Хиёбон шабона, акс аз бойгонӣ

Нарх ва нуқтаи мардони танфурӯш дар Душанбе маълум шуд

7143
Ҷамила Ҳусейнова, рӯзноманигори тоҷик шаби 5 сентябр барои пайдо кардани мардони “алфонс” дар Душанбе таҳқиқот бурда, дар пойтахт мардони танфурӯшро ошкор кардааст

ДУШАНБЕ, 23 сен — Sputnik. Тибқи таҳқиқоти Ҳусейнова, ки нашрияи СССР нашр намудааст, рӯзноманигор бо пӯшидани либосҳои гарон, ҳамёни пури доллар ва савори мошини хориҷии дугонаи тоҷираш дунафара ба шикори “алфонс” дар Душанбе баромадаанд.

Дар матлаб аз қавли занони сарватманди пойтахт гуфта мешавад, ки  чанд сол пеш гулгашти назди сафорати Федератсияи Русия дар ҶТ, ки дар гардиши ҳалқавии хиёбони И.Сомонӣ ҷойгир аст, макони ҷамъшавии алфонсҳо будааст.

“Мардҳои алфонс, ки симои зебо доранду хушқаду қоматанд, аввал хуб аз паси зани пулдор мепоянд, сипас бо баҳонае ошно гашта, ба хушгӯӣ мегузаранд, дарҳол кӯмаки хешро барои анҷом додани ин ё он кор мерасонанд ва ҳамин тавр оҳиста-оҳиста ба боварӣ даромада, бо ҳамин минвол ба хонаву дар ва рахти хоб низ соҳиб мешаванд. Агар 2-3 ҳафтаи аввали муносибот онҳо барои зан харҷ кунанд, баъдан бо баҳонаҳои гуногун, амсоли “маошамро надода истодаанд, ё мошинам вайрон шудаасту барои таъмираш пул надорам” ба пулпурсӣ сар мекунанд, ҳамин тавр шуруъ мешавад ҳаёти осоиштаи онҳо аз ҳисоби занҳо. Дили занро бошад алфонсҳо бо меҳру муҳаббат ва хушгӯӣ, ки одатан ба занҳо намерасад, гарм мекунанду пул гирифтан мегиранд”, - шарҳ додааст яке аз тоҷирзанони Душанбе ба рӯзноманигор.

Он шаб Ҳусейнова ва дугонаи тоҷираш натавонистаанд, алфонс пайдо кунанд, аммо дар роҳи бозгашт ба хона дучори мардони танфурӯше шудаанд. Марди танфурӯш ба бону "хидмат"-и худро ба ивази 150 сомонӣ дар як соат пешниҳод кардааст.

Муаллифи таҳқиқот навиштааст, дар пайи сайри Душанбе нороҳат шуд, ки он шаб “алфонс”-ро пайдо накард ва аз дугонааш хоҳиш намудааст, ки ӯро то манзил расонад.

“Аз паҳлӯи маркази савдои “Арбат” гаштему дугонаам хост аз мағозаи кушода барои хонааш харид кунад. Мошинро канори роҳ гузошта рафту ӯро дар берун интизор шудам. Баногоҳ аз куҷое 1 ҷавони тақрибан 25-солаи миёнақад пайдо шуда, сӯям омад. Дарҳол аз дастам қапида салом доду сӯям нимтабассум карда истод. “Кӯмак лозим?” пурсид ӯ. Аз ин хеле тааҷҷуб карда гуфтам, ки танҳо нестаму дугонаамро интизорам. Сару либоси ҷавон тозаву озода буду аз танаш бӯи хуши атр меомад. “Мо ҳам 2 нафарем, хоҳед ба хонаатон меравем, хоҳед шуморо ба ҷои худамон мебарем, хоҳед ҳамту даруни мошин нишаста бо ҳам сайр мекунем, 1 соаташ 150 сомонӣ!”-гуфт он писар”, - навиштааст Ҷамила Ҳусейнова.

Ба навиштаи рӯзноманигор дар ин лаҳза дугонааш омада, ба он ҷавон “ташаккур, ягон бори дигар”-гӯён мошинро ронд.

 “Инҳо проститутанд, инҳоро намешавад барои ҳамешагӣ нигоҳ дошт, ё донишҷӯянд ё бекорчӣ ва маҷбуранд бо ин роҳ, яъне танфурӯшӣ зану фарзандони худро хӯронанду пӯшонанд”-гуфтаст дугонаи сарватманди муаллифи матлаб.

Ӯ тавзеҳ додааст, ки дар ин нуқта-гулгаштҳои гирду атрофи маркази савдои “Арбат” чанд соли охир ҷавонписарон ва мардон ҷамъ омада, ба танфурӯшӣ машғуланду дар ин бора ҳама хабар доранд.

Ҷамила Ҳусейнова навиштааст, аз ин ки дар пойтахт мардони танфурӯшро кашф кардааст, дар ҳолати шокӣ қарор дошт ва афзудааст, ки ин мавзӯъро ҳатман пайгирӣ хоҳад кард.

