Ёдгор Файзов, акс аз бойгонӣ

Ёдгор Файзов: амалиёти низомӣ дар Бадахшон дар назар нест

1689
Ёдгор Файзов, раиси навтаъини Вилояти Мухтори Куҳистони Бадахшон мегӯяд, амалиёти низомӣ дар вилоят дар назар нест

ДУШАНБЕ, 2 окт - Sputnik. Файзов ин нуктаро имрӯз, 2-юми октябр зимни мулоқот бо аъзои гуруҳҳои корӣ, ки ба иҷрои супоришҳои Эмомалӣ Раҳмон, раисиҷумҳури Тоҷикистон машғуланд, таъкид намуд.

Тавре манбаи Sputnik Тоҷикистон аз ҷаласаи мазкур иттилоъ дод, раиси навтаъин гузориши масъулинро дар бораи иҷрои супоришҳои раисиҷумҳур шунид.

Ёдгор Файзов таъкид намудааст, ки дар таъмини волоияти қонун такя ба корҳои фаҳмондадиҳӣ ва ҳамкорӣ бо ҷомеа мекунад ва аз мақомот хост дар ин масъала бо мардум ҳамкории бештар намоянд. Ӯ овозапароканӣ дар бораи амалиёти низомӣ дар ВМКБ-ро иғво хонда, аз сокинон даъват намуд, ки ба он дода нашаванд.  

“Чунин ҷаласаҳо ҳамарӯза сурат мегиранд ва дар онҳо аз кори ҳаррӯзаи гуруҳҳои корӣ ҳисобот дода мешавад. Ҷаласа аз таъмини қоидаҳои ҳаракат дар роҳ то супоридани силоҳро дар бар гирифт. Ба раис гузориш дода шуд, ки то имрӯз дар ҳамкорӣ ва фаҳмондадиҳӣ бо аҳолӣ зиёда аз 100 адад силоҳ ихтиёран ба мақомот супорида шуд”, - изҳор дошт масъули Ҳукумати Бадахшон.

Дар пайи ҷаласа бо гуруҳҳои корӣ Файзов ба мулоқот бо донишҷӯён ва кормандони соҳаи маориф дар шаҳри Хоруғ рафтааст. Ӯ бори дигар аз ҷавонон даъват намудааст, ки ба гапҳои бархе аз гуруҳҳо  дода нашаванд.

Ёдгор Файзови 57-сола 1 октябр бо фармони Эмомалӣ Раҳмон, раисиҷумҳури Тоҷикистон ба ҷои Шодихон Ҷамшед раиси ВМКБ таъин гардид.

Ӯ хатмкардаи Донишгоҳи кишоварзии Тоҷикистон буда, замони шӯравӣ дар Кумитаи комсомолии шаҳри Хоруғ ва ВМКБ кор карда, дар замони Истиқлол дар Бунёди Оқохон фаъолият доштааст. Файзов сар аз соли 2004, тайи 14 соли охир раиси иҷроияи Бунёди Оқохон дар Тоҷикистон буд.

Бисёри сокинони Бадахшон аз таъини Файзов ба мақоми раиси ВМКБ хуш истиқбол карда, махсусан ҳамкорию ҳамнишиниҳояш бо мардумро таъкид намуданд. Ба гуфтаи сокинони вилоят Файзов ҳамеша миёни мардум аст ва тақрибан ҳар шом якҷоя бо ҷамоат дар маркази исмоилия намоз мегузорад.

Сокинони ВМКБ изҳори умед намуданд, ки мансаби нав Файзовро аз мардум дур намекунад ва дар ҳамкорӣ бо ҷомеаи шаҳрвандӣ ба рушди ин минтақа ноил хоҳад шуд.

