Сафири Қазоқистон Нурлан Сейтимов ба собиқ вазири корҳои хориҷаӣ Тоҷикистон Талбак Назаров медал ба номи Нозир Тюряқулов супорид

Талбак Назаров собиқ вазири коҳои хориҷаи Тоҷикистон соҳиби медали Қазоқистон шуд

287
Талбак Назаров, собиқ вазири корҳоит хориҷаи Тоҷикистон соҳиби ҷоизаи олии дипломатии Ҷумҳурии Қазоқистон шуд

ДУШАНБЕ, 2 окт — Sputnik.  Бино ба иттилои сафорати Қазоқистон дар Тоҷикистон, 1 октябри соли равон Нурлан Сейтимов, Сафири Қазоқистон дар ин кишвар дар ҳузури Сироҷиддин Муҳриддин, вазири корҳои хориҷаи Тоҷикистон ва кормандони вазорат,  ба собиқадори хизмати дипломатӣ Талбак Назаров ҷоизаи олии дипломатии Қазоқистон - медали ба номи Назир Турақуловро супорид.

Ба иттилои манбаъ, Талбак Назаров, ки 12 сол вазири корҳои хориҷии Тоҷикистон буд, барои таҳкими муносибатҳои Қазоқистону Тоҷикистон саҳми назаррас гузоштааст. Қазоқистон, кӯшишҳои ӯро дар боло бурдани ҳамкории вазоратҳои корҳои хориҷаи ду кишвар қадрдонӣ кардааст.

Вазири корҳои хориҷии Тоҷикистон Сироҷиддин Муҳриддин зимни суханронии худ таъкид намуд, ки муносибатҳои байнидавлатии Қазоқистону Тоҷикистон ба рӯҳияи баланди шарикии стратегӣ ҷавобгӯ мебошад.

Дар ҳамин ҳол, сафири Қазоқистон дар Тоҷикистон Нурлан Сейтимов ҳоҳони он шуд, ки насли ҷавони дипломатҳои Тоҷикистон аз таҷрибаи ғании дипломатии Талбак Назаров бархурдор гарданд. Сафир ҳамчунин аҳли кормандони Вазорати корҳои хориҷии Тоҷикистонро бо иди касбӣ – Рӯзи дипломатҳо муборакбод кард.

287
Барчаспҳо:
Қазоқистон, вазорати корҳои хориҷӣ, вазири хориҷа, медал, ҷоиза
Председатель ГБАО Ёдгор Файзов

Файзов дар бораи норозигияш аз раисӣ, бузургии мардум, бемории худ ва роҳ ба ҷавонон-видео

281
Ёдгор Файзов, раиси Вилояти Мухтори Куҳистони Бадахшон мегӯяд, тайи роҳбарияш дар вилоят ягон рӯз аз раисияш розӣ набуд ва танҳо дар замони пандемия, дар бистари беморӣ хушбахтии будан бо мардумро дарк намуд

ДУШАНБЕ, 7 июл — Sputnik. Умедшо Мирзоширин, коргардони шинохтаи тоҷик, ки дар бораи кори ризокорон дар замони пандемия дар вилоят филмбардорӣ дорад, порае аз суҳбат бо Ёдгор Файзовро низ дар саҳифааш нашр кардааст.

Файзов мегӯяд, хушбахтияшро дар рӯзе дарк кард, ки гирифтори беморӣ шуду аз халқ, ки барояш ҳанӯз коре накардааст, ҳазорҳо дуо гирифт. Ӯ гуфт, фаҳмид, ки барои мардум шуда ҷон додан ҳам меарзад.

“Ҷон ҳам диҳӣ меарзад”: хушбахтии Файзов дар бистари беморӣ-навор

“Он рӯз эҳсос кардам, ки бо халқ будан, на ҳамчун раис, балки танҳо худи будан бо мардум ифтихори бузург аст. Худам ҳайрон мондам, ки охир барои мардум ман чӣ кор кардаам, ки ин қадар дастгирию дуоҳо дар ҳаққи ман мекунанд”.

Ба суол дар мавриди ҷавонон, Ёдгор Файзов изҳор дошт, ки дар Тоҷикистон 65 дарсад ҷавонанд.

Ӯ таъкид кард, ки агар майлу ҳаваси ҷавонон ба тарафе бошаду мо ҷониби дигар талош кунем, ба ҷое намерасем.

