Ли Кэцян, архивное фото

Чин ҷузъиёти сафари нахуствазираш ба Тоҷикистонро шарҳ дод

326
Вазорати корҳои хориҷаи Чин имрӯз зимни нишасти матбуотӣ дар бораи мақсади сафари дарпешистодаи нахуствазири Чин ба Тоҷикистонро тавзеҳ дод

ДУШАНБЕ, 10 окт — Sputnik.  Чжан Ханхуэй, ёвари вазири корҳои хориҷаи Чин таъкид намуд, ки Тоҷикистон яке шарикони ҳамаҷонибаи стратегии Чин буда, яке аз иштироккунандагони муҳими лоиҳаи "Як банд-як роҳ" мебошад.

Инчунин вай афзуд, ки Тоҷикистон яке аз шарикони аслӣ дар соҳаи ҳамкориҳои амниятӣ дониста мешавад.

“Дар ҳоли ҳозир ҳамкориҳои ду кишвар ҳамаҷониба рушд доранд. Мулоқоти намояндагони ду кишвар дар сатҳи олӣ ба маротиб афзудааст. Боварии сиёсӣ низ бештар шудааст. Ҳамкориҳои амалӣ барои рушди равобити байналмилалӣ ва минтақавӣ натиҷаҳои хуб ба бор меорад”, - гуфт вай.

Чжан Ханхуэй, таъкид намуд, ки ин нахустин сафари расмии Ли Кэтсян, нахуствазири Шӯрои давлатии Ҷумҳури халқии Чин ба Тоҷикистон аст. 

“Ин сафар барои рушди ҳамкориҳои дуҷониба ва шарикии ҳамаҷонибаи стретегӣ аҳмияти муҳим дорад. Инчунин, дар сафари мазкур нахуствазири Чин бо мақомоти Тоҷикистон лоиҳаи "Як банд-як роҳ "  ва  тақвияти ҳамкориҳо дар соҳаи иқтидори истеҳсолӣ миёни ду кишварро баррасӣ хоҳад кард”, - афзуд вай.

Қарор аст, Ли Кэтся бо мақомоти Тоҷикистон дар бораи рушди ҳамкориҳои мутақобил дар шароити имрӯза, ҳамкориҳо дар лоиҳаи "Як банд-як роҳ " ва дар масъалаи мушкилоти муҳими байналмилалӣ ва минтақавӣ табодули назар кунанд.

Вай таъкид намуд, ки тарафҳо чанд созишномаро дар соҳаи тиҷорат ва гумрук, инчунин дар соҳаи ҳамкории минтақавӣ ба имзо расонад.

Ли Кэтсян, нахуствазири Шӯрои давлатии Ҷумҳури халқии Чин аз 11 то 12 октябр дар нишасти Шӯрои роҳбарони ҳукумати  Созмони ҳамкориҳои Шанхай (СҲШ), ки дар Душанбе баргузор мегардад, иштирок мекунад.

Ли Кэтсян, баъди сафар ба Тоҷикистон ба Нидерландия  сафар карда, сипас дар ҷаласаи сарони Ҳукуматҳои  "Осиё-Аврупо", ки дар Брюссел баргузор мешавад, ширкат мекунад.

Ёдовар мешавем, ки 17-умин нишасти Шӯрои сарони ҳукумати СҲШ 11-12 октябр дар шаҳри Душанбе баргузор мегардад.

 Мувофиқи барнома дар кори шӯро масоили рушди ҳамкориҳои тиҷориву иқтисодӣ ва гуманитарии кишварҳо дар ҳошияи СҲШ баррасӣ мешаванд.

Роҳбарони ҳайъатҳои Ҳиндустон, Қазоқистон, Қирғизистон, Чин, Покистон, Русия, Тоҷикистон ва Узбакистон ҳамчунин амалисозии барномаҳои бисёрҷанбаи тиҷориву иқтисодӣ, кори соҳибкории шӯро ва иттиҳодияи байнибонкии СҲШ-ро баррасӣ хоҳанд кард.

Афзун бар ин, роҳбарони Ҳукуматҳо як қатор қарорҳои марбут дар бораи ҷанбаҳои гуногуни кори ташкилот, аз ҷумла буҷаи ташкилотро барои соли 2019 тасдиқ мекунанд. Сипас шӯрои сарони Ҳукуматҳо дар ҳайъати васеъ баргузор мешавад, ки дар он кишварҳои нозир ва ҳамкорони СҲШ ширкат мекунанд.

326
Барчаспҳо:
баррасии масъалаҳо, СҲШ, ҳамкорӣ, лоиҳа, Чин, Тоҷикистон
Самолет, на фоне заката

Тавофуқи Тоҷикистону Русия ба интиқоли нахустин гурӯҳи муҳоҷирон - вақти сафар маълум шуд

1060
Вазорати меҳнати Тоҷикистон ба интиқоли 434 муҳоҷири меҳнатӣ ба кор ба соҳаи сохтмон дар шаҳри Иркутск бо Русия ба тавофуқ расид

ДУШАНБЕ, 23 янв — Sputnik. Вазорати меҳнат ва шуғли аҳолии Тоҷикистон ба вилояти Иркутск 434 муҳоҷири меҳнатиро дар мувофиқа бо ширкатҳои сохтмонии Русия ирсол мекунад. Дар ин бора вазорат гузориш додааст.