1689
Барчаспҳо:
амалиёти низомӣ, Бадахшон, Тоҷикистон
Тонущий человек, архивное фото

Дар Ванҷ ду ноболиғи 12 - соларо аз об берун оварданд: яке фавтиду дуюмӣ дар бемористон

27
Кумитаи ҳолатҳои фавқулода аз як ҳодисаи нохуш дар ноҳияи Ванҷ хабар медиҳад, ки ду ноболиғи 12 - сола бидуни калонсолон дар ҳавз оббозӣ намуда ғарқ шуданд

ДУШАНБЕ, 15 июл – Sputnik.  Ду нафар сокини 12 - солаи ноҳияи Ванҷ бе роҳбаладии калонсолон дар ҳавз оббозӣ карданд, ки дар натиҷа ҳар ду зери об рафтанд.

Бар хабари Кумитаи ҳолатҳои фавқулодаи, ҳодисаи мазкур рӯзи 14 - уми июл дар ҳавзи деҳаи Пайшанбеобод рух дод.

Ба кумаки ду ноболиғ чанд сокини ноҳия шитофта онҳоро аз об берун оварданд ва ба бемористони ноҳиявӣ интиқол доданд.

КҲФ: дар кӯлу ҳавзҳои Тоҷикистон 28 нафар ғарқ шуданд: 9 ноболиғ

Манбаъ меафзояд, яке аз ноболиғон дар роҳ ба бемористон фавтид ва кудаки дигар ҳоло таҳти назорати табибон қарор дорад.

Кумитаи ҳолатҳои фавқулодаи Тоҷикистон мегӯяд, зарфи 6 моҳи сипаришуда дар Тоҷикитсон 34 нафар ҳангоми оббозӣ дар нукоти мухталифи кишвар ғарқи об шуданд, ки 10 нафари онҳо аз 4 то 16 сол дошанд.

27
Барчаспҳо:
ғарқ, ноболиғ, оббозӣ, Ванҷ
Аэропорт в Аэропорт в горах Хорога, архивное фото

Дастури Раҳмонзода барои таъмири фурудгоҳи шаҳри Хоруғ

180
(Таҷдидшуда 11:54 15.07.2020)
Бо дастури ёрдамчии Президент дар масъалаҳои рушди иҷтимоӣ ва робита бо ҷомеа Абдуҷаббор Раҳмонзода, фурудгоҳи шаҳри Хоруғ ба таъмир фаро гирифта мешавад

ДУШАНБЕ, 15 июл – Sputnik. Дар Вилояти Мухтори Кӯҳистони Бадахшон ҳайати гурӯҳи корӣ бо роҳбарии Раҳмонзода қарор доранд, ки аз ҷараёни омодагии вилоят ба ҷашни 30 - солагии Истиқлолияти давлатӣ дидан мекунанд.

Бар хабари котиботи раиси шаҳри Хоруғ, ҳайати корӣ нахуст аз фурудгоҳи ҳавоии маркази вилоят дидан намуданд ва Раҳмонзода дастур дод, то фурудгоҳ ба таъмир фаро гирифта шавад.

Гуфта мешавад, дар асоси супориши ёрдамчии Президент, қисматҳои харобгаштаи фурудгоҳ асфалтпӯш мешаванд ва инчунин аломату панҷараҳо низ аз нав рангубор мешаванд.

Қобили зикр аст, ки авохири моҳи гузашта нахустин парвози ҳавопаймо пас аз таваққуфи тӯлонӣ ба ВМКБ сурат гирифта буд.

Нахустин парвози ҳавопаймо ба Бадахшон пас аз таваққуфи 1 сола: 16 сарнишинро бурд

Тайёраи Ан-28 мутааллиқ ба ширкати ҳавопаймоии "Тоҷик Эйр" бо 16 сарнишин аз шаҳри Душанбе дар фурудгоҳи шаҳри Хоруғ нишаст.

Ин нахустин парвоз мебошад, ки бо гузашти як солу чор моҳ анҷом шуда буд.