7143
Барчаспҳо:
танфурӯшӣ, фаҳш, таҳқиқот, Тоҷикистон

Ҷашнҳои рӯзи 26 октябр дар Тоҷикистон ва ҷаҳон

7
(Таҷдидшуда 22:20 25.10.2020)
Рӯзи 26 октябр рӯзи пайдоиши футбол (1863) буда, рӯзи миллии Озарбойҷон мебошад. Дар ин рӯз ҳунармандони халқии Тоҷикистон Давлатманд Холов ва Мастона Эргашева ба дунё омадаанд

Рӯзи 26 октябр дар ҷаҳон чӣ рух дод

Соли 1861 олими немис Филипп Рейс дар Франкфурт ихтирои худро ба намоиш гузошт ва минбаъд онро телефон номид.

 

Телефон в центре управления остановленного третьего реактора на Чернобыльской атомной электростанции
© REUTERS / Gleb Garanich
Телефон в центре управления остановленного третьего реактора на Чернобыльской атомной электростанции

 

Соли 1863 дар шаҳри Лондон Ассотсиатсияи футболи Англия таъсис дода шуд.Соли 1900 дар Ню-Йорк аввалин хатти метрополитен кушода шуд.

 

Стадион Уэмбли в Лондоне
© Sputnik / Антон Денисов
Стадион "Уэмбли" в Лондоне

 

Соли 1932 Иосиф Сталин нависандагонро "муҳандисони қалби инсонҳо" унвон кард.Соли 1956 Агентии байналхалқӣ оид ба энергияи атомӣ таъсис ёфт.

 

Иосиф Виссарионович Сталин (Джугашвили), Генеральный секретарь ЦК ВКП (б)
© Sputnik / РИА Новости
Иосиф Виссарионович Сталин (Джугашвили), Генеральный секретарь ЦК ВКП (б)

 

Соли 1978 Созмони ҷаҳонии тандурустӣ эълон дошт, ки барангезандаи бемории нағзак (оспа) дар табиат маҳв карда шуд.

Соли 1990 Шон Шеннони канадагӣ барои дар 26 сония хондани монологи Гамлет «Будан ё набудан» рекорди ҷаҳонӣ гузошт.

© Sputnik / Стас Этвеш / Вишнякова Мария

Соли 2015 дар натиҷаи заминҷунбии 7,5-балла дар Афғонистон ва Покистон беш аз садҳо нафар ҷони худро аз даст доданд.

Рӯзи 26 октябр дар Тоҷикистон чӣ рух дод

Соли 2009 Президенти Ҷумҳурии Тоҷикистон Эмомалӣ Раҳмон Фармондеҳи вақти Қувваҳои марказии Иёлоти Муттаҳидаи Америка  Дэвид Петреусро ба ҳузур пазируфт.

Соли 2011 Клуби футболи "Регар-ТадАЗ" — и шаҳри Турсунзада  барандаи Ҷоми футболи Тоҷикистон дар соли 2011 гардид.Соли 2011 Эмомалӣ Раҳмон бо муовини аввали раисҷумҳури вақти Ҷумҳурии Исломии Афғонистон маршал Муҳаммад Қасим Фаҳимхон масоили кунанӣ ва дурнамои рушди муносибатҳои дуҷонибаро баррасӣ намуд.

Ҷашнҳои рӯзи 23 октябр дар Тоҷикистон ва ҷаҳон

Соли 2016 дар Қасри миллат Раҳмон Мушовири Девони Амири Давлати Кувайт, Раиси Фонди байналмилалии хайрияи исломӣ, Намояндаи Дабири Кулли Созмони Милали Муттаҳид оид ба корҳои башардӯстӣ доктор Абдуллоҳ Маътуқ ал — Маътуқро ба ҳузур пазируфт.

Ҷашнҳои рӯзи 26 октябр

Рӯзи пайдоиши футбол (1863).
Рӯзи миллии Озарбойҷон.

Рӯзи 26 октябр дар Тоҷикистон кӣ ба дунё омадааст

Соли 1945 – доктори илмҳои иқтисодӣ профессор Ҳоҷимуҳаммад Умаров.

Соли 1945 – Ҳунарпешаи шоистаи театри лӯхтаки Тоҷикистон Зафар Ҷаводов

Соли 1950 – ҳунарманди халқии Тоҷикистон Давлатманд Холов.

Народный артист Таджикистана, исполнитель фалака Давлатманд Холов
Amir Isaev
Народный артист Таджикистана, исполнитель фалака Давлатманд Холов


Соли 1952 – Ҳунарманди халқии Мастона Эргашева.

Соли 1953 – композитор Борис Пиговат.

Соли 1978 – журналист Олга Тутубалина.

7
Барчаспҳо:
ҷаҳон, ҷашн, Тоҷикистон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

658
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

658
Барчаспҳо:
тирпаронӣ, марз, Тоҷикистон