Хоҳу нохоҳ месупорем: раиси ВМКБ гуфт, ҷавононро ҷавон хуб мефаҳмад

“Хоҳу нохоҳ ҷавононро бояд фаҳмид, ба фикру хоҳишҳояшон бояд тавҷҷуҳ кард. Аз тарафи дигар ҷавононро ҷавон хуб мефаҳмад. Ман синнам таги 60 аст, барои ояндаи дурахшон бояд бо ҷавонон машаварат  кард, онҳоро фаҳмид.  Бе ҷавонон ба ҷое рафтан наметавонем, хоҳем нахоҳем, фардо месупорем”, - таъкид кард Файзов.

281
Барчаспҳо:
беморӣ, помир, Бадахшон, ВМКБ, ВМКБ, раисҷумҳур, раис, Тоҷикистон
Маҳмадҷон Ҳабибуллоев, сармураббии дастаи Регар ТадАЗ, аз чап

Маҳмадҷон Ҳабибуллоев сармураббии нави дастаи "Куктош" таъйин шуд

42
(Таҷдидшуда 12:45 07.07.2020)
Маҳмадҷон Ҳабибуллоев, мураббии муваффақ ва шинохтаи тоҷик ба вазифаи сармураббии дастаи “Куктош”-и ноҳияи Рӯдакӣ таъйин шуд

ДУШАНБЕ, 7 июл — Sputnik. Ӯ дар ин вазифа Раҳматулло Фузайловро иваз кард, хабар медиҳад сомонаи varzishtv.tj.

Ҳабибуллоеви 55-сола аз соли 2001 то 2013 дар бошгоҳи “Регар ТадАЗ” фаъолият намуда, шаш карат чемпиони Тоҷикистон (солҳои 2001, 2002, 2003, 2004, 2006, 2007, 2008), се карат барандаи Ҷоми Президенти КФО (2005, 2008, 2009) ва Ҷоми Тоҷикистон (2001, 2005, 2006) шудааст.

 Номбурда  соли 2014 дар вазифаи сармураббии “Делерон-Уротеппа”-и Истаравшан фаъолият намуда, дар соли нахуст дастаро ба зинаи сеюми ҷадвал баровард.

Ҳамчунин моҳи феврали соли 2015 як муддат тими “Равшан”-и Кӯлобро тамрин дод ва июли ҳамон сол пас аз чанд моҳи сармураббӣ шуданаш истеъфо дод.

Баъдан, худи ҳамон сол  ба вазифаи сармураббии дастаи “Ҳосилот” даъват шуда, тими мазкурро аз Лигаи якум ба Лигаи олӣ баровард, медалҳои нуқраи мусобиқаро ба даст овард.

Ӯ соли 2007 як муддат сармураббии тими миллии кишвар ва баъдан яккачини ҷавонони Тоҷикистон оид ба футбол (U-21) буд.

42
Зеристгоҳ, акс аз бойгонӣ

Ҳалокати сокини ноҳияи Бобоҷон Ғафуров аз зарбаи барқ

0
Як сокини ҷамоати деҳоти Унҷии ноҳияи ба номи Бобоҷон Ғафуров аз расиши қувваи барқ ба ҳалокат расидааст

ДУШАНБЕ, 7 июл – Sputnik. Раёсати корҳои дохилӣ дар вилояти Суғд иттилоъ дод, ки субҳи 6 июл як сокини ноҳияи Бобоҷон Ғафуров аз зарби барқ ба ҳалокат расидааст.

“Санаи 6-уми июл, тахминан соатҳои 7: 30 дақиқа, Б. А., сокини ҷамоати Унҷии ноҳияи Бобоҷон Ғафуров дар вақти пайваст намудани нерӯи зеристгоҳи барқӣ, аз сабаби расиши қувваи барқ ҷароҳати ҷисмонӣ бардошта, ба ҳалокат расидааст”, иттилоъ дод масъули матбуотии РВКД дар Суғд ба Sputnik Тоҷикистон.

Ба иттилои манбаъ нафари ба ҳалокат расида ҷавони 31 сола будааст. Ҳодисаи фоҷиабор дар зеристгоҳи барқӣ дар дар деҳаи Қурғончаи ноҳияи Бобоҷон Ғафуров рух додааст.

Манбаъ тавзеҳ дод, ки эҳтимол дар вақти пайваст намудани ноқилҳои барқӣ дар зеристгоҳ техникаи бехатарӣ риоя нагардидааст. Дар бораи шуғли аслии нафари ҳалокшуда маълумот ироа нашудааст, ки оё ӯ барқчӣ аст ва ё як корманди кироя, ки барои насб намудани қувваи барқ ҷалб шудааст.

0
Барчаспҳо:
барқ, Тоҷикистон