Ба изҳори халабони ҳавопаймо Шукрихудо Додихудо, бо зиёд шудани мусофирон имкони ҳамарӯза интиқол додани мусофирон аз пойтахт ба ВМКБ мавҷуд аст.

Аммо гарони нархи чипта ба эҳтимоли зиёд теъдоди парвозҳо ба ин вилоятро афзун намекунад.

Зеро нархи чиптаи парвоз аз Душанбе ба ВМКБ 900 сомониро ташкил медиҳад. Ин нарх дар ҳолест, ки давомёбии парвоз на беш аз 1 соату 30 дақиқа тӯл мекашад.

Сокинони ин вилоят пайваста аз гаронии нархи мошину ҳавопаймо изҳори нигаронӣ мекунанд. Зеро масрафи сафар ба Бадахшон ҳам тариқи роҳи заминӣ ва ҳам ҳавоӣ ба фарқ аз вилояти Суғд ниҳоят гарон аст.

180
Барчаспҳо:
таъмир, фурудгоҳ, Хоруғ
Лекарства в аптеке Душанбе

То дусад донаӣ парасетамол хариданд: сардори Хадамоти зиддинҳисорӣ дар бораи нархи дору

0
(Таҷдидшуда 13:02 15.07.2020)
Абдулмаҷид Муминзод, сардори Хадамоти зиддиинҳисории назди Ҳукумати Тоҷикистон, ҷаҳиши ахири нархи дорувориро ба мардум вобаста донист, ки ба таҳлука афтиданд

ДУШАНЕБ, 15 июл – Sputnik. Муминзод зимни нишасти матбуотӣ изҳор дошт, ки ба боло бурдани нархи доруворӣ асосан чаканафурӯшҳо даст заданд, ки аз таҳлукаи мардум сӯиистифода намуданд.

Ӯ афзуд, ки мардум ба таҳлука афтид, сабтҳои видеоӣ аст, ки як парасетамолро то 100-200 донаӣ харид мекунанд, ки дар натиҷа камчинӣ дар бозор пайдо шуд.

Ба гуфтаи Муминзод, кормандони ниҳодаш аз рӯзи аввали болоравии нарх, дар ҳар нуқтаи доруфурӯшӣ санҷиш гузаронда, зиёда аз 50 санади ҳуқуқвайронкунии маъмурӣ тартиб доданд.

Ӯ таъкид намуд, ки дар пайи ин ҳолат Ҳукумат дорувориро ба феҳрасти молҳои аз нигоҳи иҷтимоӣ муҳим ворид намуд, ки дар сурати зарурат нархи он аз ҷониби давлат назорат мешавад.  Сардори Хадамот ин тасмимро барои дастгирии қишри осебпазир муҳим хонд.

Ин дар ҳолест, ки чанд ҳафта қабл Ҳукумат, доруворию молҳои тиббӣ ва нуриҳои минералӣ барои хоҷагии қишлоқро ба феҳрасти маводи дорои аҳамияти иҷтимоӣ ворид намуд, ки феълан 19 номгӯи молро дар бар мегирад.

"Дексамитазон" дору алайҳи коронавирус: Созмони ҷаҳонии беҳдошт онро пазируфт

Дар сархати маҳсулоти дорои аҳамияти иҷтимоӣ, ки нархашон аз ҷониби давлат назорат мешавад, орди навъи 1 ва 2 ва сипас нон, макарон, гандум, биринҷ, картошка, сабзавот – сабзӣ, пиёз, карам, шакар, равғани растанӣ, маҳсулоти ширӣ, нахуд, гӯшт, тухми мурғ, намак, чой, ғизои кӯдакон ва маводи сӯхт ҷой гирифтаанд. Бо қарори нав, доруворию молҳои тиббӣ ва инчунин нуриҳои минералӣ, органикӣ ва кимиёвӣ барои хоҷагии қишлоқ низ шомили ин рӯйхат гардиданд.

0
Барчаспҳо:
дору, нарх, Тоҷикистон