"Вазорати меҳнат тибқи дастури муовини сарвазири ҳукумати Русия Татяна Голикова дар доираи ҷалби муташаккилонаи муҳоҷирони меҳнатӣ созишнома ба имзо расонид ", - омадааст дар иттилоия.

Инчунин қайд карда мешавад, ки қарор аз ҷониби ситод оид ба пешгирӣ аз воридот ва паҳншавии коронавирус дар Федератсияи Русия тасдиқ карда шудааст.

Тибқи созишнома, 434 муҳоҷири меҳнатӣ аз Тоҷикистон соҳиби ҷойҳои кории кафолатнок шуданд ва дар Иркутск дар ҶДММ "Промстроймаш", ҶДММ "Сибстальстрой" ва ҶДММ "СМПК-7" бо кор таъмин карда мешаванд.

Гурӯҳи якуми коргарон дар аввали ҳафтаи оянда ба Иркутск парвоз хоҳанд кард, ҳоло масъалаҳои ташкилӣ ҳамоҳанг карда мешаванд, илова ба Вазорати меҳнат.

Тибқи иттилои ин шӯъба, тамоми хароҷоти парвозҳо, карантини дуҳафтаина, ҳуҷҷатгузорӣ, хобгоҳ ва хӯрок аз ҳисоби ширкатҳои дар боло зикршуда пардохта мешавад.

1060
Председатель Демократической партии  Саидджафар Усмонзода

Саволи "хиҷолатбор"-и Усмонзода ба вазири мудофиа: медонем, ки чаро аз хизмат мегурезанд

1335
(Таҷдидшуда 23:06 23.01.2021)
Саидҷаъфар Усмонзода, вакили Маҷлиси намояндагон ва раиси Ҳизби демократи Тоҷикистон ба Шералӣ Мирзо, вазири мудофиа мавзӯи шиканҷа дар қисмҳои ҳарбии Тоҷикистонро ба миён гузошта, пурсидааст, ки вазир чи андеша дорад

ДУШАНБЕ, 23 янв – Sputnik. Усмонзода дар иҷлосияи маҷлиси намояндагон пас аз баромади Шералӣ Мирзо дар бораи шарҳи лоиҳаи қонуни нави ҳарбӣ мавзӯи муносибатҳои ғайриқонунӣ дар қисмҳои ҳарбиро ба миён гузошта, қайд кардааст, ки чунин ҳолатҳо ба худи вазир ҳам маълуманд.

"Муҳтарам вазир, муносибатҳои ғариоинномавӣ дар қисмҳои ҳарбӣ, агар гӯем маъмулӣ шудааст, хато намекунем. Аз ин хусус зимни суҳбату мулоқот бо интихобкунандагон волидайне, ки фарзандонашон хизмати аскариро ба ҷой меоранд, изҳори ташвиш мекунанд", - таъкид кардааст ӯ.

Вай мисол овардааст, ки аз ҷумла, чунин ҳолат дар қисми ҳарбии марбут ба Кумитаи ҳолатҳои фавқулода, воқеъ дар ноҳияи Шаҳринав ва қисми ҳарбӣ, воқеъ дар шаҳри Душанбе, ба қайд гирифта шуда.

"Шумо аз он огоҳед", - таъкид кардааст Усмонзода ба Шералӣ Мирзо.

Ба қавли Усмонзода маҳз ҳамин ҳолатҳо, боиси дилсардии ҷавонон аз хизмати модар-ватан гардидааст.

"Чунин мисолҳои муносибатҳои ғайриоинномавӣ дар дигар қисмҳои ҳарбӣ низ ҷой дошта, боис шудааст, ки ҷавонони синни даъват ба ҳар роҳ мекӯшанд аз хизмат дар сафи Қувваҳои Мусаллаҳ сар печанд. Барои аз миён бардоштани чунин муносибатҳо чораҳои мушаххас андешидан зарур аст. Фикри шумо дар ин хусус чист?", - пурсидааст вай.

Шералӣ Мирзо дар посух гуфтааст, ки аз ҷой доштани чунин муносибат дар қисмҳои ҳарбӣ хабар дорад.

" Мутаассифона, чунин ҳолат ҷой дорад. Вазорати мудофиа ҳама чораро меандешад, ки ба чунин вазъ хотима диҳад. Ҳарчанд теъдоди чунин вайронкуниҳо тӯли солҳои охир ду — се маротиба кам шудааст, вале то ҳол он хотима наёфтааст", - изҳори нигаронӣ кардааст вай.

Шералӣ Мизо афзуд, бо қабули қонун дар таҳрири нав ба масъалаи зикршуда боз ҳам бештар диққат дода хоҳад шуд.

1335
Бокс, архивное фото

Воҳидов камарбанди WBO-ро гирифт: набарди дидании муштзани шикастнадидаи тоҷик-видео

0
(Таҷдидшуда 01:56 24.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии “RCC Boxing Promotions” камарбанди WBO (Созмони ҷаҳонии бокс)-ро соҳиб гашт

ДУШАНБЕ, 23 янв – Sputnik. Ин рақобати нуҳуми Воҳидов буд, ки бидуни шикаст поён ёфт.

Мусобиқот шоми имрӯз дар шаҳи Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Ёдовар мешавем, Асроров ахири соли гузашта варзишкори украинӣ Данило Савченко ва қабл аз он Ержан Залилов, муштзани қазоқ, бо лақаби “Ракета”-ро шикаст дод.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

0