Встреча замминистра иностранных дел Таджикистана с корейской делегации

Баррасии масъалаҳои ҷалби сармоя ва технологияҳои пешрафтаи кореягӣ ба иқтисоди Тоҷикистон

55
Тоҷикистону Корея дурнамои ҳамкориҳои мутақобилан судманди ду кишварро дар бахшҳои мухталиф баррасӣ намуданд

ДУШАНБЕ, 7 окт — Sputnik.  Бино бар иттилои дафтари матбуоти вазорати корҳои хориҷаи Тоҷикистон, рӯзи 5 октябри соли равон Муовини вазири корҳои хориҷии Тоҷикистон Низомиддин Зоҳидӣ бо Муовини вазири корҳои хориҷии Корея дар умури ҳамкориҳои иқтисодӣ Юн Кан Хён мулоқот намуд.

Ба гутаи манбаъ тарафҳо зимни мулоқот вазъи кунунӣ ва дурнамои ҳамкориҳои мутақобилан судманди Тоҷикистону Кореяро дар бахшҳои мухталиф мавриди баррасӣ қарор доданд.

Инчунин тарафайн тайи ин дидор бар нақши Комиссияи муштараки байниҳукуматии Тоҷикистону Корея дар умури ҳамкориҳои иқтисодӣ техникӣ ва илмиро дар таҳкими ҳамкориҳои мутақобилан судманди ду кишвар муҳим арзёбӣ карданд.

“Таваҷҷуҳи хос ба фаъолияти Форуми Осиёи Марказӣ+Ҷумҳурии Корея зоҳир гардида, саҳми он дар раванди рушди муносибатҳои бисёрҷонибаи минтақавӣ таъкид гардид”,-гуфт манбаъ.

Ҳамчунин дар ин мулоқот тарафҳо масъалаҳои ҷалби сармоя ва технологияҳои пешрафтаи кореягиро ба иқтисоди Тоҷикистон ва роҳҳои тавсеаи ҳамкориҳои иқтисодиву тиҷоратиро миёни ду кишвари дӯст мавриди баррасӣ қарор доданд.  

55
Барчаспҳо:
вазорати корҳои хориҷӣ, ҳамкориҳои судманд идома меёбанд, иқтисодӣ, таҳкими ҳамкорӣ, ҳамкорӣ, Тоҷикистон, Корея