Раиси Шӯрои мусалмонони Русия Равил Айнуддин, акс аз бойгонӣ

Роҳбари мусалмонони Русия бо Муфтии Тоҷикистон мулоқот кард

141
(Таҷдидшуда 17:29 14.09.2018)
Равил Айнуддин, раиси Шӯрои муфтиёти Русия ва Саидмукаррам Абдулқодирзода, муфтии Тоҷикистон роҳҳои ҳамкорӣ барои ҳамоҳангӣ ва танзим равобити давлату динро баррасӣ карданд

ДУШАНБЕ, 14 сен — Sputnik. Равил Айнуддин, раиси Шӯрои муфтиҳои Русия суханронии Саидмукаррам Абдулқодирзода, муфтии Тоҷикистонро аз минбари Масҷиди асосии Русия муҳим донист, иттилоъ додааст дафтари матбуоти Шурои муфтиҳои Русия.

Ба гуфтаи манбаъ, Саидмукаррам Абдулқодирзода ва Равил Айнуддин дар доираи 3-умин конфронси байналмилалии илмию динӣ "Роҳи абрешим. Анъанаҳои бузурги башардӯстӣ ва чолишҳои муоссир", ки дар шаҳри Бишкек баргузор шудааст, мулоқот намуданд.

Зимни мулоқот тарафҳо таҳкими ҳамкориҳои на танҳо ниҳодҳои давлатӣ балки раёсатҳои мусалмонон, иттиҳодияҳои ҷамъиятӣ ва дигар ниҳодҳои ҷомеъаи шаҳрвандиро зарур хонданд, ки ба танзиму пурзур намудани равобити давлату дин, равона шудааст.

Ба гуфтаи манбаъ, муфтии Тоҷикитсон Саидмукаррам Абдулқодирзода, ташаббуси Равил Айнуддинро дар бораи ташкили гурӯҳи ҳамоҳангсоз барои мубодилаи маълумот дар соҳаи эспертизаи адабиёти динӣ ва мониторинги гардиши адабиёти динӣ дар қаламрави кишварҳои узв, комилан дастгирӣ намудааст.

Конфронси байналмилалӣ 13-14 сентябри соли равон дар шаҳри Бишкеки Қирғизистон баргузор шуд. Дар конфронси мазкур намояндагони шаш кишвар Русия, Қазоқистон, Чин, Тоҷикистон, Узбакистон, Тоҷикистон ва Туркманистон иштирок намуданд.

Манбаъ таъкид намудааст, ки иштироккунандагони конфронс масъалаи мубориза бо террроризм ва ҷои ислом дар дунёи муосирро баррасӣ намуданд. Чунин конфронси илмӣ севумин бор аст, ки баргузор мешавад. Ду конфронси қаблӣ дар Русия ва Чин баргузор шуда буд. 

141
Барчаспҳо:
Саидмукаррам, дин, динӣ, конфронс, Бишкек, муфтӣ, Тоҷикистон
Выборы в Таджикистане

Вазорат: дар 24 соати гузашта марг бар асари COVID-19 ба қайд гирифта нашуд

75
(Таҷдидшуда 20:02 23.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 21 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 38 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 23 ноябр 11 ҳазору 932 ҳолатро ташкил медиҳад.

“Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 312 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8%-и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

75
Барчаспҳо:
вазоратхона, марг, ҷумҳурӣ, фавт, вируси корона, Тоҷикистон
Молния, архивное фото

Мудири ҳавошиносони Тоҷикистон гуфт, хизматрасониҳо беҳтар мешаванд

133
(Таҷдидшуда 19:55 23.11.2020)
Диловар Дӯстзода, мудири Ожонси обуҳавошиносии Кумитаи ҳифзи муҳити зисти назди Ҳукумати Тоҷикистон мегӯяд, хизматрасонии ин ниҳод беҳтар карда хоҳад шуд

ДУШАНБЕ, 23 ноя – Sputnik. Дӯстзода зимни як ҳамоиш дар Душанбе гуфт, вазъи феълии байналмилалӣ ва тағйироти иқлимии сайёра зарурати ба роҳ мондани хизматрасониҳои ба талаботи муосир ҷавобгӯйро ба миён овардааст.

“Бо дарназардошти ҳолати пешомада хизматрасониҳои навро таҳия намуда, ба ҷонибҳои ҳавасманд пешниҳод менамоем. Зимнан, Ҳукумати мамлакат ба рушди Агентии обуҳавошиносӣ таваҷҷуҳ намуда, сохторҳои марбутаи онро бо таҷҳизоти наву замонавӣ мунтазам таъмин менамояд. Ин ҷиҳат моро водор месозад, ки вобаста ба пешгӯйӣ ва дастрасии маълумоти обуҳавошиносӣ чорабиниҳои заруриро дар сатҳу сифати баланд амалӣ намоем”, - иттилоъ дод нашрияи “Садои мардум” аз қавли Дӯстзода.

Таъкид шудааст, ки дар ҷумҳурӣ гирифтани ҳосили баланди зироат, рушди чорводорӣ, таъмини аҳолӣ бо маҳсулоти ниёзи аввал, ҳамкориҳои дуҷониба бо сохторҳои сайёҳии кишвар, пеш аз ҳама, ба маълумоти саҳеҳ ва саривақтии обу ҳаво марбут мебошад.

Зикр гардидааст, ки таъмини саривақтии маълумоти дақиқи обуҳавошиносӣ сокинонро  аз хавфу хатар сари вақт огоҳ месозад.

133