Ли Кэцян, архивное фото

Нахустин сафари Сарвазири Чин ба Тоҷикистон

396
Ли Кэтсян, нахуствазири Шӯрои давлатии Ҷумҳури халқии Чин барои иштирок дар 17-умин нишасти Шӯрои сарони ҳукумати СҲШ бо сафари расмӣ ба Тоҷикистон омад

ДУШАНБЕ, 11 окт — Sputnik.   Тибқи иттилои расмӣ, Ли Кэтсян, нахуствазири Шӯрои давлатии Ҷумҳури халқии Чинро дар Фурудгоҳи байналмилалии Душанбе Қоҳир Расулзода, сарвазири Тоҷикистон, Роҳбари Дастгоҳи иҷроияи Президенти Тоҷикистон Раҳмон Озода Эмомалӣ ва дигар шахсони расмӣ пешвоз гирифтанд.

Ба гуфтаи манбаъ, дар доираи сафари расмӣ нахуствазири Шӯрои давлатии Ҷумҳурии Мардумии Чин Ли Кетсян дар кори ҷаласаи Шӯрои роҳбарони ҳукуматҳои (сарвазирони) Созмони Ҳамкории Шанхай, ки 12 октябр дар шаҳри Душанбе доир мегардад, иштирок менамояд.

Ёдрас мешавем, ки пештар Чжан Ханхуэй, ёвари вазири корҳои хориҷаи Чин таъкид намуд, ки ин нахустин сафари расмии Ли Кэтсян, нахуствазири Шӯрои давлатии Ҷумҳури халқии Чин ба Тоҷикистон мебошад. 

“Ин сафар барои рушди ҳамкориҳои дуҷониба ва шарикии ҳамаҷонибаи стретегӣ аҳмияти муҳим дорад. Инчунин, дар сафари мазкур нахуствазири Чин бо мақомоти Тоҷикистон лоиҳаи "Як банд-як роҳ "  ва  тақвияти ҳамкориҳо дар соҳаи иқтидори истеҳсолӣ миёни ду кишварро баррасӣ хоҳад кард”, - афзуд вай.

Қарор аст, Ли Кэтся бо мақомоти Тоҷикистон дар бораи рушди ҳамкориҳои мутақобил дар шароити имрӯза, ҳамкориҳо дар лоиҳаи "Як банд-як роҳ " ва дар масъалаи мушкилоти муҳими байналмилалӣ ва минтақавӣ табодули назар кунанд.

Вай таъкид намуд, ки тарафҳо чанд созишномаро дар соҳаи тиҷорат ва гумрук, инчунин дар соҳаи ҳамкории минтақавӣ ба имзо расонад.

Ли Кэтсян, баъди сафар ба Тоҷикистон ба Нидерландия  сафар карда, сипас дар ҷаласаи сарони Ҳукуматҳои  "Осиё-Аврупо", ки дар Брюссел баргузор мешавад, ширкат мекунад.

Ёдовар мешавем, ки 17-умин нишасти Шӯрои сарони ҳукумати СҲШ 11-12 октябр дар шаҳри Душанбе баргузор мегардад.

396
Барчаспҳо:
нахуствазир, ҷаласа, ҳамкорӣ, СҲШ, Чин, Тоҷикистон
Дорожная техника расчищает автомобильную дорогу от лавины, архивное фото

Садамаҳо зиёд шудааст эҳтиёт кунед: ҳушдор ва муроҷиати КҲФ Тоҷиикистон ба ронандагон

88
Кумитаи ҳолатҳои фавқулоддаи Тоҷикистон хабар додааст, ки тайи рӯзҳои охир дар роҳҳои мухталифи кишвар садамаҳои нақлиётӣ хеле зиёд бамал омадааст, ки дар бисёре мавридҳо сокинон ҷони худро аз даст доданд

ДУШАНБЕ, 29 ноя — Sputnik. Бино бар иттилои дафтари матбуоти Кумитаи ҳолатҳои фавқулодда ва мудофиаи граждании Тоҷикистон, миёни қурбониёни садамаҳои марговар ронандагон, мусофирон, занону мардон, пирсолону ноболиғон низ зиёд ба назар мерасанд.

Тибқи иттилои манбаъ, аксари ин садамаҳо бар асари риоя нашудани қоидаҳои ҳаракат аз ҷониби ронандагон рух медиҳанд, ки хеле нигаронкунанда аст. 

Таъкид шудааст, ки Кумитаи ҳолатҳои фавқулодда борҳо дар мавридҳои гуногун ба ронандагон муроҷиат карда буд, ки риояи қоидаҳои ҳаракат гарави аслии ҳифзи  саломатии худи онҳост.

Тибқи маълумоти Агентии обуҳавошиносии кишвар, аз 28 ноябр то 3 декабри соли 2020 дар минтақаҳои гуногуни доманакӯҳ ва кӯҳистони кишвар боридани борон ва барф пешгӯӣ карда мешавад.

Ин манбаъ гуфтааст, ки дар аксар мавридҳо борони шадид ба барфи тар табдил мешавад ва табиист, ки ин ҳолат ҳаракати мошинҳо ва одамонро дар роҳҳои кӯҳӣ мушкилу хатарзо мекунад. 

Дар ҳамин ҳол, бо назардошти ин, Кумитаи ҳолатҳои фавқулода ба ронандагон хотиррасон мекунад, ки ронандагӣ дар чунин ҳаво вижагиҳои хоси худро дорад.

“Ронандагон бояд махсусан дар роҳ эҳтиёткор бошанд, қоидаҳои ҳаракатро қатъиян риоя кунанд. Онҳое, ки нав мошинрониро омӯхтаанд, беҳтараш аз сафар бо роҳҳои мушкилгузар худдорӣ намоянд. Роҳҳои кӯҳӣ дар ҳавои сарду боронӣ сангрезишу тарма доранд ва барои ин ронандагон бояд маҳорату малакаҳои хуби ронандагиро дошта бошанд”, - қайд кардааст КҲФ Тоҷикистон. 

