Фестиваль плова в Худжанде

Беҳтарин ошпази Панҷакент аз маҳаллаи Шафтолузор будааст

702
Дар Панҷакент фестивали “Лаззати Панҷакент” ва “Оши палав” баргузор шуд, ки дар он тамоми ҳунармандони шаҳру деҳот ва намояндагони 14 ширкати сайёҳӣ ширкат варзиданд

ДУШАНБЕ, 3 окт — Sputnik.  Бахшида ба Соли рушди сайёҳӣ ва ҳунарҳои мардумӣ бори аввал дар шаҳри Панҷакент фестивали “Лаззати Панҷакент” баргузор гардид, иттилоъ додааст дафтари матбуоти шаҳри Панҷакент.

Бино бар иттилои манбаъ, дар ин рӯз ҳамчунин фестивали “Оши палав” низ баргузор шуд. Дар он зиёда аз 10 ошпаз ширкат намуданд.

Ҳайати ҳакамон беҳтарин ошпазҳо-ғолибонро муайян карда, ба ошпази маҳаллаи Шафтолузор, Облоқул Абдулхонов ҷои аввал (500 сомонӣ),  ба ошпази маҳаллаи Азизобод, Мавлон Фахриев ҷои дуюм (300 сомонӣ) ва ба ошпази Ҷамоати деҳоти Хурмӣ, Аброр Қодиров мақоми сеюмро (200 сомонӣ) сазовор донистанд.

Инчунин раиси шаҳри Панҷакент ба ғолибон Ифтихорнома ва дигар туҳфаҳои хотиравӣ тақдим кард.

Дар фестивал фарҳангӣ дар баробари меҳмонон ва сокинон ҳамзамон даҳҳо нафар сайёҳони хориҷӣ низ ширкат намуданд.

“Онҳо бо ҳунару анъанаҳои мардуми тоҷик шиносоӣ пайдо карданд. Сайёҳон дар назди ҳунармандон бо табақҳои оши тоҷикӣ ва дегҳо аксбардорӣ мекарданд. Фестивал ду рӯз идома ёфта, меҳмонону сайёҳон бо ёдгориҳои беназири таърихии Панҷакент, намунаҳои ҳунарҳои мардумӣ ва имкониятҳои сайёҳии ин шаҳри қадимӣ ошнои пайдо карданд”,- меафзояд манбаъ.

702
Барчаспҳо:
ҷоиза, Панҷакент, Хуҷанд, фестивал, Ош
Работники морга погружают гроб с погибшим от коронавируса, архивное фото

1 фавт ва 43 ҳолати ҷадиди гирифторшави ба коронавирус дар Тоҷикистон: вазорат тасдиқ кард

6
Шабонарӯзи гузашта аз маризии сироятии коронавирус дар Тоҷикистон боз як нафари дигар ҷон супорид. Вазорат низ хабари фавти маризи коронавирусро тасдиқ кард

ДУШАНБЕ, 25 сен - Sputnik. Вазорати тандурустӣ омори як рӯзи ахири гирифторшавӣ, фавт ва шифоёбӣ аз маризии коронавирусро нашр намуд.

Бар хабари котиботи вазорати мазкур, шабонарӯзи гузашта аз ин маризӣ боз як нафар ҷон бохта, ҳамзамон 43 мавриди нави гирифторшавӣ ба қайд гирифта шуд.

Манбаъ меафзояд, дар муддати аз 30 апрел то 26 сентябр шумораи гирифторони коронавируси нав ба 9 605 нафар расид.

Зимнан, аз ин беморӣ то кунун 8385  ё худ 87,3 дарсади гирифторон шифо ёфта, 75 нафар фавтиданд.

"Шабонарӯзи охир 97  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд", - таъкид мешавад дар хабари манбаъ.

Феълан Ҳукумати  Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

6
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Дождь в Душанбе, архивное фото

Ҳушдори ҳавосанҷон аз якбора сард шудани ҳаво дар Тоҷикистон: шамолу тӯфон ва борони сахт

100
(Таҷдидшуда 17:49 26.09.2020)
Сар аз 28 то 30 - юми сентябр ҳаво дар Тоҷикистон ноустувор мешавад. Дар қисмати ҷанубии кишвар тӯфони пурчанг мешавад ва ҳамзамон шамоли сахт ва боронгарии зиёд хоҳад шуд

ДУШАНБЕ, 26 сен — Sputnik. Кумитаи ҳолатҳои фавқулодаи Тоҷикистон аз бад шудани ҳавои Тоҷикистон дар ҳафтаи оянда ҳушдор медиҳад.

Кумитаи мазкур бо такя ба маълумоти Агентии обуҳавошиносони кишвар хабар медиҳад, ки аз 28 то 30-уми сентябри соли равон коҳиши ногаҳонии дамои ҳаво пешбинӣ мешавад.

Дар минтақҳои ҷудогона боронҳои кутоҳмуддат ва дар баъзе ноҳияҳои тобеъи ҷумҳурӣ боришоти пуршиддат дар назар дошта шудааст. Дамои ҳаво рӯзона 6-8 дараҷа коҳиш меёбад, шамоли сахт (то 12-17 м/с) мевазад, дар қисмати ҷанубии кишвар тӯфони пурчанг пешбинӣ мешавад.

Обу ҳаво: эҳтимоли омадани сел дар Ишкошим, Шуғнон ва Ванҷ

Дар ҳамин иртибот Кумитаи ҳолатҳои фавқулода аз аҳолии кишвар хоҳиш мекунад дар чунин рӯзҳо дар роҳандозии корҳои саҳро эҳтиёткор бошанд.

КҲФ ба ронандаҳо ва алоқамандони кӯҳгардӣ, сайёҳони кӯҳгард ёдовар мешавад, ки ҳангоми ҳаракат дар роҳҳои кӯҳӣ ҷиддан қоидаҳои ҳаракат дар роҳҳоро риоя кунанд, ҳамчунин риояи масофа як шарти аслии ҳаракат дар роҳҳои кӯҳист, ки хавфу хатарҳоро кам мекунад.

100
Барчаспҳо:
тӯфон, шамоли сахт, борон, Тоҷикистон