Пахтачинӣ, акс аз бойгонӣ

Ҳама ба пахтачинӣ: дар Суғд барои ҳар як килои пахтаи чидашуда беш аз 60 дирам медиҳанд

304
(Таҷдидшуда 16:01 16.09.2018)
Раиси вилояти Суғд Раҷаббой Аҳмадзода аз Коопертиви тиҷоратии ба номи Ҷаббор Расулови ноҳияи Бобоҷон Ғафуров боздид намуда, расман ба маросими пахтачинӣ дар вилоят оғоз бахшид

ДУШАНБЕ, 16 сен — Sputnik. Бино ба иттилои Ҳукумати вилояти Суғд, Раҷаббой Аҳмадзода, Раиси вилоят зимнирӯзи 14 сентябр аз зимни марросими оғози пахтачинӣ дар вилояти Суғд супориш дод, ки барои вусъати корҳо аз қувваи чинакчиён низ истифода баранд ва барои ҳар як килограм пахтаи чидашуда ба чинакчиён беш аз 60 дирамӣ пардохт карда шавад.

Инчунин вай супориш додааст, ки барои сари вақт ва беталаф ҷамъоварӣ намудани пахта тадбирҳои заруриро амалӣ намоянд.

Коопертиви тиҷоратии ба номи Ҷаббор Расулови ноҳияи Бобоҷон Ғафуров дорои наздик 1600 гектар замини обӣ буда, дар 640 гектари он пахта кишт карда шудааст.

Бино ба иттилои манбаъ, соли равон дар вилоят дар 57 ҳазору 194 гектар пахта кишт шудааст, ки нисбати соли гузашта 6429 гектар зиёд мебошад. Тибқи маълумотҳои пешакӣ дар назар аст, ки дар вилоят беш аз 130 ҳазор тонна пахта истеҳсол карда шавад. 

304
Барчаспҳо:
Раҷаббой Аҳммадзода, пахта, Суғд, ҷамъоварӣ, Тоҷикистон, Тоҷикистон
Президент Франции Эммануэль Макрон и президент Таджикистана Эмомали Рахмон

Эммануэл Макрон ба Эмомалӣ Раҳмон: "аз шумо хотироти нек дорам"

477
(Таҷдидшуда 20:53 30.10.2020)
Президенти Фаронса Эммануэл Макрон раисиҷумҳури Тоҷикистонро бо аз нав интихоб гардидан ба маснади сарвари давлат муборакбод гуфт

ДУШАНБЕ, 30 окт — Sputnik. Президенти Фаронса Эммануэл Макрон ба унвони раисиҷумҳури Тоҷикистон Эмомалӣ Раҳмон номаи шодбошӣ ирсол кардааст, хабар медиҳад котиботи раисиҷумҳури Тоҷикистон.

Дар нома ин сиёсатмадор аз сафари охирини раисиҷумҳури Тоҷикистон ба Фаронса ёдоварӣ кардааст.

"Ман аз музокироти дар рафти сафари Шумо ба Порис, ки моҳи ноябри соли гузашта баргузор шуда буд, хотироти нек дорам. Тавре ки он вақт таъкид карда будам, ман алоқаманди таъмиқи бештари ҳамкориҳои дуҷониба, бахусус муносибатҳои мо дар соҳаи иқтисод, аз ҷумла дар бахшҳои энергетика ва авиатсия, ки имкониятҳои ҷолиби диққати ширкатҳои ду кишвари моро доранд, ҳастам".

Макрон ҳамчунин талошҳои Эмомалӣ Раҳмонро ҷиҳати таъмини суботи минтақа ва рушди иқтисодиву иҷтимоӣ таъкид кардааст

Дидору мулоқоти Эмомалӣ Раҳмон бо сиёсатмадорони воломақоми Урупо

"Дар баробари ин, ман аз идомаи муколамаи мову шумо доир ба ташаккули таркибии сиғаи минтақавии "5+1", ки Шумо ба он рағбат пайдо карда будед ва аз нигоҳи ман роҳи умедбахши таҳкими муносибатҳои дуҷонибаи мо бо кишвари Шумо ва ҳамсояҳоятон дар Осиёи Марказӣ мебошад, хушҳол хоҳам буд", мегӯяд Макрон.

477
Барчаспҳо:
номаи шодбошӣ, Тоҷикистон, Фаронса, Эммануэл Макрон, Раҳмон
Амнистия заключенных в Согдийской области

Эълони авф дар Тоҷикистон: Раҳмон чанд маҳбусро бахшид?

2773
(Таҷдидшуда 20:40 30.10.2020)
Президенти Тоҷикистон Эмомалӣ Раҳмон имрӯз пас аз маросими савгандёдкунӣ авф эълон карда, беш аз 300 нафарро аз зиндон озод кард

ДУШАНБЕ, 30 окт — Sputnik. Президенти Тоҷикистон Эмомалӣ Раҳмон ба муносибати савгандёдкунӣ авф эълон карда, 378 маҳбусро бахшид.

Бино ба гузориши котиботи раисиҷумҳур, тасмими авфи зиндониён имрӯз бо фармони Президенти кишвар сурат гирифтааст.

Озодӣ бе порадиҳӣ: таъкиди Президент ба пешгирии фасод ҳангоми афв

Гуфта мешавад,  фармони раисиҷумҳур "Дар бораи бахшиши ҷазои шахсоне, ки ба маҳрум сохтан аз озодӣ маҳкум шудаанд" дар асоси принсипҳои инсондӯстона, меҳру шафқат, ғамхорӣ ба оила ва кӯдакону наврасон сурат гирифта, бар асоси он 378 нафар маҳкумшударо бахшида, онҳоро аз адои минбаъдаи ҷазо озод намуд.

Ёдрас мешавем, ки бори охир президенти Тоҷикистон Эмомалӣ Раҳмон моҳи октябри соли 2019 қонуни авфро имзо карда буд.

Он замон 20 ҳазор зиндонӣ бахшида шуда буданд.

2773
Барчаспҳо:
Эмомалӣ Раҳмон, Эмомалӣ Раҳмон, авф, Тоҷикистон