KҲФ ба ронандагон хотиррасон мекунад, ки либоси гарм, чароғаки дастӣ, бели хурд, ресмон, сӯзишвории эҳтиётӣ, дар термос оби гарм бо худ дошта бошанд. Инчунин, дорухонаи ёрии аввалияро дар мошин нав кардан лозим аст. Бо худ якчанд симкорт ва пуркунандаи барқ ​​барои телефонҳои мобилӣ дошта бошед.

Инчунин КҲФ ҳушдор додааст, ки асвалти тоза дар ҳавои сард таҳдидҳои зиёд ба ронанда дорад. Он метавонад бо қабати номаълум ва басо нафиси як пӯшида шуда бошад. Аз ин рӯ риояи фосила миёни мошинҳо ва боло набурдани суръати ҳаракат як роҳи эминӣ аз ҳар гуна хатарҳост!

Кумитаи ҳолатҳои фавқулодда ба ба ронандагон муроҷиат кардааст, ки дар роҳ шитоб накунанд ва , дар роҳ эҳтиёткор бошанд.

88
Барчаспҳо:
ҳушдор, сокинон, нақлиётӣ, роҳ, садама, КҲФ, Тоҷикистон
Шерали Кабиров, новый министр промышленности

Шералӣ Кабир бо сафири Эрон Муҳаммадтақӣ Собирӣ чӣ масъаларо баррасӣ кард?

114
(Таҷдидшуда 01:48 29.11.2020)
Сафири Эрон Муҳаммадтақӣ Собирӣ бо вазири саноат ва технологияҳои нави Тоҷикистон Шералӣ Кабир дар Душанбе мулоқот кард

ДУШАНБЕ, 29 ноя — Sputnik.  Дар дидорҳои ҷудогонаи сафирони Эрон ва Олмон дар Душанбе бо вазири саноат ва фанновариҳои навини Тоҷикистон заминаҳои ҳамкориҳои чандҷонибаи саноатӣ ва фанноварии дуҷониба ба баҳсу табодули назар гузошта шуд.

Сафири Эрон дар Тоҷикистон Муҳаммадтақӣ Собирӣ ахиран дар саҳифаи Инстаграмми худ навишт, ки дар дидор бо вазири саноат ва фанновариҳои навини Тоҷикистон Шералӣ Кабир заминаҳои ҳамкории ду кишвар Эрон ва Тоҷикистон дар ҳавзаҳои гуногуни саноат, маъдан ва фанновариҳои навин мавриди табодули назар ва гуфтугӯ қарор гирифт. 

Бояд қайд кард, ки чанде пеш вазири саноат ва фанновариҳои навини Тоҷикистон бо сафири Олмон дар Душанбе дар мавзӯи тақвияти равобити дуҷониба дидору гуфтугӯ кард. 

Дар дидори Шералӣ Кабир ва Андреас Протманн тарафҳо дар бораи истифода аз таҷрибаҳои Олмон барои рушди фанновариҳои навини саноатӣ дар Тоҷикистон табодули назар карданд.

114
Барчаспҳо:
Душанбе, саноат, мулоқот, сафир, Эрон, Тоҷикистон
Блокнот ВОЗ, архивное фото

СҶБ: шумори гирифторон ба COVID-19 дар ҷаҳон наздик ба 62 миллион нафар расид

0
(Таҷдидшуда 11:00 29.11.2020)
Созмони ҷаҳонии беҳдошт хабар додааст, ки шумори умумии мубталоён ба коронавирус дар ҷаҳон ба 61 миллиону 988 ҳазору 655 нафар расидааст ва шабонраӯзи гузашта боз 207 ҳазору 924 нафар сироятшудаи нав сабт шудааст

ДУШАНБЕ, 29 ноя — Sputnik. Созмони ҷаҳонии беҳдошт (СҶБ) теъдоди муолиҷашудагон аз коронавирус дар ҷаҳонро 42 миллиону 789 ҳазору 210 ва фавтидагонро 1 миллиону 449 ҳазору 124 нафар эълон кард.

Тибқи иттилои манбаъ, шабонарӯзи гузашта 3 211 нафари дигар ҷон бохтанд ва ҳоло дар бемористонҳои кишварҳои ҷаҳон 105 ҳазору 248 нафар дар ҳоли вазнин мебошанд.

Бояд гуфт, ки то санаи, 28 ноябри соли равон дар Тоҷикистон 12 082 нафар чун мубтало  сабт шуда, 11 478 нафар ё 95,00% гирифторони  COVID-19 шифо ёфтаанд.

Роҳбаи СҶБ Тедрос Адханом Гебрейесус изҳор доштааст, ки коронавирус дар ҷаҳон баробар густариш намекунад.

Аслан ҳамаи кишварҳои олам бо ин мараз рӯ ба рӯ ҳастанд, вале ба сурати мухталиф. 70% сироятшудагон ва фавтидагон марбут ба чор кишвари бузург воқеъ шудааст ва дар мубориза бо коронавирус санҷишҳои тестӣ нақши муҳим мебозанд.

Ин созмон мегӯяд Амрико, Ҳинд, Бразилия ва Русия дар сархати кишвраҳое қарор гирифтаанд, ки мубталоёни бештар доранд. Аз 60 то 70 дарсади аҳолии олам бояд эм карда шаванд, то густариши коронавирус боздошта шавад. 

0
Барчаспҳо:
гирифторон, ҷаҳон, миллион, вируси корона, шумор, СҶБ