат ба моҳи июн 16 дарсад афзоиш доданд.

Оғози ивази маҳсулот

Ин дар ҳолест, ки Амрико худро аз хариди навъӣ нафти сангини Венесуэло маҳрум карданд ва фановариҳои баъзе аз корхонаҳои полоиши нафти Амрико қудрати коркарди нафити навъи сабуки Ҳавзаи халиҷи форс ва Техаси Ғарбиро надоранд.  Доналд Трамп бар зидди ширкати Венесуэла PVSDA таҳримҳо ҷорӣ кард ва пас аз ин корхонаҳои полоиши нафти Амрико ба мушкилоти ҷиддӣ  рӯ ба рӯ шуданд.

Корхнаҳои Халиҷи Мексика ва Соҳили шарқ ба вазъӣ ногувор дучор шуданд. Аз ҷумла ширкатҳои Citgo Petroleum, Valero Energy, Chevron.

Нафти Венесуэларо метавонист нафти Арабистони Сауди ҷойгузин кунад, аммо ин кишвар истеҳсоли нафтро маҳдуд кард. Ҳамин тариқ, иқтисод сиёсатро канор гузошт ва Амрико ба Русия муроҷиат кард.

“Вашингтон бо ҳар роҳу восита барои сохтмони “Маҷрои шимоли-2” ба ширкати Газпроми Русия мушкил эъҷод мекунад. Аммо ба хотири ба даст овардани ормонҳои иқтисодӣ Амрико бо Русия ҳамкорӣ мекунад”, - таъкид намудааст Александр Разуваев, мутахассиси ширкати “Алпари”.  

“Вазъӣ геополитикии ахир дар ҷаҳон бозори нафтро ба суди Русия бозгардонд ба хотири он ки Амрико ба кишварҳои содиркунандаи нафт таҳримҳо ҷорӣ кард. Ба ҳамин хотир нафти навъӣ Urals дар бозор ба унвони нафти вазнин ҷой афтод” – таъкид кард Александр Дужников, яке роҳбарони ширкати A3F Group.

Ба заъми ин қимати нафти Русия нисбатан арзонтар аст. Тибқи иттилои Вазорати дороии Русия нафти навъи Urals дар моҳи январ – июл дар бозорҳои ҷаҳонӣ ҳудудан 40,32 доллар  барои як бушка арзиш дошт. Дар ҳоле, ки дар моҳи январ – июли соли гузашта ҳудудан як бушка нафт 65,27 доллар арзиш дошт.

Бо анҷом ёфтани қарантина сарфи маҳсулоти нафти афзоиш ёфт.

Буҳрони соҳавӣ

Бино бар поин омадани қимати нафт шумори дастгоҳҳои ихроҷи нафт дар Амрико коҳиш ёфт. Лулаи нафти Dakota Access низ ба хотири нақзи қавонини экологӣ баста шуд.

Истихроҷи нафт аз 13,1 то 11,1 миллион тонн бушка дар як руз коҳиш ёфт. Ин ба ҳавзаҳои нафтии сланси Амрико аз ҷумла Перм, Игл-Форд, Баккенск, Ниобромск, Анадаркск, Аппалачинск ва Хейнсвилльск садама ворид кард.  тибқи иттилои мақомоти Амрико тавоноии миёнаи саноии нафткашӣ дар соли ҷорӣ 11,26 миллион бушкаро дар бар мегирад. Аммо дар соли 2021 11,14 миллион бушкаро ташкил хоҳад дод. То декабри соли равон маҳз Амрико дар коҳиши нафт дар бозори ҷаҳонӣ саҳми назаррас хоҳанд дошт.

Тибқи иттилои ширкати Haynes & Boone аз моҳи январи соли равон 36 ширкати амрикоӣ аз варшикастшавии худ иттилоъ доданд, ки қарзи онҳо ба 25,2 миллиард доллар расидааст.. аз ҷумлаи онҳо бузургтарин ширкати амрикоӣ Whiting Petroleum, California Resources ва Chesapeake Enеrgy. Дар моҳи июн боз ширкати амрикоӣ Extraction Oil & Gas, аз варшикастагӣ ба додгоҳ муроҷиат кардааст.

Тибқи маълумоти Rystad Energy то охири сол беш аз 150 ширкати амрикоӣ рӯ ба варшикастагӣ қарор доранд. Истихроҷи нафти сланси дар як шабона рӯз то панҷ миллион бушка коҳиш хоҳад ёфт. Дар ҳамин ҳол, ба гуфтаи ShaleProfile Analytics  соҳаи нафти Амрико се ҳисаи тавонои истихроҷи нафтро аз даст хоҳад дод.

0
Барчаспҳо:
маҳсулот, фурӯш, рекорд, нафт, Амрико, Русия