Конфронси ҷавонон дар Варшава

Мақомот ба ҷавонон: ҳушёр бошед, то зери таъсири гурӯҳҳои террористӣ қарор нагиред

345
(Таҷдидшуда 11:21 16.09.2018)
Дар Варшава ба хотири пешгириву паҳншавии ақидаҳои террористӣ ва экстремистӣ миёни ҷавонон ва донишҷӯён конфронс баргузор шуд

ДУШАНБЕ, 16 сен — Sputnik. Дар шаҳри Варшава 14-уми сентябр бо ташаббуси донишҷӯёни тоҷики муассисаҳои таълимии Лаҳистон барои пешгирии паҳншавии ақидаҳои террористӣ ва экстремистӣ байни ҷавонону донишҷӯён конфронс баргузор шуд, иттилоъ додааст Вазорати умури Хориҷаи Тоҷикистон.

Ба гуфтаи манбаъ, дар конфронси мазкур ғайр аз дониҷӯён Муовини якуми Вазири корҳои хориҷии Тоҷикистон Низомиддин Зоҳидӣ, Сафири Тоҷикистон Маликшо Неъматов, Муовини Директори Маркази тадқиқоти стратегӣ Сайфулло Сафаров, муовини директори Маркази исломшиносӣ Рустам Азизӣ, коршинос аз Лаҳистон Мариуш Маршевский, инчунин собиқ муассисони аъзои ҳизби дар Тоҷикистон мамнӯи наҳзати исломӣ иштирок намуданд.

Муовини якуми Вазири корҳои хориҷии Тоҷикистон Низомиддин Зоҳидӣ зимни суханрониаш аз донишҷӯён тоҷик даъват намудааст, ки ҳушёр бошанд то зери таъсири гурӯҳҳои террористӣ қарор нагиранд.

"Ба донишҷӯён барои пешрафту рушд дар соҳаҳои мухталифи ҳаёти иҷтимоӣ ва иқтисодӣ дар кишвар баъд аз имзои Созишномаи сулҳу ризоияти миллӣ дар соли 1997 суханронӣ намуда, аз онҳо даъват ба амал овард, ки ҳушёр бошанд, то зери таъсири гурӯҳҳои гуногуни террористӣ ва экстремистӣ қарор нагиранд", — таъкид кард манбаъ.

Инчунин Сафири Тоҷикистон дар Олмон Маликшо Неъматов зимни суҳбат бо донишҷӯён, онҳоро аз шомил гардидан ба гурӯҳҳои гуногуни террористӣ ва экстремистӣ ҳушдор дод.

Собиқ муассисони ҳизби дар Тоҷикистон мамнӯи наҳзати исломӣ А. Сатторов ва Р.Каримов ба донишҷӯён дар бораи таҷрибаи талхи худ аз иштирок дар фаъолияти ҳизби мазкур ва хусусияти террористии ин ташкилотро шарҳ доданд.

Мақомоти Тоҷикистон ба донишҷӯён дар бораи ҳамкории ҳизби мазкур бо хадамоти махсуси кишварҳои гуногун бо мақсади ноором сохтани вазъ дар кишвар маълумот доданд.

345
Барчаспҳо:
Варшава, конфронс, экстремистӣ, ҲНИТ, донишҷӯён, ҷавонон, террористӣ, мақомот, Тоҷикистон
Горная дорога в Таджикистане

Садамаи маргбор дар роҳи Душанбе - Хоруғ: ду мусофири "Тайота - Карола" ҷон бохтанд

1
Вазорати умури дохилии Тоҷикистон аз садамаи маргбор дар роҳи Душанбе - Кӯлоб - Хоруғ хабар медиҳад, ки ба ҳалокати ду мусофири автомашинаи "Тайота - Карола" анҷомид

ДУШАНБЕ, 6 авг — Sputnik. Садамаи маргбор дар роҳи нақлиётгарди "Душанбе - Кӯлоб - Хоруғ"  дар ҳудуди шаҳри Ваҳдат рух дод, хабар медиҳад котиботи ВУД Тоҷикистон.

Фавти ноболиғ дар садама: ронанда ӯро дар роҳи мошингарди кӯча пахш кард

Ба иттилои манбаъ, садамаи мазкур рӯзи 5-уми август, тахминан соатҳои 10:30-дақиқа ба вуқӯъ пайваст.

"Ронандаи автомашинаи тамғаи "Опел-Вектра", Нуриддинов Шуҳрати 32 - сола, сокини ноҳияи Восеъ, ҳангоми ҳаракат дар роҳи нақлиётгарди "Душанбе-Кӯлоб-Хоруғ", дар ҳудуди шаҳри Ваҳдат аз уҳдаи идораи нақлиёт набаромада, ба автомашинаи тамғаи "Тайота-Карола", таҳти идораи Муродов Иброҳими 37 - сола сокини ноҳияи Фархор, бархӯрдааст", - таъкид мешавад дар хабар.

Дар натиҷа, мусофирони автомашинаи "Тайота - Карола" Қамишев Нуриддини  54 - сола ва Эмомқулов Алиҷони 28 - сола аз ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расиданд.

Ҳамчунин, ронандаи автомашинаи тамғаи "Опел-Вектра" ва мусофираш ҷароҳати ҷисмонӣ бардошта, дар беморхона бистарӣ карда шудаанд.
ВУД Тоҷикистон мегӯяд, феълан аз рӯи ин ҳодиса тафтишот идома дорад.

1
Барчаспҳо:
ҳалок, мусофир, мошин, садама, роҳ
Парламентские выборы в Таджикистане

Замони баргузории интихоботи президентӣ дар Тоҷикистон эълон шуд

290
(Таҷдидшуда 12:26 06.08.2020)
Замони баргузории интихоботи президентӣ дар Тоҷикистон имрӯз зимни баргузории ҷаласасаи навбатии порлумони кишвар дақиқ шуд

ДУШАНБЕ, 6 авг — Sputnik. Интихоботи президентӣ дар Тоҷикистон 11 октябри соли 2020 баргузор мешавад, хабар дод Наврӯз Қурбонзода, сухангӯи парлумон ба Sputnik Тоҷикистон гуфт.

Ба иттилои манбаъ, бар асоси қаророри қабулгашта интихоботи навбатии президентӣ дар кишвар рӯзи 11 октябри соли 2020 баргузор мешавад.

Гуфта мешавад, иҷлосия таҳти раёсати раиси Маҷлиси миллии Тоҷикистон Рустами Эмомалӣ сурат гирифт.

Дар пайи қабули қарори баргузории интихоботи президентӣ ҳамакнун аҳзоби сиёсӣ метавонанд номзадҳои худ ба курсии президенти Тоҷикистон пешниҳод кунанд.

Ёдовар мешавем, интихоботи пешини сарвари давлати Тоҷикистон рӯзи 6 ноябри соли 2013 баргузор шуда буд.

Муҳлати резидентӣ дар Тоҷикистон  7 сол аст.

Президенти кунунии ҷумҳурӣ Эмомалӣ Раҳмон аз моҳи ноябри соли 1994 инҷониб дар ин вазифа аст.

290